ALE KIMCHI 8:6 - BAIBEL (BSI)

⁶ Ikikimiye likhi thono kutami kumtsu launo omlo kha luvelo; ilikhi thono kutami khumu oulo khapelu kevilo. Kikimiyeye akithi toi akumtoke; anhekushuye akumokilive yikusa toike. Hiye phoi iquve cheni eno amino muha ketoi piti cheni.

Sumi Naga CL (Re-edited) Bible (BSI)

⁶ I küghape o mlo eno o u lo amchipu shivelo, kughengu kikimiye ye akithi toi akumto, anhekushu ye akumokilive toi ayiküsae. Tipau mi ye Ampeu mi toi shishe müghake.

ALE KIMCHI 8:6 Mawu Ofanana

YEKIKITHI ATUGHIU 11:18

Ghushimi kuthu aghulo ajekipimi qono Filistiyami ghazu katha susu wu eno azu kikhe lono azu pesu ighino David lau sughi. Ikemu paye tipau hu yemoe; tishinike zuqhulo pesu AMPEU kumlla alo pelepukuveno

LESHELE 120:4

Ghushimino pechekeu piji mili eno amiyi huchuyi pitiakeu pesu nongu ghime nani.

LESHELE 63:1

O Alhou, noye iLhou ke, ino ophu cheni. Ingulhono tughuthi akeshi muamzu ophucheni;

LESHELE 84:2

Niye tile anishi ke! Niye AMPEU chinekilo anishiqhiyi achenike. Iphimpi kuchopuno akuxupu Lhou lau alokivishi alepheke.

IPEKULU 28:21

Atu hipau chighikini lakhikhilo Jakob nu je lakhi yepukulo, tiye Israil lagha zuqhushi qhilo.

AHOLE 25:22

Noye pa pelo akukujono pa pitiqhi anipeke eno AMPEU no asaxu otsu nani.

AHOLE 6:34

Akimi lakhi nheshulo loghukighide nguno alau kuhae; pano amukhu lunikeu lo kihikutha kuhae.

ALE KIMCHI 5:8

O Jerusalem lo totimiqo, ino nongu vilo pi ani, ike nonguno ilomi phulu aye niye pa kumsukutu ani kepi pa vilo pitsulo.

ISAIAH 49:16

Jerusalem, niye khilemu nongu qhimoke! niye nongu je i-u bokhulo yepe qhipuanike.

JEREMIYA 22:24

AMPEU no Juda lo akukau Jehoiakim nu Jehoiachin vilo pi, “Niye kucho kuchono xuakeu Lhou ke, Noye iu ajeu jedapu ulotikukha shianamu ino otujove nani

HAGAYI 2:23

Tipa tsalalo ino iqeu Zerubabel salu puzu ije lono ayehpe penike ino pa susu nani. Ino kishelukeuye Zerubabel ke.” Aqokitikhi MPEU no piqhivae.

ZEKHARIA 3:9

Ino Joshua zulo atuqu lakhi ako tsuni akeu qhitsu ani. Ino tipau shou yepukukeu tsa yethapuku nani eno ghulo lakhi lono hipau yeghi xine ino ikhi pewuvetsu nani.

AKIKIHI 25:11

“Fineha no kiu shikeno tipau ghenguno niye Israilmi shou agha ide kithemovae. Paye inguno kutau lhou mllauve keu khilemu kutuumlake eno tipau ghenguno niye agha ide panongu kutsamo ke.

Apostolmi 20:24

Alhou wu kupukini tsakiviu pesu kutughu nikeu kumlapu saje khikhi Ampeu Jisu no itsukeno tipau puzuchekeu shikupuluni malapi ani kethono ikuxu pesu ilikhi isala amekuapu shilu ani kemala pi kihichemoe.

Apostolmi 21:13

Ikemu Paul no ishi ningu khochile, “Nonguye kiu shiepi hitoi shi puzu imlo shikighimetsu kya? Kughengu niye Ampeu Jisu je ghenguno Jerusalem lo akughushi ke likhi kumono thive nikeu kutolo khe anie.”

Rommi 12:20

Ike tishinike zuqhulo, kuchoyesulo pike toi, “Oghumino mzuthi aye pa kughulhulo; pano tughuthiaye jehlo kughengu tishi keu lono nono ami hipe pa kutsu shou puku tsuanie.”

2 Kor. 11:2

Nongu ghenguno niye Alhou no anheshu akeshi nongu jupe inheshu ani; kughengu ilimi amikuchomi lakhi timi lakhino luniye inipe puakeshi niye nongu sawo Khristo tsuniye shiake.

ZAKINIU 32:21

Pano julho pesu panonguno iloghu kighide, pano wu alhouqo ipikeu lau anheshu, alhou ipi kemu kuchouno alhou kumoe. Tighenguno ashiayeh ipi chekemi ino peithano pano loghu kighideve tsu nani; Kughuzumi shiayeh qo shou ino panongu pelo anheshuvepe nani.

2 Tim. 2:19

Ikemu Alhou no ghope qhikeu akumto boqha huye tulamlae; tipaulo ishi yepuku puanike: “Khunoqono Ampeu wu timi keno pano tipaqo ithi ani,” eno “Ampeu laumi ke pichekeqoye alhoksa kumla launo putosuvelo.”

Piyeküsü 12:11

Ni thikuzumi qono Bheriti jih pesu eno panonguno kuchou shepetsa pesu pa shou toluvae; kughengu nithikuzumiqoye thivekepu shike kutolo panongu kuxu tsuvenishike.