AKUMLO 1:11 - BAIBEL (BSI)

¹¹ Liwu timiqoye akusu launo ighaghi pano chuqupu phue. pano kuxu xalu niaye kinikulu pesu achuqupu qhuchue. Aphughino ishi igha, “AMPEU, ilau julo, ivekusalo ishou jupukulo.”

Sumi Naga CL (Re-edited) Bible (BSI)

¹¹ Liw timiqo no asho phuche kelo kümtsü no aghime ghügha shie; panongu no pano kumto püxü niye küakini pesü achuqupu kilichu. “Julo, O Ampeu, eno kümsüju tsülo, kughengu ni ye küthaküghapu shi anie.”

AKUMLO 1:11 Mawu Ofanana

KUKAMI AKINIU 6:25

Aghushive keu lono aphughilo chuqu kusho ighono mpive kehu gadaha kutsu lakhilo tsandiyi lhothache eno aghatsuna gram 200 lo tsandiyi pungu lono zheuve.

LESHELE 79:4

Ashiayeh nisumxape akemiqono ni piputhake, panonguno ni junu eno ni thaighake.

JEREMIYA 15:19

Ishipikeulo AMPEU no khochile, “Nono xaide ghi aye, ino osachilelu nani eno noye itaghi iqeu shipe nani. Akukumsu kuhakeu tsa pinikeu zuqhulo nono amekuapu tsa pesu asheshu aye noye itaghi iwu tungkupu shiluve nani. Timiqono olau ideighi nani eno noye panoqo lau wukepu shimo nani.

JEREMIYA 19:9

Aghumino aphughi suholuve nani eno tile timi akeqo pithiveniye shi nani. Aghumino akumsapushi timiqo khasuluve kelauno aphughi alou akemiye lakhino lakhi shi chu nani eno pututa tianuli shi ghi chu nani.”

JEREMIYA 38:9

“Akughushuu, timi hipaqono kiu shive akeno tiye pimi anike. Panonguno Jeremiya kughape azukikhe qohlo supuani, tilau paye akhuamzuno thinia putsake, kughengu aphughilo achuqupu kuhave ake.”

JEREMIYA 52:6

Tipa mipelo aqhi abidiu atsala atokuni lo, puqumiyekeu shishe ihulove puzu timiqoye chukepu kiumu kuhave keulo,

AKUMLO 1:8

Jerusalem ye shishe axine shiveke ghenguno niqhunilayivae. Li gihu chekemi kumtsuno li thaigha ani, kughengu panonguno li phi kumsa akeu ithulue. Liye ihi su ani eno agi kusuluvae.

AKUMLO 1:9

Li kimthekumoye li phiminilono ithuluve ani, ikemu liye ahasapu sholuniye akeu kumsujumoe. Lino vekiqhi akumsapuke, khunomu li lokughuno tsumlae. Aghumino toluvae eno liye AMPEU vilo kimiyetsu penike ighamukuke.

AKUMLO 2:11

Inhethiye qake launo anhebo khoyivae; ingulhoye kutakihi ani. Niwu timi kutsave keulo niye amlo ghime launo lhokutuvae. Aphughi laghilalo itimi ngo anga kughunuqoye thiqhi thiqhi anike.

AKUMLO 2:12

Muzuthi tughuthi kelauno panonguno azanoqo lau ighasu wuke; Panonguye izapu akeshi alaghilalo ikiqie, eno azano khape pulaghi pano kuxu sutha huve.

AKUMLO 2:20

Julo, O AMPEU! nono ghimeqhi akeqo julo! Topumino panonguno kupuqhiyi tuchomujo chekeu tianuliqo shi chuani! Achinemi ngo tungkupmiqo Achineki lono ghiqhive ani!

AKUMLO 5:1

AMPEU, nishou kiu shiveakeno kumsulu tsulo; Nishou jupukutsulo eno ni thaigha keu kumsulu tsulo.