ACHINE 9:4 - BAIBEL (BSI)

⁴ eno kuposhukulu kumllagho ghenguno amshitsu lakhi eno bheritsu lakhi ishi saghilo pilo. Panonguye tipaqo pesu athi kumllagho teli pesu kunuvekeu gholono AMPEU lau aghashikeu mlla pelo. Panonguye hipau shimasake kughengu AMPEU no ishino panoqo lau ipeghini chenike.”

Sumi Naga CL (Re-edited) Bible (BSI)

⁴ külakishi kümllagho ghenguno amshitsü ngo anetsü Ampeu zülono aghashi lo, eno athi kümllagho thazü gholo kiteve keu süghilo, kughengu Ampeu ye ishi nongu lau ipeghini cheni.’”

ACHINE 9:4 Mawu Ofanana

IPEKULU 16:10

Aron no aqoahomi kumtsu putsa akelo panonguno asayeqha kudau jukelo paikhavino AMPEU kuvu saghu saghuikeu khungkusu lakhilo ipeghi.

IPEKULU 19:11

aghiniu tsala loye kutope ngolulo pilo. Tipanino ino Sinai Toghi shou ighi nani, tipa-alo timi kumtsuno ni ithulu nanike.

IPEKULU 24:16

AMPEU no sa-akeu saghu saghui keu kuvuno naghuto shou iqighi. Israilmi ghenguno akuvu tipauye naghuto kutsuqa lo ami iquakeu toi ithuluake. Khungkusuno atsala tsugho naghuto kuzupholuve eno atsala akutsuniu lo AMPEU no khungkusu lono Muse kuluve.

IPEKULU 29:43

Tileno ino Israilmi sasu kusholuni eno ino akeulo saghu saghuikeu kuvuno tipa aye akimthe shitsu nani.

EZEKEL 43:2

ike Israil lhou akeu kuvu saghu saghuikeu kipela kudauno ighikeu ino ithuluke. Alhou sutsaye azughi ghugha toi ighake eno ayeghiye saghu saghuikeu kuvuno yepuvu ake.

EZEKEL 43:27

Kughono tipau tughakhani toveni keno achinemiqoye akiptialo piti mllakeu gho ngo timiqo wu kuposhukulu shi mllakeu gho ishi pesu mllakeu huthulo. Tileno ino nongu kumtsu lau imlo kiqi shi nanike. Ni, Akughushu MPEU no pivae.”

ACHINE 2:1

Kughokughomu timi khuno athi pesu AMPEU lau mllani keno paye atughushi tipau pesu amkhushi kubove paghilo. Paye tipaulo oliv teli ngo tsungquikeu zu supuzu

ACHINE 3:1

Kughokughomu timi lakhi no pa mishi lakhi pesu kuposhukulu kumllagho mllani keno tiye amshi tsu momu amshiqu tukutiye kumu kuhakeu shilo.

ACHINE 9:23

Muse ngo Aron pamano AMPEU achekeu Phikilo ilove eno pamano khalau ipeghi kelo pamano timiqo shou kumghatsu eno AMPEU no sa akeu saghu saghuikeu kuvu timiqo kumtsu lau ipeghi.

ACHINE 9:3

Tishieno Israilmi vilo axine kumllagho ghenguno anetsu lakhi eno piti kumllagho ghenguno bheriti lakhi eno amshiti lakhi tukutiye kuhakeu ampe lakhi khi shiakeu,

ACHINE 9:5

Panonguno Muse no ahza tsukeu jeli kumtsu Aphiki gizulo saghi eno aqoaho kuchopu AMPEU mllanike tilehi kuho kumqoluve.

ACHINE 9:6

Muse no pi, “Nongu pelo hipaqo kumtsu shipenike AMPEU no ahza nongu tsuvae, tishianguno pano akeu saghu saghuikeu kuvu nongu lau ipeghilu peniyeke.”

AKIKIHI 14:10

Timi aqo kuchopu ghano atu pesu panoqo veqhi pithive nike shikichi thuve ikemu paikhavi lono AMPEU no ngoakeu saghusaghui keu kuvu Aphiki shou ipeghi keu timiqono ithuluve.

AKIKIHI 16:19

Tithiu Kora no aqoaho kumtsu hekumqo pesu Aphiki kulaghilo Muse ngo Aron pama lau jupuwo ghi puthugholuve. Paikhavino AMPEU akeu kuvu saghusaghui keu aqoaho kumtsu lau ipeghi