AKUMLO 4:16 - BAIBEL (BSI)

¹⁶ AMPEU ye panoqo ghenguno alokumsu kuhae; pa ampino panoqo haleve. Paye achinemi ngo sakiphemi kitilamu phimove.

Sumi Naga CL (Re-edited) Bible (BSI)

¹⁶ Ampeu no panoqo halevae; Pa ye panongu kihimoae; agigihu pesü achinemi piyemo, kikimiye layemi piye move.

AKUMLO 4:16 Mawu Ofanana

BOTHUBO 49:7

Ghukusho panongu xu kighide shou eno panongu loghu shou alo, kughengu tiye ghasu mlae eno shishe mghaloke. Jakob yeghi lo ino panongu kijethapinive ni, Israil gholo ino panongu halepuponie.

YEKIKITHI AKINIU 36:17

Tighenguno AMPEU no Babilon kukau saghi puzu panoqo levepe. Akukauno Juda lo lhothemi kiptimiqo Achineki lo aghinamu heqhi pithive tsu. Paye lhothemi, kitemi, kiptimi, totimi, kusukinimi momu viakemi milakhi shou pimu kimiyeqhiyi keu shimoke. Alhou no panoqo kumtsu pa ulo suvetsu.

LESHELE 106:27

Panongu tianuliye ayekumthami gholo halepuwuve, eno pano qoye inami yeghi lono thipeni keu shive.

LESHELE 106:44

Ikeghi panonguno ighamuku kuphulo piaye AMPEU no chilutsuke, eno panonguno aghimeshi akeu ithitsu che.

ISAIAH 24:2

Achinemiqo, aquaxemi ngo ampemi, akuqhumi ngo jechekemi, punakemi ngo nalukemi, kinimi ngo kumlhomi kumtsuno shipeniye kuto puakeu aphiphishi sasu kushoni cheni.

ISAIAH 47:6

Niye iwu timiqo shou imlo ideke; panoqoye iwu kumo toi ino peitha veke; Ino panoqo pesu okukalo suve tsuke, eno noye panoqo kimiyeqhiyi keu piyemoke; kitemi ghi nono mughachhoi peithake.

JEREMIYA 15:4

Ino ayeghiqhalo akemi kumtsu pelo panoqo jupesu akumsano kutuxoxoyivepe nani tiye kughenguno kumono Hezekiya nu Manase no Juda lo akukau shiakelo Jerusalem lo shikeu ghengunoke.

JEREMIYA 24:9

Ino kutsakungo keu lakhi pakutakeu panoqo shou sughikeulo ayeghiqhalo ashiayeh kutami kumtsuno thughuive nani. Timiqono panoqo thaigha nani eno panoqo pesu azukutunupu lakhi shinani, panoqo thakepu shi nani, eno ino panoqo halepuwu vekeqha kumtsulo panoqo je pesu musuinikeu lakhi shi peitha nani.

JEREMIYA 52:24

Tinguno alauno, Zahtou Nebuzaradan no Achinetou Seraiya ngo pashelo aqhokigheu Zefania eno achinekilo kijemi akhotomi kutau pano kuthu akughumi shi sasu wuve.

AKUMLO 2:20

Julo, O AMPEU! nono ghimeqhi akeqo julo! Topumino panonguno kupuqhiyi tuchomujo chekeu tianuliqo shi chuani! Achinemi ngo tungkupmiqo Achineki lono ghiqhive ani!

AKUMLO 2:6

Ninguno pa mlla chekeu Achine ki pano mukhu munoshi hepholevetsu; Akimtheshi ikhilu chekeu tsalaqo ngo Sabat pinyeqo kumtsu pano lakhavetsu. Kukami ghi achinemi ghi aphiphi lono pa mlo kighide gha sholuke.

AKUMLO 5:12

Niwu sakiphemiye sawo tshuqhi pithiveke, kitilamu kitemiqo qhoqhu gihu tsumoe.

EZEKEL 5:10

Tishikeulo, Jerusalem lo apuazaqono atianuli chu nani eno atianulino pano puazaqo chu nani. Ino oshikighime nani eno khuu puxupe puaghini keno tipaqo aqha kumtsulo hakughutsuve nani.

ZAKINIU 28:25

“AMPEU no noghumiqo pelo noshou tokulupu shive penani. Nonguno aqha lakhi kudauno panoqo leighi nani ikemu nonguye panoqo launo apanagha kuhapove nani, eno nongu shou kiu shi ani kela tipau ithulu pesu ayeghilo timi kumtsu no thughuive nani.

ZAKINIU 32:26

Ino panoqo qhoi kutsaleveni cheni, tishianguno khunomu pano kumsuchilelumo nanie.

IBRIMI 8:9

Tiye pano puasuno Ijip yeghilo akelo a-u lono ino sunhephe pesu ipeke tsalanino Ino panoqo sasu puloshoqhi shikeu toimo nani. Ino panoqo sasu puloshoqhi shikeulo panonguno pukhubekile moveke, ike ino panongu jukutomoveke, ipi Ampeu no pi: