Apostolmi 19:9 - BAIBEL (BSI)

⁹ Ikemu panoqo gholo khamiye amlo tsatsayi auveno pulutsumo eno aqo zulono Ala hipau lhoksa pie. Ikehu Paul no panoqo qhiveno kutsukulumiqo kutashi pa gholo kuho, eno tsalakipetsu Turanus Hoho kilo kumqono kuptsache.

Sümi Tiqhelimi Bible

⁹ Ikemu panoqo gholo khami ye amlo kuthò shiauve no pülütsümo eno aqha zülo no Ampeu là püla chekemi ghili lhoküsa piae. Ikehu Paul ye panoqo qhive no wuve. Pa no pa gholo küpülümiqo sasü wu no tsalà kipetsü akükütsü ki Tyrannus lo kumqo no küptsa ache.

Sumi Naga CL (Re-edited) Bible (BSI)

⁹ Ikemu khami no kuthovi auve no pülümo püzü aqo zülono Alaghi vehu lhoksa piuve kehu pa no panoqo qhive no akhopemi sasü wuve, eno tsalakipe Tyrannus hoho ki lono küptsache.

Apostolmi 19:9 Mawu Ofanana

KUKAMI AKINIU 17:14

Ikemu panonguno agholumoe; eno Panongu puasuqo toi amlo thoshelo eno panongu Lhou AMPEU lau pulu bemoe.

YEKIKITHI AKINIU 30:8

Panoqo toi nonguye kuthovi akevilo ikemu AMPEU gholulo. Jerusalem lo Achineki khipau AMPEU nongu Lhou no alhokupuju ghenguno akimthe shive tsu keno tilehi ighilo eno pa mllalo tishianguno paye nongu lau aloghu ide kithe pemo nike.

YEKIKITHI AKINIU 36:16

Ikemu panonguno Alhou ghinikishimi thaigha ke, pa tsa kukuthave tsu eno pawu tungkupmi junuqhi ke. Tishive kehu ashekhalo AMPEU loghu pawu timiqo shou kije ikughive kehu tipau lono pokulupu shimlave.

NEHEMIA 9:29

Okukutsu tsa gholupe niye nono panoqo kutughuke, ikemu panonguno aqhekuza shi ozahqo milivetsu ke, tishi pinamu oyezah pelukeulo akuxupu la anike. Panonguno kuthovi puzu agholumo kepi milive ke.

LESHELE 95:8

“Nongu mlo mukamghayi kevilo ti nongu puasuqono Meriba lo shiketoikeu, Asayeqha Masa alo panonguno shiketoi keu hu.

AHOLE 8:34

Khunono itsa inini keno, iwu khagholo tsalakipetsu khekutoni keno ikikha phivilo ngokheni keno, paye alovilu nani.

ISAIAH 8:14

Ino shishe akimtheke ghenguno niye atuqu lakhi toi timino kupuxalu cheni; ino alichhe lakhi toi shieno Juda ngo Israil kukaqhalo akemi ngo Jerusalem lo akemi meluni cheni.

JEREMIYA 19:15

Aqokitikhi MPEU, Israil Lhou no pilo pikeu pesu ishi pi, “Ino aphughi hipau shou eno taun akupunulo akeqo shou aghimepu shinikeu shi pipuakeu kumtsu sughiniye ani, kughengu nonguye kuthoviloke eno ino kiu piniye anikeno nonguye initsumo nanike.”

JEREMIYA 7:26

Ikeghi milakhi nomu initsumo momu amlo tsuqhiyikeu kuhake. Tishinike zuqhulo nonguno nopuasu nguno alau kuthovi kithe eno hebide kitheke.”

MATTHEW 15:14

Panongu lokutovelo! Panonguye sakiphemi anhethi kighichemiqoke, eno anhethi kighichemi lakhino anhethi kighichemi kutami saphe aye, pama kinikujo azulakilo ilulove cheni.”

MATTHEW 16:4

Kusakugha eno Alhou kumtha tiqhelimino amchipu lakhi phucheni, ikemu Jona michipu nguno alauye amchipu kutau pesu nongu tiqhelimi tsumo nani.” Tishieno paye panoqo qhive puzu wuve.

MATTHEW 26:55

Tilehino timi kumzapu ighikeqo vilo Jisu no ishipi, “Niye heqhi- buqhi chekemi toi nonguye azutakihi ngo asulu pesu ikughaniye ighi ani kesha? Ghulo atsu-tsu ino achinekilo iqano kutsuche mu nonguye ikughamoe.

John 12:40

“Alhou no panoqo nhethi kighichevetsu eno panoqo mlo shikughupo vetsu, Ikehu panongu nhethino ithumla, eno panongu kukumsulo vethamla, eno panoqo shipivitsu penike ilau panonguno ideghimoe.” ipi Alhou no pi.

Apostolmi 11:26

Pano pa phulu kelo pa sasu Antiok lo ighi. Ampe lakhi kupuju pamano akukuhomi sasu kushokumtsa eno timi aqo kije shikache. Ike ti kutsuluvekemiqo pesu Khristomi ipi Antiok lono kutughiu shie.

Apostolmi 14:4

Taun lo akeqo dolo aqo kijethave, khamino Judami gholo su, khamino apostolmi gholo sue.

Apostolmi 17:4

Panoqo gholo khamiye vethaluve eno Paul ngo Sila pama gholo kuqhaluve titoi Alhou sumsa mlla chekemi Grikmi aqo kije lakhi eno sakiphemi totimi kutomo ishino tishi luve.

Apostolmi 19:23

Tipa ghuloki lono Efesia lo hi Ampeu Laghi shou kupunapughakeu kije lakhi ipeghive.

Apostolmi 19:30

Paul ye pa ampino timi muqo zulo wunishiae, ikemu kutsuluvekemiqono pa pelo wupemoe.

Apostolmi 20:31

Tighenguno jukuto alo, ino anhezu thotsu piji ampe kuthu kutolo tamono putho pucho nongu lakhikhi shika chekeu kumsulualo.

Apostolmi 22:4

Timi khunoqono hipau Laghi pape cheghini keno thimoke kutolo ino shikighimeqhi cheke. Kiptimi na totimi pinamu ino kughasuwo akughukilo sunhesuve cheke.

Apostolmi 24:21

Panongu gholo puthughokelo ino asheshu pikeuye hilikhi: ‘Ishi tsalalo nongu zulo ishou kughatha akeuye kithimiye akuxupu shi xuputhuve nanie pi pulukeu ghenguno ke.’ ”

Apostolmi 28:22

Ikemu okukumsuye kiutoi kela olauno ninguno chilunishi ani, kughengu ninguno ithi akeuno hi nono pichekeu mqo huye aqha kumtsulo timino pipusa acheni.”

Apostolmi 7:51

“Nongu aghekulukumomi, amlolo kusakugha eno Alhou sutsa chikumlamiqo. Nonguye nongu puasuqo toi kena, nongu ghi pulhapuju Aghungu Kimthe mujochile cheni.

Apostolmi 9:2

Damaska lo Sinagog qo lau kilethi sutsukeu yesu khu, tishianguno tilau Ampeu La papekemiqo kiptimi na totimi namu pano phulukemi thaqhu tshu sasu Jerusalem lo saighi nikeu shi.

Rommi 11:7

Ike kishive kya? Israilmiye kiu phuchekeno phumlave; Alhou no amqo aghulo kishelukeqono ti phuluveno kutamiqoye Alhou no kukeu ini kikeve.

Rommi 9:18

Ikehu pano khunoqo qhuivulayi keno tipaqo qhuivulayi cheni, eno pano pulokeu hutoi khami mulo shikumkavetsu cheni.

1 Kor. 16:9

kughengu hilehi amekuapu kumla kije shikulupu ado kivi khaqhitsu anike, eno mujochileni kemi qhe akhanike.

1 Tim. 6:5

akukumsu lhoksami eno kuchou kuhavekeqo launo kighekile anikeu sughi cheni. Panonguno kumsuchekeuye achineyeh luanguno kinikulu shilu nani kepi cheni.

2 Tim. 1:15

Nono ithi aghi nanike Asia yeghiqhalo akemi kumtsuno iqhivae, eno tipanoqo gholo Fugelo ngo Hermogeno pama ghi iqhivae.

2 Tim. 3:5

Achineyeh ghushoghili pepulaghi tipaulo akuka kumto akeu phevekeu. Panongu launo putosu alo.

2 Tim. 4:2

atsa pesu pikulhalo, ado achipilo na monamu mutazu tipau pialo; mutsuqheyi shilupe, sakiyikepulo sakiyi, shikumto kepulo shikumto eno kheakulushi kutsupiyelo.

IBRIMI 3:13

Ikemu kuchoyesulo “Ishi tsala” ipiake kutolo nonguye tsalakipetsulo lakhino lakhi shikumtolo, tishianguno axineno nongu lakhimu pishiqhive pemonike eno amlo mukamughaive pemonike.

2 Peter 2:12

Panonguye atsa pikumla tughashi pithive niye kughape puake toi vethamlano timi shou ghi ngushongko kumla shi cheni. Kiukiumu panonguno ithi kututa shimla keuye panonguno ghekucho cheni. Tughashi toi panongu ghi kutsakungove nani,

2 Peter 2:2

Timi kutomono kiptimi totimi dolo mithemo keu papewu nani eno panoqo ghenguno kutamino kuchou Laghi hu pipusa nani.

Jude 1:10

Ikemu timi hipaqoye panonguno mthakeu jeli thaqhuye thaigha acheni; eno kumsuphe kumlau tughashiqo toikeu kuxu, ti chukeyeh likhi ithi akeu huno panoqo shipusa puhave cheni.