AKUMLO 2:21 - BAIBEL (BSI)

²¹ Ahelomi ngo kitemi aphiphishi alaghilalo thi ani, Apumi ngo ilimi aghumi zutano pithive. Omlo kighide tsalalo kimiyemo puzu nono panoqo ghiqhive.

Sumi Naga CL (Re-edited) Bible (BSI)

²¹ Alaghila lo ayeghimkhu lo kichimi itimi athoshi ikiqi ani; Iw ilimi eno apumiqo ye azütakikihi lono ikiqivae; Nono O mlokighide tsala lono kimiyemo no panoqo pithivae.

AKUMLO 2:21 Mawu Ofanana

YEKIKITHI AKINIU 36:17

Tighenguno AMPEU no Babilon kukau saghi puzu panoqo levepe. Akukauno Juda lo lhothemi kiptimiqo Achineki lo aghinamu heqhi pithive tsu. Paye lhothemi, kitemi, kiptimi, totimi, kusukinimi momu viakemi milakhi shou pimu kimiyeqhiyi keu shimoke. Alhou no panoqo kumtsu pa ulo suvetsu.

ESTHER 3:13

Yekililo hu Judami kichi-iti kumtsu atsala lakhi lono pughave lopi yepu-a eno pithive kemiqo nhemgha ghi luvelopi, tiye Adar qhilo tsala chighi akuthuni zah shivetsu.

ISAIAH 27:11

Asubo lokaqoye thizumuivae eno icheuvae eno totimino sukughupusu shiniye tipaqo ghelu anike. Timiqono kiumu vethamlake ghenguno Alhou panoqo lhoqhikeuye panoqo jupe amlosani chemo momu amlo ighiqhiyini chemoe.

JEREMIYA 11:22

Ikehu Aqokitikhi MPEU no pike, “Ino panoqo ghimeqhini! Pano wu lhothemiqo ye aghushi lono thi nani; pano tianuliqo ye akhuava lono thi nani.

JEREMIYA 13:14

Tileno muchomi na lhothemi pinamu ayeghi tughuko toi lakhino lakhi shou ino panoqo vedaqhi nani. Niye amlo ighiqhiyi keu momu amloksa kiunomu ilakhamlano ino panoqo kutsaqhi nanike.’ ”

JEREMIYA 18:21

Ikemu itehiye O AMPEU, panoqo tianuli pelo akhuava shi thive pelo; panonguye aghukishi lono pithive pelo. Totimiqo pelo panoqo kimi ngo atianuli puhave pelo; kiptimiqo pelo kusukini lono thive pelo eno lhothemiqoye aghukishi lono pithive pelo.

JEREMIYA 21:7

Ikemu no ngo owu kijemiqo eno timi khunoqono aghukishi, puqumiyekeu eno kusukini lono puxupe aghini keno nongu kumtsu ino akukau Nebukadnezar ngo pawu timi noghumiqo pelo kughalukhavepe nani, nongu kuxuluve tsuniye phuchekemi ulo suvetsu nani. Pano nongu pithi khave nani. Pano nongu lakhimu ghumo nani momu nongu kimiyeqhiyikeu piyemo nani. Ni, AMPEU no piqhiveake.”

JEREMIYA 4:31

Totimino anga atughiu punu nikelo ighakeu sutsa lakhi toike. Tiye Jerusalem no atuthu sheku- kunokeu ghughake, lino au chhopesu, “Ighenguno ahakusapue! Panonguye iheqhiniye chenike!” ipike.

JEREMIYA 51:22

kiptimi ngo totimi pithi nike, kitemi ngo ahelomi ghiqhi nike, apumi ngo ilimi pithi nike,

JEREMIYA 6:11

AMPEU, panoqo shou ologhu akeu huye ilolo ghi pitipuzaqhi ani eno niye tipau suchile pesu ngo nikeu ngosumlavae.” Tileno AMPEU no ivilo pi, “Iloghu pesu alaghilalo ititunu akeqo shou eno lhothemi kumqo akeqo shou lepukulo. Akimiqo eno anipunoqoye kughasawuve nani eno kutamiqo ghi phemo nani.

JEREMIYA 9:20

Ino pike, “Nongu totimiqo, AMPEU tsa inilo, pa tsa amlo tsuqhiyi kumsujulo. Kishi mloqa kepu keno nongaqo shikalo, kishi kithikuhalo le phekepu keno nopumiqo shikalo.

JEREMIYA 9:21

Akithiye nilashe vechesu alou iloghivae eno nikukakilo iloghivae; tipauno alaghilalo ititunuqo ghiqhipewuvae eno alhikishialo lhothemiqo michepewuvae.

AKUMLO 1:15

“AMPEU no iwu akumtomi ghushimi kumtsu junuqhi; Pano iwu lhothemiqo kutsa nike aghushimi kumzapu ishou kukumqo saghi, Atsayiji tsughuphe akeshi AMPEU no iwu timiqo qoda qhi.

AKUMLO 1:18

“Ikemu AMPEU ye achipike kughengu ino pa hebideve. Nongu timiqo, hi inilo, ino aghimeshi sukutu akeu julo. Iwu apumi eno ilimiqoye akughumi shi sasu wuvae.

AKUMLO 1:4

Akimthe tsalalomu itehiye khunomu Achinekilo mlla nike ighi chemovae. Ilimi tilehi alephe chekeqoye ime auvae eno achinemino ighaphe mlano suaukhavae. Aphughi khagholo khumu kuhae eno Zion ye piti puzaqhiyi ani.

AKUMLO 2:17

AMPEU no pano shini cheni kepi kichichekeu ashekha shivae: Pano ado kushuwa lono kutughu cheke toi kimiyemo mithe puzu ningu kutsavae. Pano nighumi pelo tokulu shipe eno nino veqhive keulo panoqo pelo alovivepe.

AKUMLO 2:2

Kimiyekeu kuha puzu AMPEU no Juda lo aphu akeqo kutsaveke, eno aghakhu sushope akeu liwoqo tuleqhive. Akukaqha ngo tipaulo ayehkipemiqo shou pano kujomza kepu sughive.

AKUMLO 3:43

‘Ologhu kighide lono ni hakuqo ighi no kimiyemono ni pithiveke.

EZEKEL 24:21

nongu Israilmi lau atsape hipau tsulo pike: Nonguye Achineki kumto jupesu qheza anie. Nonguno tipaulo jupuku anishi cheni eno tipau xujuwu anishi cheni, ikemu AMPEU no tipau shipixive tsuni cheni; eno nobolomi lhothemi Jerusalem lo qhivekeqo huye aghukishi lono pithive nani.

EZEKEL 5:11

“Niye xuakeu Lhou ke ghenguno Akughushu MPEU tsaye hike - nonguno alhoksa jeli pesu ichineki kitiqevetsu, aphikumqhupu jeli nono shikeu ghenguno, kimiyemomithe puzu ino omicheveni cheni.

EZEKEL 7:4

Niye nongu phepupoveni chemoe momu kimiyeqhiyini chemoe. Nonguno kuchhube keu jeli shiveke ghenguno niye nongu ghimeqhini cheni tishi anguno niye AMPEU kepi nonguno ithi nani.”

EZEKEL 7:9

Niye nongu phepupoveni chemoe momu kiumu nongu kimiyeni chemoe. Nonguno kuchhube keu jeli mlapuakeu ghenguno ino nongu ghimeqhini cheni, tishi anguno niye AMPEU ke eno ino nongu ghimeqhi ani kepi nonguno ithi nani.”

EZEKEL 8:18

Ikemu panonguye iloghu kighide kumtsu pumasa nani. Niye panongu pheveni chemoke momu panongu jupe imlo iqiveni chemoke. Panonguno shiluke thaqhu ighamuku ilau khuini nani ikemu niye panoqo tsa initsumo nanike.”

EZEKEL 9:10

Ikemu niye panoqo kimiyeni chemoe. Panonguno kutami shou kiu shipuani keno tipau ino panoqo shou shini cheni.”

AMUS 4:10

“Ino Ijipmi shou pusa puwukeu lakhi toi nongu shou ghi puwuke. Ino aghukishi lono nowu lhothemi ghiqhi pithivetsuke eno nowu khurshiqo suwuve tsuke. No ghunoalo kithimi kumono tsu muna keuno nongu nigi chhivepeke. Tishi keghi nonguye ilau xaidechile ighimoe.”

AMUS 8:13

Tipa tsala ghulokiloye apumi ilimi alhothe, ashiaji kivimi namu tughuthi kelauno iluqive nani.

ZEKHARIA 11:6

(AMPEU no pi, “Niye ayeghilo milakhi shoumu imlo ighiqhiyi keu shimoe. Ni ampino timi kumtsu pesu pano shou ayehkipemi ulo suvetsuni. Ayehkipemi tipaqono ayeghi shipsa khave nani eno niye panoqo kuka lono ayeghi xalumo nanike.”)

ZAKINIU 28:50

Panonguno ayikusa shinani eno itimi lau na muchomi lau pinamu kimiyekeu kutilamu kuha nani.

ZAKINIU 32:25

Aghukishino alaghilalo akithi sughi nani; akiboqolo thughuive keuno pughuqhi nani. Lhothe pumi lhothe limiye thive nani anga kughunu ngo kitekusu mu ghumo nani.

JOSHUA 6:21

Panongu zutakihi pe aphughi lo timi kiptimi, totimi, kichimi itimi kumtsu ghiqhive. Panonguno amshi, gadaha eno bheriqo ghiqhive.

SAMUEL ATUGHIU 15:3

Wulo eno Amalekmi lepuzu panonguno pighi aghikeu kumtsu shipusa khavetsulo. Kiu nhemghamu qhikevilo, kiptimi, totimi, atianuli, anga kughunu, amshi, bheri, kemel eno gadaha hipaqo kumtsu pithi khavetsulo.”