Apostolmi 1:11 - BAIBEL (BSI)

¹¹ Pamano ishi pi; “O Galilmiqo, nonguye kushiye puthughono atsutsu kudau jupuku ania? Hi Jisu khuu nongu launo kungughalo saiku keno, pano kungughalo wukeu nonguno ithuluvekeu toi paye tipaphi shighi ide ighi nani.”

Sümi Tiqhelimi Bible

¹¹ Pama no ishi pi, “Galileemiqo, nongu ye kushiye hile puthugho no atsütsǘ lo ju ani kea? Jisü khuu nongu lau no kungugha lo sawuve akeno pa ye nongu no kungugha lo pa sawuve keu ithulu ketoi akiniù ideighi nani.”

Sumi Naga CL (Re-edited) Bible (BSI)

¹¹ eno pi, “O Galileemi, nongu ye kushiye atsütsü lo jupuku ania? Hi Jisü, khuu nongu launo kungugha lo saikuve akeno, pa ye kungugha lo wuve keu gholau no itaghi ighi nanie.”

Apostolmi 1:11 Mawu Ofanana

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

MATTHEW 16:28

Kuchouno ino nongu vilo pini, hile puthugho akemi khamiye Timi Nu no payehkipeqha lono ighikeu ithulumoke kutolo akithi michemo nani”

MATTHEW 24:30

Tileno Timi Nu michipu atsutsulo ipeghi nani, ayeghilo ashiayeh kumtsu mlo-qah nani, Timi Nu no khungkusu lo akuka eno akimthe jukuvu lono chekeu timiqono ithulu nani.

MATTHEW 25:31

“Kughou Timi Nu no ajukuvu lono kungumi kumtsu pa gholo sasu ighini keno tile pano pawu akimthe jukuvu lakhulo iqa nani.

Mark 13:26

Tileno Timi Nuno khungkusu lono akuka kije eno ajukuvu lono chekeu timiqono ithulu nani.

Mark 14:70

Ikemu Pitor no tiye kuchou kumoe pive. Ado kitila thiu tile puthugho akeqono Pitor vilo pi, “Mtsuqheyino noye panoqomi gholo lakhie kughengu nonguye Galilmike.”

Mark 16:19

Ike Ampeu Jisu no panoqo putsatave kethiu, paye kungugha lo sakuve, eno Alhou-u ajeu iqave.

Luke 21:27

Tithiu Timi Nu ipeghi nani, khungkusu lono akuka kije eno mulapuyi ighini.

Luke 24:5

Panonguye thughuyive eno itsaqive, ikemu timi pamano pi, “Kushiye kithimi gholo kuxumi phuju chenia?

John 14:3

Ino wupuzu nongu sala a-a lakhi kutolu kethiu, ino ideighi nani eno igholo nongu sawuni, tishianguno ino khile ani keno nongu ghi tile anani.

Apostolmi 1:2

kungughalo saikuveke tsala kutolo mlakeuke. Pa saikuve mphilo Jisu no Aghungu Kimthe vechewo apostolmi khunoqo pano kishelukeno tipaqo vilo ahza kutsu shike.

Apostolmi 1:9

Pano hi pive puzu panonguno pa ju apulaghi kungughalo pa sasu ikuve eno panoqo nhekithe lono khungkusu amqo lakhino pa kuzupholuve.

Apostolmi 13:31

Atsala kutomo kutolo timi khunoqo Galil lono pa sasu Jerusalem kuto pa gholo iqho keno tipanoqo sasu kusho, eno itehiye panonguno timiqo lau pa shepe shikemiqoe.

Apostolmi 2:7

Timiqoye thughuyi kelauno ishi pi, “Hi atsa piakeqo kumtsu Galilmi ke kumo kesha?

Apostolmi 3:12

Kughou Pitor no ti ithulukeno, pano timiqo vilo pi, “Israilmiqo, nonguye hi jupesu kushiye akichiqhi eno kutuxoxo niju ani kya? Nonguno kumsukeuye nilikhi nikuka momu nikuxu kimthe pesu timi hipau pelo alachelupe ani kughashi kesha?

Apostolmi 3:21

Alhou no puzuuno pawu tungkupmi pelo azunathaghi pipuakeu toi, thwokha shikithe chilemoke kuto paye kungughalo aghimasae.

1 Thes. 1:10

itehiye pa Nu kungugha lono ighikeu nonguno huqhekheani, pa Nu Jisu khuu akithi lono xuputhuve eno pano Alhou loghu ighiniye akeu lono ningu xapheluke.

1 Thes. 4:16

Kughengu tilehiye ahza kutsu ghugha anani, kungumi gholo atou sutsa chilu nani, Alhou fuko kuyigha nani, eno kungugha kudauno Ampeu ampi iqighi nani. Eno Khristo pulucheno thivekemiqo paghi xuputhu nani.

IBRIMI 9:28

Tihutoi Khristo ghi timi kutomo xine puluvetsu nike ghuthu khavino pa likhi pa ikhiphetsuve. Paye ghuthu akiniu ipeghi nani, tiye axine ikhive tsunike ghenguno kumoe ikemu pa huqhekhe aghikemiqo xaluniyeke.

Piyeküsü 1:7

Julo, paye khungkusu shouno cheni. Timi kumtsuno pa ithulu nani, pa qhuqhi pithikemi ghi; eno ayeghilo timi jeli akemi kumtsuno pa shou amlo ghime shi nani. Tishi peniu! Amen.