ALE KIMCHI 4:6 - BAIBEL (BSI)

⁶ Niye musughuta toghilo tsungquikeu mukhu toghilo, inaqhe tsuzuyi mulhu moke kutolo eno akuzu kuhavemo ke kutolo ngoni.

Sumi Naga CL (Re-edited) Bible (BSI)

⁶ Inaqhe mülhü ighi moke kutolo eno aküzü hauve moke kutolo, ni ye müsüghüta naghuto eno tsüngqüikeu mukhu toghi lo wuve niae.

ALE KIMCHI 4:6 Mawu Ofanana

LESHELE 66:15

Okipiti khachelo pitipenike ino bheri pesu omllani; Ino amshitsu ngo anetsu heqhi tsuni eno tipau pitikeu michhi atsutsulo iku peni.

IPEKULU 20:24

Ighenguno ayeghi pesu akiptia lakhi mlape qhilo eno tipau shou piti mllakeu eno kuposhukulu shi mllakeu shinike nowu bheri ngo atsuaqu pesu agha shilo. Imlla penike a-a khipaqo ino pakutashi nongu ghenguno qhitsuni keno tipa-alo ino nongu lau ighi puzu nongu kumghatsuni.

IPEKULU 30:8

Pano avelau akulu kuquniye ighikelo ghi tipaphi shimasa. Pitikumna pesu mllakeu hipauye kavemono pulhapujulo tishi shiche masa.

IPEKULU 37:29

Pano nunikeu teli kimthe eno ngoniyi munakeuta ghi mlake, tiye tsungqui keu mukhu toi xukutshu kungoke.

ALE KIMCHI 2:17

Ilomi, tsuthomphi eno akuzu hamphi lono aqhu momu Bether naghuto nepholo achuyi lhothe lakhi toi nilau ide ighivelo.

ALE KIMCHI 3:6

Asayeqha kudauno amichhi phoikughi ake toikeu Musughuta ngo tsungquikeu tano tsungqui alhikishimino jechekeu tsungquikeu mukhu ighi akeu hipaqoye kiu kya?

ALE KIMCHI 4:14

khungthibo, kalamu eno akussabo momu tsungquikeu mukhu jeli kiumu kuhakeu shimo nani. Tipaulo musughutabo ngo Aloyi bo shishe tsungqui keu xokumna pususu thuipeghi ani.

ALE KIMCHI 8:14

Ilomi, achuyi toi ilau ighilo, vekutsungu mukhu ipeghi akeu naghutolo aqhu lhothe lakhi toi ighilo!

ISAIAH 2:2

Ighinikeu tsalaloye AMPEU chineki shipuku puakeu naghutoye naghuto kutau kumtsu nguno akiqheu lakhi shiluve nani, naghuto kumtsu nguno qhemghaive nani. Ashiayeh kutomono hipaulo qokive ilo nani.

MALAKI 1:11

Ayeghi cheku lakhi lono lakhiu kutolo timiqono igihu cheni. Aqha kumtsulo panonguno tsungquikeu ta pitipe itsu cheni eno ino ikhikulupu lhoxu heqhipe mlla cheni. Panongu kumtsuno igihu cheni!

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

Luke 1:78

Panongu xineqo pevetsu keu vechewono pawu timiqo vilo xakulu kighithi tsu nani. Kughengu niLhou ye kimiyekini eno kupukini ke;

2 Peter 1:19

Ikehu tungkupmino Alhou tsape shikeu tsalo ninguye alaushi mutotoi kitheluvae. Hipaulo nonguno amlo tsaqutsaleyi tsukeuno akivipu shilu nani kughengu Atsala vuipeghi puzu inaqhe yepuno nongu mlolo yepuvumoke kutolo hipauno akuzu alo akulu lakhino yepuvuakeu hutoike.

1 John 2:8

Tishipimu niye nongu lau ahzakutsu akithe yepuwu ani, kughengu tipauye Khristo lolo eno nongu lologhi kuchou akeu huke. Kughengu akuzuye wove ani eno kuchou kuvu huye vu ipecheae.

Piyeküsü 22:16

“Ni, Jisu no thime hipaqo pesu nongu akukuhou qolo asheshupeniye iwu kungumi puwuvae. Niye David kuhu-aghu eno David laghamike; niye inaqhe yepu huke.”

Piyeküsü 5:8

Kughou pano likuzu kaku ikhilu keno, akuxu akeu lhoxu bidi ngo muchomi mukubidi no Bheriti zulo itsaiqi. Panongu lakhi khino akighi lebo ngo tsungquikeuno abohu chhitoikeu pesu ae, tipaqoye Alhouw timiqo kukhukighinike.