Apostolmi 13:2 - BAIBEL (BSI)

² Panonguno Ampeu sheqhe mlla eno kumvu ake lono Aghungu Kimthe no panongu vilo pi, “Barnaba ngo Saul pamaye ino kupe puakeu kumla shipenike ghenguno pama kutashi qhivelo.”

Sümi Tiqhelimi Bible

² Panongu no Ampeu sheqhe mülá eno kümvü akelo Aghungu Kimthe no pi, “Barnabas ngò Saul pama ye I no ku pe püakeu kümlà shipe nike ghenguno pama kütashi qhilo.”

Sumi Naga CL (Re-edited) Bible (BSI)

² Panongu no Ampeu mlla eno kümvü ake lono Aghungu Kimthe no pi, “Barnabas ngo Saul pama pelo I no kulu keu kümla shipenike kishekimthe lo.”

Apostolmi 13:2 Mawu Ofanana

YEKIKITHI ATUGHIU 16:4

Puloshoqhi Bohu gizulono Israilmi Lhou AMPEU shipili mlla keulo saphe penike ghenguno David no Levimi khami sukusu shie.

DANIEL 9:3

Ino yeqhiye phi upuzu ayevulo iqano kumvu imlo kuchopu suno AMPEU vilo inikhua.

MATTHEW 17:21

Ikemu akighini eno kumvukeu likhino hikithipu haphelu nanike thono kutau kiunomu shimlae.”

MATTHEW 6:16

“Kughou nonguno kumvuni keno, kuhakughami toi agi kuzu piye kevilo, kughengu panoqono agi thibuyi pesu kutami pelo panonguye kumvu anikenapi ithulupe niye shi cheni. Kuchouno ino nongu vilo pini, panonguye panoqo jume ithuluvae.

MATTHEW 9:38

Tighenguno ghile mipeu pelo ajumi puhutsu penike inikhulo.”

Luke 10:1

Hipa thiu Ampeu no kutami lhotsuni kishelu eno kininino pano wuniepi akeu phughilo pa zuuno puwue.

Luke 2:37

no chimekeu ampe lhotache bidi shia. Liye achineki phemono putho pucho akukhu akighini shi Alhou mlla ache.

Apostolmi 10:19

Pitor no kungunhetsu kiqi kumsukutoju akelo, Aghungu no ishi pi, “Julo, timi kuthuno ophu cheni.

Apostolmi 10:30

Ikelo Kornelia no pi, “Ishi bidi shiveake, hipau yikihedolo niye avelau ayi kuthu kihelo akighini shichekeu iki lono shiae. Phaikhavi timi lakhi metsughoike phimini pepuno izulo puthugho,

Apostolmi 13:3

Panonguno kumvu akighini shi eno a-u chhope pama shou kukumgha betsuno puwuve.

Apostolmi 13:4

Aghungu Kimthe no puwukeu toi Barnaba ngo Saul pamaye Seleukia lo iqive eno tilauno azughi dolo Kupra ghakhu ake kudau ashuka lono cheve.

Apostolmi 14:26

Tilauno panonguye ashukaki lono Antiok lo cheve, eno tipa-a lono panongu pesu Alhou wu kupukini lau kulhuqhipuku puzu panonguno tipau kumla shikupuno ighilu akeu-ake.

Apostolmi 20:28

Nongu likhi nongu jukutsukiyi lo eno Aghungu Kimthe no nongu pelo jukidekuda peniaye qhipuatsukeu loji hu jukutsu-kiyi tsulo. Alhou kukuhou kheu shilo, tiye pa Nu kithi vechewo pawu shilupe puanike.

Apostolmi 22:21

Ikelo Ampeu no ivilo ishi pi, ‘Chevelo, kughengu Judakumomi lau aghachelo ino opuwuni.’ ”

Apostolmi 4:36

Ikehu Levi laghami lakhi Josef ipikemi Kupra noghami, khuu je apostolmiqono Barnaba kukithevetsu keno (tipau kiqiye timi shikumtokutsu-u).

Apostolmi 6:4

Ninguye akighini eno asheshukeu kumlalo ado kumtsu puwokeu shinie.”

Apostolmi 8:29

Ike Aghungu Kimthe no Filip vilo pi, “Wu puzu hupau khurkulu kupunu chechelo.”

Apostolmi 9:15

Tile Ampeu no pa vilo pi, “Wulo, kughengu pa pelo iqe penike eno ije pesu Judakumomi, kukami eno Israilmi lau pewu penike ino pa kishevae.

Rommi 1:1

Jisu Khristo qeu Paul ye Alhou tsakiviu pikulha penike apostolmi shi kuluve keuno yeh ani.

Rommi 10:15

Asutsa kipemi puwumoke, kishi asutsa pikulhaluni kya? Kuchoyesulo pipuake toi, “Atsakiviu pikulhakemi ighikeuye kiutoi jukivi kela!”

Rommi 15:16

Judakumomi kudau Jisu Khristo qeu shipenike Alhou launo ighikeu tsakiviu pikulhakeu lono niye achinemi kumlho shi ani, tishianguno Judakumomi pelo Alhou no ikhikulupu akumllagho lakhi shilupe, eno Alhou lau Aghungu Kimthe no shikimthe pesu tsukeu shilupeniye ke.

1 Kor. 12:11

Ikemu Aghungu no khuno tsukuzu keno tipano tsu cheni.

1 Kor. 7:5

Nonguno ado peveno kumvu akighini shiniye kihikuthado ghenguno kushomonikeu shi kumtsa pulo kuqha puaghinike kumoaye akimi anipu dolo milikilekeu shikevilo, ikemu itaghi kumtsa ngoluvelo, tishi anguno nonguno alikhi aghasu mlavekeulo Satan no ghujukeulo ilove pemonike.

2 Kor. 11:27

Niye aghichhe aghime eno shilukusa shipuani, ghuthu kutomo zuhupe puamoe, amzu-atughu shi puani, ghuthu kutomo achuqupu kuhakeu, kusuqho kepu kuha eno aphimini kuhakeu shipuani.

2 Kor. 6:5

Ni ghaqhikeulo, akughu shikelo, muto mughu ipeghive kelo, ghichhe ghimelo, ngopemo mithe keulo eno chumo shomokelo kheakulushi acheni.

Galatiami 1:15

Ikemu ipunu mphi lono Alhou no pawu kupukini vechewo ikishephelu eno pa qepenike ikulue.

Ephesiami 3:7

Alhou no pa kuka ivechewo mla akeuno pawu kupukini gho lono ipelo atsakiviu lokijimi lakhi shilupeke.

ZAKINIU 10:8

Naghutolo AMPEU no Levi laghami susu puzu panoqo pelo Puloshoqhi Bohu jukuto penikeu shie. Eno itehi ghi panoqo kumlaye tipaqoke.

Kolosiami 4:17

Eno Arkhipa vilo ishi pitsulo: “Khristomi kumlapu saje otsupe puakeu shikhavetsu masakepi ithilo”

1 Tim. 2:7

Hipau ghenguno ipelo Judakumomi vilo akupulu ngo kuchou tsape pesu asheshupe nike apostolmi lakhi eno akukutsuu lakhi shi susuno puwuke. Niye kuchou tsa piani kethono miki amoe.

2 Tim. 1:11

Atsakiviu hipau pikulha penike ghenguno apostolmi lakhi eno kutsuchekemi lakhi shighi Alhou no isukusu shie,

2 Tim. 2:2

Thopimi kutomo kua lono ino pikulhache keu tsaqo nono chilupua keu hu ikhilulo, eno tipau pesu nono pulubekulumi, khunoqono kutami kutsupiyelu nani keno tipaqo lau pichebetsulo.

2 Tim. 4:11

Luk likhino isasu ani. Mark phu sasu ogholo ighilo, paye ikuphughi mlalu nanike.

2 Tim. 4:5

Ikemu nouye pulhapuju tsaqutsaleyilo, ghichheghime puqhelulo, tsavipemi kumla shilo eno Alhou qemi kumlapu shikupululo.

IBRIMI 5:4

Timi khunomu achinetou shinike alikhi ampino kishephelu chemoe, ikemu Aron toi timi tipauye Alhou no kuluve cheni.

SAMUEL ATUGHIU 2:11

Tipathiu Elkana ye paki Rama lo wove, ikemu anu Samuel ye Shilo lo ngoveno achineu Eli qholono AMPEU qe acheuve.