ACHINE 7:12 - BAIBEL (BSI)

¹² Timi lakhino hipau kumllagho pesu Alhou lau shikimthi kumllagho lakhi shi aye, paye lhoxu aghashi akeu gholo kholaqhi sumokeu asho pesu mllakeu lakhi shi kumtsa tsulo: tiye oliv teli pesu shishoi kunu keu momu qhaikeu sho oliv teli pesu nukeu momu oliv teli pesu kununo akumtsha sho shikeu.

Sumi Naga CL (Re-edited) Bible (BSI)

¹² Pa no shikimthikütsü ghenguno tsü aye, pa ghakishi gholo kholaqhi sümono thazü no kunuve keu sho, kholaqhi sümokeu thazü pe nuve no ipumhei zümzümüi keu sho, eno ashomkhu kivi lo thazü pe nuküxü no mlakeu sho tsüni.

ACHINE 7:12 Mawu Ofanana

YEKIKITHI AKINIU 29:31

Hezekiya no timiqo vilo pi, “Itehi nonguye achinepulo mitheluvae ike aghakishipu pesu shikimthi keu kumllagho shi AMPEU lau sughilo.” Timiqono aghokulu shi eno panoqo gholo khamiye pututa pulou lono akipti kumlla gho shi ghi aghakishipu lhoxuqo sughike.

YEKIKITHI AKINIU 33:16

Khilehi AMPEU mlla chekeno tipau lo akiptia ghi pano mla kitheve eno tipaulo pano kuposhukulu ngo shikimthi kumllagho pesu aghashi tsue. Juda lo akemi kumtsu AMPEU, Israil Lhou mlla penike pano ahza tsue.

NEHEMIA 12:43

Tipa tsalani aghakishi kutomo pesu tsuke eno timi qono alokivino chhitoi ake kughengu Alhou no panongu loshipivi tsu ake. Totimi ngo atinuliqo ghi tipau pinye lo sukuqha no asutsa mubumughu ake hu putou ghi panoqo sutsa chiluke.

LESHELE 107:8

AMPEU no panongu ghenguno akumzapu kumla shitsukeu eno pa kikimiye ghenguno pa shikimthi kepu.

LESHELE 116:17

Niye shikimthikeu kumllagho lakhi pesu otsuni eno ikighini pesu otsuni.

LESHELE 50:23

“Timi khuno pawu shikimthikeu pesu akumllagho shighi sughinikeno paye igihu anike, eno igholu kemi kumtsu lau ino kuchouno xaluve nani.”

JEREMIYA 33:11

alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

HOSIYA 14:2

AMPEU lau ide ighivelo eno pa lau akumllagho shikeu kighini hipau shilo: “Nixineqo kumtsu pevetsulo eno nikukhu kighini ikhilutsulo, eno ninguno tushoqhive keu toi ninguno osheqhe nike.

ACHINE 2:4

Tsala akumllaghoye amiphoki lono shukeu sho shiaghi aye tiye kholaqhi sumono shimasake. Tiye ashopa shishoi puzu oliv teli lono kunukeu momu oliv teli pesu nukuxu keu shopa shi aghiluvi.

ACHINE 2:5

Tsala akumllaghoye apali lono pugha keu shopa shi aghi aye tiye kholaqhi sumokeu sho mukhu oliv telino kunu keu pesu shilo.

ACHINE 22:29

Kughou nono AMPEU lau shikimthikeu aghashi mllani keno ayeh kiqi lono shilo tishianguno noikhilutsu penike;

ACHINE 6:16

Achinemino tipau achili aghikeqo chulu nani. Tiye kholaqhi sumo puzu asho shilo eno akimthea lono chulo, tiye AMPEU no achekeu Phiki bokuthabo lono chulo. AMPEU no achinemi lau piti mllakeu lono panoqo saje tsu anike. Tiye axine kumllagho ngo lochilekeu kumllagho toi ighono akimtheke.

ACHINE 7:15

Lhoxu shiye tipau pesu aghashivekeu tsalani lono chuve masa; tipau shi kitilamu thanau kutolo pekishe kevilo.

AMUS 4:5

Tishi puzu shikimthikeu shi-ghi kholaqhi sukeu sho pesu Alhou mllalo eno nonguno akumllagho achili sughikeu asheshu alo! Nonguno hikithipu kupuqhiyi achenike.”

AKIKIHI 6:15

Paye kholaqhi sumokeu sho ashoghi lakhi pesu mlla pelo tiye ashopa shishoi shino oliv telino nhikeu eno ipumihei shopa oliv teli pesu nuda pukuve keu eno tinguno alaughi kiu shilopi puanikeno athi ngo atsayi ji kumllagho peighi pelo.

Luke 17:16

Pano Jisu pukhu philo ihozu puzu pa shikimthi. Timi huye Samariami lakhi.

Luke 17:18

Kutamiye kishive puzu timi hipau kutami shiayeh ke pa likhino Alhou shikimthi nike ideghilu kela.”

Rommi 1:21

Panonguye Alhou ithi ani, ikemu agigihu pawu shiakeu panonguno pa tsumoe, momu panonguye pa shikimthimoe. Tishinike zuqhulo, panonguye kumsumlamitheve eno akuzuno panongu mlo kughupovetsu.

Ephesiami 5:20

Thwokha thime ghenguno ningu Mipeu Jisu Khristo jelono Apu Alhou lau pulhapuju shikimthi tsulo.

IBRIMI 13:15

Tishiaye, Jisu vechewo ninguno pulhapuju sheqhekeu pesu Alhou lau akumllagho shighi mllani nolo; ike tiye, ningu kichi lono pulhapuju pa je shikimthi ani nolo.

1 Peter 2:5

Akuxupu tuqu shi-ghi pa lau ighilo eno aghungulo ki shikeulo nongu peithapelo. Tilehi nonguye akimthe chinemiqo shighi Jisu Khristo vechewo aghungu lono aghashikeu Alhou lau ikhikulupushi mllalo.