Apostolmi 13:10 - BAIBEL (BSI)

¹⁰ “No tughami nu! Akimki eno pishikiqhino chhitoi xapusu noye amikucho jeli kumtsu sasu aghumi shikicheu, noye kushiye Ampeu wu akumzu laghi shichighi pesu kichileu shivetsu niye pukaputsa acheni kya? Momu noye Ampeu wu amikucho laghi suchighi achekeu tavemo nani kesha?

Sümi Tiqhelimi Bible

¹⁰ “No ye tüghami nu eno achipiu kümtsü sasü aghümi shikicheu ke! No ye akimiki eno pishikiqhi no chhitoi ani. No ye Ampeu’w achipiu laghiqo shichighi chekeu lono khilemu tavemo nani keshea?

Sumi Naga CL (Re-edited) Bible (BSI)

¹⁰ eno pi, “No tüghami nu, akimki eno pishikiqhi no chhitoi xapusü amikucho ghümi shiche keu, no ye Ampeu laghi kümzü shichighi keu lono tavemo kea?

Apostolmi 13:10 Mawu Ofanana

BOTHUBO 18:19

Kughengu ino pa ithi ani, ike pano pa nuliqo eno pa lagha ahza tsu keu shilu nani, panonguno AMPEU laghi pelu nani eno amikucho ngo achipiu lono kughatha keu shi nani. Tishianguno AMPEU no pa ghenguno piqhipuakeu Abraham shou pano shikuputsu nani.”

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

YEKIKITHI AKINIU 17:6

Paye AMPEU qeni keulo akijivilo ke eno Juda lo asu-atu kumlla-a ngo Ashera lhouliu jukimihi kumtsu kutsaleve tsuke.

YETSAPIU 9:3

Kiu shivepeniye kutopuani keno tipauno kumtsu lau aphiphishi ighi cheni, hiye ayeghilo vimokeu kiu shiani keno tihutoi highi vimokeu lakhike. Timino xuake thaqhulo panoqo kukumsuye alhoksa eno anikhano chhitoi ani eno panonguye zuleno thive cheni.

JEREMIYA 23:36

Tishiaye panonguye khilemu ‘AMPEU makho,’ ipikeu tsalothi peitha kepu kumoe, kughengu milakhi nomu tipau peitha aye, ino itsape pesu pa shou amakho kuchou lakhi shipe nanike. Timiqono xuakeu Lhou, Aqokitikhi MPEU, panoqo lhou tsalothi suchighive anike.

HOSIYA 14:9

Khunoqono alokutsumi keno tipaqo pelo hile kiu yepuani keno vethalulo eno amlolo supululo. AMPEU laghiye achipike eno achipi lono xuchekemiye tipau papeghi xucheni ikemu axinemiye kupuxa pesu veqhi cheni kughengu panoqono tipau phimo gihumoke.

MATTHEW 13:38

alu huye ayeghiqhake; apiti kivi huye Alhou yehkipe qholo akemi timiqoke; alupi huye Alhoksau qholo akemi timiqoke.

MATTHEW 15:19

Kughengu timi mlo lono alhoksa kukumsu ipeghi puzu ghiqhi chenipe, kutuqhakile chenipe, salha chenipe, puka chenipe, akimki shepe shichenipe eno kutami xishi chenipe.

MATTHEW 23:13

“Nongu Ayezah kukutsumi ngo Farisimi ghenguno ahakusapue! Nongu kuhakughaqo! Nonguno timiqo launo Kungugha yehkipe hukikha khavetsu; nonguno iloke kumo puzu tipaulo iloniye pukaputsa akeqo pelo ilopemoe.”

MATTHEW 3:7

Kughou Farisimi ngo Sadukimi kutomono baptiz shitsupe niye cheghi keu Johan no ithulu keno, pano panoqo vilo pi, “Nongu apighi tiqo! Khuno nongu kutughu puzu Alhou loghu chekeu lono polule pi kya?

Luke 11:39

Ampeu no pa vilo pi, “Pinikeu loye nongu Farisimino ajukhu ngo akhu ashou likhi mithe cheni, ikemu nongu lo alou ye angukano xukeu xesuxenino chhitoi anie.

Luke 11:52

“Nongu Ayezah kukutsumi ghengu ahae! Nongu no akighithi hukikha wu akhadu ikhisuwuve puzu nonguno ilo kea-kumo puzu kutamino iloniye akeu ghi lakha ke.”

John 1:23

Johan no Isaya tungkupuno pipua keutsa lono hitoi khochile, “‘Timi kughunamokeu-a lono milakhino ishi ighamuku keu sutsa huke: AMPEU no wukepu laghi lakhi mzuchoyi shilo!’ ”

John 8:44

Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

Apostolmi 20:30

Nongu likhi nongu gholono kixikila tsa pinikemi ipeghive nani, eno kutsuluvekemi musu sasu pano papewuvepe nikeu shi nani.

2 Kor. 11:3

Ikemu apighino muqumugha vesu puzu Eva pishiqhive ketoi nongu kukumsu ghi mutsumishei eno tsaqutsaleyi Khristo lau amlo tsuchekeu launo sakughuzuve nike ino msatsu ani.

Galatiami 1:7

Kuchouno kutau tsakiviuye kuhake, ikemu timi khamino nongu xukutho ani eno Khristo tsakiviu shipixinishi kehuke.

Ephesiami 4:14

Tishianguno ninguye itimi toi izuichoi pemo eno pishikiqhimi kukutsu jelino ningu fusasu wuvepemo nani, timi hipaqono muqu mugha vesuno kutami ghi akumou lalo sawuve chenike.

2 Peter 2:15

Panonguye alakumzu qhive puzu alaizu susu wuvae. Panonguye Beor nu Balaam, khuu alhosa kumla lono ala kighishe lukeu kupukeno tipau laghi papewuvae.

1 John 3:8

Khunono axine shi cheni keno panoye Tughami laumike; kughengu Tughami ye abothu lono axine shiveake. Alhou Nuno ipeghikeu kiqiye Tughami no mulapuakeu shipusave tsu niyeke.