AKUMLO 2:9 - BAIBEL (BSI)

⁹ Putukhakeu hukikhaqoye atenino venhape ani; tipaqo khaduye hechhe pinyive. Itehiye kukami ngo kijemi ye kupokichelo ani. Ayezahye shikapiye chemovae eno tungkupmiye AMPEU launo kungunhetsu kuhavae.

Sumi Naga CL (Re-edited) Bible (BSI)

⁹ Li khagho ye ayeghi lo ilovae; Pa no li khaduqo hechhevae; li kükau ngo sakiphemi ye shiye gholo ani, ayezah ye kühavae, eno liw tungkupmi no Ampeu launo kungunhetsü ithumlavae.

AKUMLO 2:9 Mawu Ofanana

KUKAMI AKINIU 25:7

Zedekia nhekithe lono pa nuliqo kumtsu pithi khavetsu; tishino Nebukadnezar no Zedekia nhethi chixejovetsuno ayikichheno pa phiau pheveno sasu Babilon lo wuve.

YEKIKITHI AKINIU 15:3

Ado kushuwa kutolo Israil ye Alhou kuchou sumono xu acheke, panoqo shikapeni kemi achinemi sumo eno ayezah sumono xu ache.

NEHEMIA 1:3

Panonguno ivilo pi, “Akuxu achilishi aghi puzu aghakhulo ideighi kulumiqo hu ighono aghime shi anie eno inaghami pano cheaxulo kuamiqono tha igha achenie eno Jerusalem kupuwu hu hexavae eno tile khaghoqo hu pitiveke lono ishi kutolo tishi aphie.”

LESHELE 74:9

Niw akimthe michi shipuakeu kumtsu kuhavae; tungkupmi lakhimu ghumovae, eno khitohi titoi anani keno milakhinomu mthae.

ISAIAH 24:12

Aphughiye ixapinyi ani eno tipau liwo kikhaye ipopinyivae.

JEREMIYA 14:14

Ikemu AMPEU no khochile pi, “Tungkupmiye ije lono akimki tsa piani, niye panoqo puwu puamoe momu niye ahza kiumu panoqo tsupuamoe momu atsa lothi lakhi mu panoqo putsa puamoe. Kungunhetsu ghili panonguno piakeu huye ilauno ighikeu kumoe; panonguno ashe-azu tsa shi piakeu huye ame kuhamithe keu pano kukumsulo akeu tsake.

JEREMIYA 23:16

Aqokitikhi MPEU no Jerusalem lo akemiqo lau pike, “Tungkupmino kiu pikeno ini kevilo; panonguye kichileu lajupu pesu nongu lolo chhitoi sutsu anike. Panonguno kumsulukeu pesu nongu vilo piani kethono ino kiu pikeno tipau pesu piamoe.

JEREMIYA 39:2

Zedekiya no akukau shikeu mpe chighi aqhaqhiu aqhi abidiu eno atsala atokuni aphughi putupuakeu huye tulepho iloghive.

JEREMIYA 39:8

Tishive puzu, Babilonmino akukau kighikiqo ngo timino achekeu ki pitileqhive tsu eno Jerusalem putupuakeu tule qhivetsu.

JEREMIYA 51:30

Babilonmi ghushimiqoye aghushimono pa liwo kuputulo ngo ani. Panonguye pano mlo kuloghi hauvae eno totimi toivae. Aphughi hukikhaye kubolevae eno akiqolo ami ipeghivae.

JEREMIYA 52:14

eno pawu ghushimiqono aphughi putupuakeu tupholevetsu.

AKUMLO 1:3

Juda lo achekeqoye shikighime keu quaxemi, pano ghakhu lono halepuwuve kemi. Panonguye kutami yeghilo xu acheni, pano yeghi kepi pilukepua kuhae, Aghumino veho pesu pokulupu lah kuhae.

AKUMLO 4:15

Timiqono asheshu pi, “Nonguye kitiqeve ake wuvelo! Idekevilo!” Ikehu panonguye khunomu sasumono kupokichemi shive. Ashiayehlo timiqono pi, “Panonguye hile kughunamo nani.”

AKUMLO 4:20

Nikuxu puxutsu chekeu, AMPEU no nukishekuluu akukau hu kughaluve, Ningu leighikemi launo nisusholu penike pukhu achekeu hu kughaluve.

EZEKEL 12:13

Ikemu ino ikhame sukho puzu tipau lono pa meluve nani. Tithiu ino Babilon phughilo pa sawuve nani, ikeghi paye tipau ithumla nani eno tilauno thive nani.

EZEKEL 17:20

Ino ashihami khame sukho puzu tipau lono pa meluve nani. Ino Babilon lo pa sawuve nani eno tilauno pa ghimeqhi nani kughengu paye ilau amikucho kumo shiveake.

EZEKEL 7:26

Kutsa kungo keu lakhino lakhi papesu ighi nani, eno asutsa lhoksano lakhino lakhi shelo sughi anani. Nonguno tungkupmi vilo kiu kungunhetsu ani kela phuwu nani. Achinemino timiqo vilo kutsupiye kepu ayezah kiumu kuhave nani eno muchomiqono akukumsu kivi tsukepu kiumu kuhave nani.

HOSIYA 11:6

Aghukishino pano phughi jole ighi nani eno aphughi kikha kuboleqhivetsu nani. Tipauno iwu timiqo kutsale nani kughengu panonguno akiviukepi kumsulu keu likhi shi cheni.

HOSIYA 3:4

Hipau paphi lono Israil lo akemiqoye ado kushuwa kutolo kukami momu sakiphemi kuha nani, aghashi mllakepu momu chinikepu tuqutsukucho ngo ajulho shisukeu eno asu atu julho shisu pesu asaqhi chekeu kuha nani.

AMUS 1:5

Ino Damaska phughilo khagho kubolevetsu nani eno Aven Khilalo kughuna akemi ngo Betheden lo ayehkipemi ikhive nani. Siriya lo akemiye Kir yeghilo akughumi shi sasu wuve nani.”

ZAKINIU 28:36

“AMPEU no nongu eno nokukau sasu inaghami yeghilo, khile nongu na nopuasuqo pinamu xuju mphi keu-a-lo sawuve nani; tilau nonguye asuatuno shikeu lhouqo qeuve nani.

ZAKINIU 28:63

AMPEU no nongu pelo kinikulu shilu eno alau ikowolu pekeulo alovi ketoi pano nongu kutsaleve eno shipsave keulo ghi paye alovi nani. Nonguno ngoluniye akeu yeghi lono nongu nhujove nanike.

SAMUEL ATUGHIU 28:6

tighenguno paye kiu shinikela pi AMPEU vilo iniju. Ikemu AMPEU no kumu pa khochile tsumoe, asamou nomu momu asaqhi chekeu tu Urim ngo Thumim momu tungkupmi vechewo nomu pa lau khochilekeu shitsumove.