ALE KIMCHI 5:1 - BAIBEL (BSI)

¹ Imlokuchuu, iwu kulaliu, niye ighutulo iloghiluvae. Niye vekuju mukhu ngo musughuta pekutsu ani; niye akhingozu ngo akhi kutsu chu ani. Niye atsayiji ngo akichhizu ye ani! Akusamiqo, kikimiye shomzumoke kutolo chu-sho alo!

Sumi Naga CL (Re-edited) Bible (BSI)

¹ I chepu, Iw külaliu, ni ye I ghutu lo ighivae, jumghaikeu mukhu ngo müsüghüta pekütsüvae, akhi kütsü gholono akhingozü chuvae, atsaizü ngo akichhizü yevae. Aküsamiqo, chusho lo eno kikimiye shomzü alo!

ALE KIMCHI 5:1 Mawu Ofanana

BOTHUBO 37:25

Tishieno panonguno achuqupu chuniye iqae eno panonguno pishipuwo jukelauye Gilead kudauno Ismaelmi aqo lakhi cheghi. Panongu wu kemel ye musughuta ngo axokutsungu mukhu xapusu Ijip lo iqicheghike.

LESHELE 147:11

ikemu khunono pa gihu cheni keno tipano shou pa zukuvu ani, tiye pawu iqemokeu kikimiye pukhukemi shou ani.

LESHELE 16:3

Ayeghilo AMPEU no pukhube kulumiye kiutoi akighiche kela! Panoqo shou ighakiqi kutsasa acheni.

AHOLE 24:13

Anu, akhingozu ye aloke chulo. Akhi lha lono akhingozu sughikeuye omililo ngoniyike toi

AHOLE 9:5

“Ighilo, ichuqupu chulo eno ino lekite puakeu tsayiji sholo.

YETSAPIU 2:5

Ino aghutu ngo axathili shino tipaqolo thwokha xathibo shosue;

ALE KIMCHI 1:13

Ilopu ye ighenguno musughuta ikichhi dolo dape akeu toike.

ALE KIMCHI 4:16

Ahuu mulhu, Appeu mulhu idathughilo, ighutu shou mulhu pukulo; tsungquikeuno amlhulo chhilulo. Ilomi pelo pa ghutulo ighi puzu tipaulo axathi akiviu chupelo.

ALE KIMCHI 4:8

Libanon naghuto kudauno igholo ighilo, iwu kulaliu; Libanon kudauno, Amana toghi kudauno, Senir toghi, Hermon toghi eno abongushu ngo angushu achekeu tuki qhiveno igholo ighilo.

ALE KIMCHI 6:11

Niye axathililo iqino akhilalo asubo akhuni, atsayibo khuni eno khaghatu kupu ipeghi amalaye juniyeke.

ALE KIMCHI 6:2

Ilomiye pa ghutulo chevae, ti vekutsungu tsunibo ipeghi keu alo Paye aghutulo pa tsu-aqu loji achu kumza ani eno lapu kupu xokike ani.

ALE KIMCHI 8:1

Niye opelo ipeu shiaghi penishike, iza pelo pa kichhi opini pekeu shipenishike. Tishikeaye, ino alaghilalo osasu kugholu kelo niye omuma nicheke eno khunomu kiumu kumsupusamo nicheke.

ALE KIMCHI 8:13

Ilomi, ipelo aghutu lono osutsa chilu pelo, ikusamiye nono pikeu ininiaye khekutoju anike.

ISAIAH 23:18

Lino lhidi lhighi shikeu lono qelukeu pisa pesu AMPEU kumlapu ghenguno tsu nani. Liye tipau kikepe qhivemo nani ikemu khunono AMPEU mlla cheni keno tipaqono li wu pisa pesu panonguno avehupushi akeu chuqupu ngo aphimini qhunani.

ISAIAH 5:1

Ino ale hipau phe akelo inijulo, ishou ngo pawu atsayilu shipili keu leke: Shishe aghuma akeu toghi lakhilo ishouye atsayilu lakhi ache.

ISAIAH 51:3

‘Niye Jerusalem lau eno tipau ixa pinyi akeulo kughuna akemiqo shou amlo ighiqhiyi keu anike. Li yeghiye asayeqha lakhi shianamu ino tipau pesu aghutu lakhi shi tsu nani, tiye Eden lo ino shikeu ghutu kimihi lakhi shi nani. Alokivi ngo alokiqipu tilehi anani eno sheqhekeu ngo shikimthi keu le tilehi ilau tsu nani.

ISAIAH 53:11

Ghichhe ghime kuxu thikhauno, paye itaghi alovilu nani, paye adou lono imepuamo kepi ithilu nani. Iqeu amlo tsuchekeu, khuu shou ilokiqipu acheni keno timi kutomo ghimepu pano pepuluve nani eno pa ghenguno ino pano xine pevetsu nani.

ISAIAH 58:11

Pulhapuju ino nongu sapiye eno thime kivi pesu nongu lopiqitsu nani. Ino nongu pelo mutotoi eno akivishi apenani. Nonguye aghutu lakhi azu pofushi akeu toi nani, azupuki khilemu qhaive chemokeu toi nani.

ISAIAH 61:11

Mutsuqheyino ayeghilono apitino lho ipeghi puzu thuwu keshi AMPEU Alhou no pawu timiqo xalu nani, eno ashiayeh kumtsuno pa sheqhe nani.

ISAIAH 65:13

Ikehu ino nongu vilo pinike khunoqono igholu eno imllani keno lukumkhashi chu shokepu anani, ikemu nonguqoye muzuthi, tughuthi nani. Panonguye alokivishi ikemu nonguqoye kujomzakepu shi anani.

ISAIAH 66:14

Hipau shikeu nonguno ithulu keulo alovilo; tiye nongu pelo mutotoi eno ashi aji kivi shipeniyeke. Tileno ni AMPEU no igholukemiqo kuphu cheni eno ighumi shou iloghu ide cheni kepi nonguno ithi nani.”

MATTHEW 25:40

Akukau huno ishi panoqo khochile nani, ‘Kuchouno ino nongu vilo pini, nonguno ithikuzumi hipaqo gholo akitilau lau kiu shitsu keno nonguye ilau shitsuake.’ ”

Luke 12:4

“Ishou noqo, ino nongu vilo pini, aphimpi puhave tsunikemi msakevilo, tinguno akusau shitsumla kepushi aye talo.

John 3:29

Kulapuuno kulaliu sa-anikeu ke; ikemu kulapuu kusau huye puthugho puzu ini acheni eno kughou kulapuu sutsa chilu nikeno paye alokivi shi cheni. Tihutoi ilokivi hipau shikupuvetsuae.

Apostolmi 11:29

Kutsuluvekemiqono kuptsathalukeuno panoqo lakhi khino kiu toluke qhemi keno tipau kiqi lono Judia lo athikuzumiqo kuphu puwunikeu shi.

Ephesiami 5:18

Aji shomzu kevilo, kughengu tiye oshipusa nanike; ikemu Aghungu Kimthe pesu nongu hupitelulo.

Piyeküsü 22:17

Aghungu eno kulaliuno piani, “Ighilo!” Khunono “Ighilo” ipikeu sutsa chilu keno tipaqo pelo ighi pelo. Khunono tughuthi anikeno ighilo, khunono lunishi ani keno akuxupuzu kumsagho shighi ikhilulo.

XAKUTHAMI 14:11

Kughou Filistiyami no pa ithulukeno, panonguno apumi shighi pa gholo ngope nike hapuwutsu.

XAKUTHAMI 14:20

eno pa nipu ye pesu pawu kulakupu lo pa shou kiviu tsuve.