Apostolmi 2:23 - BAIBEL (BSI)

²³ Alhou wu apulou eno azunatha kighithi lono hi Jisu ye nongu ulo phesuvetsu keu shi; eno nonguno ayehkumthami pelo kros lo pa yedavepe eno pa pithivepeke.

Sümi Tiqhelimi Bible

²³ Alhou no azünatha ghi ithithai püghüpe qhive keu vechewo Jisü pesü nongu u lo phesüve ke. Eno nongu no küsaküghamiqo kukuphu lu püzü kros lo Jisü yeda pìthíve ke.

Sumi Naga CL (Re-edited) Bible (BSI)

²³ Alhouw mtsümishei keu küpüghü eno azünatha kighithi kiqi lono Jisü hipau pesü nongu u lo süvetsü, eno nongu no aye kümthami u lono pa yedave no pithive.

Apostolmi 2:23 Mawu Ofanana

BOTHUBO 50:20

Nonguye ishou kusakughapu shinike kuchughue ikemu Alhou no ikivipulo tukidesuve, tishikeu lono timi hi ishi kutomo xuaghi keqo kuxu puxu tsuniyeke.

LESHELE 76:10

Timi xu kighideye alaushi osheqheve nikeu likhike; aghukishilo ghulu kemiye owu tiqhetini tsala pewolu nani.

ISAIAH 37:26

“Ado kushuwa lono ino hipaqo kughupe puachekeu noye khilemu chimla kesha? Itehino ino tipau shiwo chenike. Ino opelo aliwo putu puaghikeu phughiqo pesu munomugho muqo shivetsu penikeu kuka otsuke.

DANIEL 4:35

Ayeghilo timiqo jukelo ame kuhaghi ithulu acheni, Kungughalo kungumi eno ayeghi lo timi kumtsu pa ghakusu qholo acheni. Khunomu pa mujochile mla, pano kiu shive keno kiu shiye tishi vekea ipi iniju chile mla.

MATTHEW 20:19

eno Ashiayeh kutami lau sawo tsuve nani eno tipaqono pa thaqhi, pa heqhi puzu kros lo pa yedave nani, eno atsala akuthuniye pa xuputhuve nani.”

MATTHEW 26:24

Timi Nu huye kuchoyesulo pa ghenguno yepuakeu toi thive nani, ikemu timi khuuno Timi Nu pesu thechu shinikeno pa ghenguno kiutoi ahakusapu kela! Timi tipau ghenguye pa punumove keu pavini cheke!”

MATTHEW 27:35

Panonguno Kros lo pa yedave eno asaqhi puzu paphimini panongu dolono kijeluve;

Mark 15:24

Panonguno kros lo pa yedave puzu pa phiminiye panoqo dolono khuno kiu luke pu keno asaqhi bejuno kuphalukhave.

Luke 22:22

Alhou no kughuthakeu toi Timi Nu ye thive nani; ikemu timi khuno pa kughape thechu shikeno pa ghengu kiutoi ahakusapu kela?”

Luke 22:37

Kughengu ino nongu vilo hi pini: Kucho yesulo, ‘Paye lhokusa kughami gholo kihisuve’ ipi puakeu hu ilauno shikupuve masavae. Kughengu khikhi ighenguno yehpe qhikeno ighini putsae.”

Luke 23:33

Kughou panonguno Judami tsauno a-a lakhi “Aboghe” ipikeu tokeno, panonguno Jisu Kros lo yedave eno alhoksa kumlami pama ghi lakhino Jisu ajeu kudau eno lakhino piyiu kudau shighi yedape qhi.

Luke 24:20

Niwu kishekiphe achinemi eno ayehkipemino pa ikhiphepe pithive nikeu shiveno panonguno kros lo pa yedave.

John 19:18

Tilehino panonguno kros lo pa yedave, eno pa gholo kutami kini, lakhi khino hula-hila shipuzu Jisu no amtalo shino yedape qhive.

John 19:24

Ike panonguno pi, “Ningu hipau suxukije moni, ikemu tiye khu-wu shikepu kela asaqhinie.” Hiye kuchoyesu shikupuni kehuke: “Panonguno panoqo dolono iphimini kijeluve, Iphikuzu ghenguno panonguno asaqhike.” Ike ghushimino tipaqo shike.

Apostolmi 13:27

Kughengu Jerusalem lo kughunakuami eno panongu shou ayehkipemino paye khuukeno michimlave, eno Sabat atsutsu tungkupmi tsa phichekeu panonguno ithikuthumo kehu Jisu kilevekeu lono ti shikupuve.

Apostolmi 15:18

ipi Ampeu no pie, pano hipaqo vehu kha-ghi no pithivae.’

Apostolmi 2:36

“Tighenguno Israil lo timi kumtsuno hi mtsuqhei ithi pelo, Jisu khuu nonguno yedavekeno tihu Alhou no pa pesu Ampeu eno Khristo kinikujo shivetsuae!”

Apostolmi 3:18

Alhou no paw tungkupmi kumtsu pelo azunathaghi pipuakeuno pawu Khristo ye aghime sholu nikeu shiakeu hu Alhou no ti shikupuvetsuae.

Apostolmi 4:28

Nono azunatha ghi kiu shi nanikeno kughupe puakeu tipau shinike panonguno kumtsa kumqoe.

Apostolmi 5:28

“Timi hipau jelono kutsu kevilo pi ninguno tsatsayi ahza tsuvae, ikeghi nongu kukutsu pesu Jerusalem nhakhava, eno timi hipau kithi ningu makho shivetsu niye anie!”

Apostolmi 5:30

Ningu puasu Lhou no Jisu xuputhuvae, nonguno kros lo pa yedave puzu pithive kemu.

Apostolmi 7:52

Nongu puasuqono kijipusamokeu tungkupumi khuu ani kya? Panonguno Alhou ghinimi khunoqono Alhou qeu Amikuchou ighi naniepi kutughuche keno tipaqo heqhi pithike. Itehiye nonguno pa kughape atheshive eno heqhiveke.

Rommi 2:12

Judakumomi ye Muse yezah pecheghimomu axine shicheke eno Ayezah kuha pulaghi panongu ghi puhave, Judamino Ayezah peche pulaghi axine shikehu Ayezah no panongu shou kughathabevae.

Rommi 4:17

Kuchoyesulo pikeu hutoi, “Ino opelo ashiayeh kutomo papuh shiveapeke.” Ikehu Abraham no puluchekeu Lhou zuloye piqhipuakeu huye tishini putsae. Alhou hipauye kithimi puxuve cheni eno kiumu kuha namu pano piaye aghive cheni.

1 Thes. 2:15

Judamino Ampeu Jisu eno tungkupmiqo pithive eno ningu hapiyepighiveke, Alhou mlo shipusa eno timi kumtsu ghumi shi ani!

1 Peter 1:2

Nonguye Apu Alhou no kumsupulope akeu kiqi lono kisheluvae eno Aghungu Kimthe no shikimthe pesu Jisu papelupeni eno pa ji pesu mitheluve peniyeke. Kupukini ngo alokiqipu nongu lau kighishelu apeniu!

1 Peter 1:20

Ayeghiqha ghomphi lono paye kishephepe puaveke ikemu nongu ghenguno hi kishekhakeu tsala lono pephepiyevae.

1 Peter 2:8

Ike tipauye, “Timino kupuxalukepu tuqu lakhike panoqo pelo veqhivepe nikeu tuqu lakhike.” Panonguno kupuxalukeuye atsa papelumokeu ghenguno panoqo pelo tishivepe nikeushi Alhou no kughupe qhiveke.

Jude 1:4

Kughengu khunomu mthano akelono Alhou lau amlo tsuchemokemi khamino tuqhouno ningu gholo iloghivae. Timi hipaqoye niLhou wu kukumgha tsape ghili tuchighi pesu pano shi aji lhoksa puloulo suve ani eno niMpeu ni Kukutsuu ye Jisu Khristo likhike pa hakha anie. Highenguno timi hipaqo Alhou no peve nikeu shi khaghino amichi shipe qhivae.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.