Apostolmi 11:1 - BAIBEL (BSI)

¹ Judia qha kumtsulo apostolmi ngo athikuzumi akeqono Judakumomi ghi Alhou tsa ikhiluvae pikeu chilu.

Sümi Tiqhelimi Bible

¹ Judea qha kümtsü lo Jewkumomi ghí Alhou tsa ikhiluvae ipikeu apostolmi ngò küpülümiqo no chilu.

Sumi Naga CL (Re-edited) Bible (BSI)

¹ Judea qhalo apostolmi ngo athiküzümi akeqo no Jewkumomi ghi Alhou tsa ikhiluvae pi chilu.

Apostolmi 11:1 Mawu Ofanana

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

LESHELE 22:27

Timi jeli kumtsuno AMPEU kumsulu nani eno pa lau xaideghi nani; Ashiayeh jeli kumtsuno pa gihu mlla nani.

ISAIAH 11:10

Tipa tsalani David kuka lagha lono akukau akithe ipeghikeu no ashiayehqo lau amchipu kumla lakhi shi nani; panonguno aphughilo pa phuighi nani eno ajekipishi pa gihu nani.

ISAIAH 32:15

Ikemu itaghi ghuthu lakhi Alhou no pa Ghungu puwu nani. Lumovekeu yeghiye aghuma yeghi shive nani, eno aluqalo axa kinikulushi pithi nani.

ISAIAH 42:1

AMPEU no pi, “Iqeu hi anike julo, ino sunheqhe chekeuke, Ino pa kisheluve keuke, imlo kiqishi chekeuke. Ino iGhungu pesu pa shepichhive ake eno pano ashiayeh kumtsu lau achipi xakutha sughi nani.

ISAIAH 42:6

“Ni AMPEU no okuluvae eno akuka otsuvae, ayeghilo kuchou xakutha shikeu jupenike. Ovechewo ino timi jeli kumtsu sasu puloshoqhi lakhi shinike; ovechewo ino ashiayehqo lau akuvu sughi tsu nanike.

ISAIAH 49:6

AMPEU no ivilo pike, “Iqeu, niye oghenguno akumlapu saje kije lakhi ani. Noye Israilmi puxu puaghikeqo kije shikepulo sachilewoni keu likhi kumo, ikemu ino opelo ashiayehqo lau akuvu lakhi shipeni cheni, tishianguno ayeghiqha kumtsu xaluvepe nike.”

ISAIAH 52:10

AMPEU no pa kuka kimthe peitha nani; pano pawu timi xaluni, eno ayeghiqhano tipau ithulu nani.

ISAIAH 60:3

Ashiayeh kutamiqo nongu kuvu kudau ighi nani, nongu tsala kithe ipechekeu kudau kukamiqo ighi nani.

ISAIAH 62:2

Jerusalem, nono toluakeu ashiayeh qono ithulu nani! Pano kukamino ojukuvu ithulu nani. Noye ajekithe pesu oku nani, Aje tiye AMPEU ampino tsukeu.

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

HOSIYA 2:23

Ino aghakhulo iwu timiqo qhiwo nani eno panoqo kinikulu shitsu nani. Khunoqo vilo “Kimiyemoke” ipiche keno tipaqo lau ino kikimiye piye nani, eno “Iwu Timiqo Kumoe” ipiche kemiqo vilo, Ino ishi pinani, “Nonguye iwu timiqoke” eno panonguno, “Noye niLhouke” ipi khochile nani.

MICAH 5:7

Israil lo akemi khunoqo xu aghi luni keno tipaqoye ashiayeh kutomo ghenguno AMPEU no aloponiyi keu tsuzu puwukeu toi nani, panoqoye atsuni thu ipeghi akeulo tsughupuku keu toi nani. Panonguye timi shou kumono Alhou shou pukhube nani.

ZEFANIA 2:11

AMPEU no panoqo shikumsa nani. Pano ayeghi hipaulo alhou kepi chekeqo kumu kuhakeu shivepe nani eno tithiuno pututa shiayeh pututa yeghi lono pa mlla nani.

ZEFANIA 3:9

“Tithiuno ino ashiayeh qolo timiqo tsapi kilive tsu nani eno panonguno ivilo likhi khuini nani kethono alhou kutau vilo khuinimo nani. Panongu kumtsu igholu nani.

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

MALAKI 1:11

Ayeghi cheku lakhi lono lakhiu kutolo timiqono igihu cheni. Aqha kumtsulo panonguno tsungquikeu ta pitipe itsu cheni eno ino ikhikulupu lhoxu heqhipe mlla cheni. Panongu kumtsuno igihu cheni!

MATTHEW 2:1

Herod no akukau shiake ghulokilo Judia ghakhulo Bethlehem phu lono Jisu punu, ikelo kipelauno ayepukighithimino Jerusalem lo ighino ishipi,

MATTHEW 8:11

Ino nongu vilo pini, timi kutomono tsukinhe kipelau ngo kulolauno ighi puzu Kungugha yehkipelo Abraham, Isak eno Jakob ishi sasu iqano kuchukusho shi nani.

Mark 16:5

Akumoki alou iloghi kelo apumi lakhi metsughoyikeu phimini chijeboyipepu puzu ajeu iqa aghike panonguno ithulu, ike panonguye thughuyive.

Luke 2:32

Akuvu lakhi hi Judakumomi pephepiye anike, Eno ajukuvu owu Israilmi tsunike.”

Apostolmi 1:15

Tishiwo kushuwa kumolo, kupulumiqo kuho kelauye kumtsu kuqhakelo 120 kumqolue, tile Pitor no puthughono pi,

Apostolmi 11:29

Kutsuluvekemiqono kuptsathalukeuno panoqo lakhi khino kiu toluke qhemi keno tipau kiqi lono Judia lo athikuzumiqo kuphu puwunikeu shi.

Apostolmi 14:27

Panonguno Antiok lo ighi kelo akukuhomi kuhokumqo, eno tipaqo vilo Alhou no kishi panongu peitha keno kishekulu lhe, Judakumomi pelo pululu penike ghenguno Alhou no alaghi kishi kophe tsu anikeno pie.

Apostolmi 15:3

Ike alalo panongu ghenguno akukuhouno thwokha kutotsu, panonguno Fanikia ngo Samaria qha kathasu wuche kelo Judakumomino kishi Alhou lau xaide ighilu anikeno lhepiye, eno hipaqo sutsa chilu puzu kupulumi athikuzumi kumtsu lau shishe alokivi sughitsu.

Apostolmi 28:15

Rom lo athikuzumi qono ningu ghili chilu puzu Appi Lhikishia ngo Aghuzulaki Kuthu kutolo ghi ningu sasu kusholuniye ighi. Panoqo ithulu kelo, Paul no shikimithi Alhou tsu eno pa mlo kuloghi shikithelu.