ALE KIMCHI 8:8 - BAIBEL (BSI)

⁸ Nichepu alhothe lakhi ani li kichhiye aghulo likhi aphie. Apumino li hoighi aye ninguye li ghenguno kiu pitsuni kela?

Sumi Naga CL (Re-edited) Bible (BSI)

⁸ Ningu ye achepu lakhi akichhi kühakeu anie. Li ini ighike tsala lo li ghenguno kishiveni kea?

ALE KIMCHI 8:8 Mawu Ofanana

LESHELE 2:8

Ivilo khulo, ino ashiayeh kutami kumtsu omheghipu shi tsuni eno ayeghiqha owu shipeni.

ALE KIMCHI 4:5

Okichhi kumaye asheti kini toi, eno achuyi atuna pittikishepe achumuza aketoi ani.

ALE KIMCHI 7:3

Okichhi kumaye ashe tuna lakhi toi eno achuyi kini toike.

ALE KIMCHI 8:10

Niye putukhakeu lakhike eno ikichhiye tipau ghukhuake. Ilomino ithi anike, niye pa gholono imlokiqi eno ilokughuno phulu cheni.

ALE KIMCHI 8:9

Lino putukhakeu liwo lakhike aye ninguno li salla tsandiyi pesu aghukhua lakhi mlatsuni cheke. Eno lino khagho lakhike aye ninguno Kedar su pesu atozu shikeuno li shokhakepu shitsuni cheke.

ISAIAH 49:6

AMPEU no ivilo pike, “Iqeu, niye oghenguno akumlapu saje kije lakhi ani. Noye Israilmi puxu puaghikeqo kije shikepulo sachilewoni keu likhi kumo, ikemu ino opelo ashiayehqo lau akuvu lakhi shipeni cheni, tishianguno ayeghiqha kumtsu xaluvepe nike.”

EZEKEL 16:46

“Ofoye ahuu akeu Samaria eno tipau hokuxalo aphu akeqoke. Otsunipuye apeu akeu Sodom eno aphu akeqoke.

EZEKEL 16:61

Kughou nono ofo ngo otsunipu ithulu chileni keno tilehino noye kishi mla itha chekeno tipau kumsu chilelu nani, eno tipau ghenguno kujove nani. Hiye ino osasu puloshoqhi shikeulo supua mokemu ino panoqo pesu ongaqo shitsu nani.

EZEKEL 16:7

Atsanibo lakhi checheyikeu toi ino opelo thuwulupeke eno noye choshiyi thuwuve, chuqumghaive eno ilimi lhothe lakhi shive. Okichhiye akoghe kivi shive eno osa thuwuve ikemu noye aphi kumsa ke.

EZEKEL 23:33

Tipauno opelo amloksa eno shomzuvepe nani, ti akumsa eno shipusakeu jukhu, ofo Samaria jukhuke.

Luke 19:44

Panonguno okutsave nani, no eno oti onuli obocho alou akemi kumtsu; eno panonguno atu lakhimu puzuu alo qhipemove nani, kughengu Alhou no oxaluni ke ighikeu ghuloki nono mthaveke!”

John 10:16

Hipau bheri bokuthalo kuhakeu iwu bheri kutau ghi ani; niye tipaqo ghi saghi masae; panonguno isutsa chilu nani, tilehino aqo lakhi eno akheu lakhi shive nani.

Apostolmi 10:1

Kaisaria lo Rom ghushimi “Italia Ghushimi” ipikeu lojilo keptein Kornelia ache.

Apostolmi 16:9

Tipa ji kungunhetsu lakhi Paul lau ipeghi; Makedoniami lakhi puthugho puzu pa qhuiniju ghi pi, “Makedonia lo ighilo eno ni kuphutsulo!”

Apostolmi 22:21

Ikelo Ampeu no ivilo ishi pi, ‘Chevelo, kughengu Judakumomi lau aghachelo ino opuwuni.’ ”

Apostolmi 7:38

Asayeqhalo Israilmi kuhokumqo kelo panongu sasu akeuhu pake. Pano kungumi sasu Sinai naghutolo nongu putsa eno nisunoqo ghi sasu ngono kuptsake. Ningu tsuniye akuxupi sutsa peighi keuhu panoke.

1 Peter 2:12

Alhou mthakemi gholo ghushoghili akivi shilo, tishianguno panonguno nongu vilo kusakugha kumlami kepi nguku aghinamu pano ighike Tsalalo panonguno nongu kumla kivi ithulu puzu Alhou akishe tsupe nike.