ACHINE 4:3 - BAIBEL (BSI)

³ Achinetouno axine shive no timiqo shou angusu sughive aye pano amshitsu alhothe tukutiye kiumu kuhakeu pesu tsulo eno pa xine ghenguno AMPEU lau tipau heqhipe agha shilo.

Sumi Naga CL (Re-edited) Bible (BSI)

³ momu nukisheve keu chineu no axine shive no timi mlo lo akipimi süghi aghi aye, pa ye pa kipimi ghenguno amshitsü lhothe tukutiye kühakeu pesü Ampeu lau axine kümllagho tsüni.

ACHINE 4:3 Mawu Ofanana

YEKIKITHI AKINIU 29:21

Akukau kibolomi ngo Juda lo akemiqo xine ikhisuwuve nike eno Achineki shikimthe nike ghenguno panonguno amshitsu tsuni, bheri tsuni, bheriti tsuni eno ane tsuni pesu akumllagho shinike luve. Akukauno Aron polo kughukomi achinemi vilo lhoxuqo pesu akiptia lono aghakishi shi ghi mllalo pike.

EZRA 8:35

Tipa ghulokilo khunoqono hakughutsu keu lono ideighi keno piti kumlla kepu pe Israil Lhou tsu. Israilmi kumtsu ghenguno amshitsu chighi kini, bheri lhotoku tsugho, bheriti lhotsuni tsuni pesu mllae, anetsu chighikini pesu panoqono pano shikimthe keu shipesu mllae. Hi lhoxu kumtsu Alhou lau agha shikeu shi pitipe mllae.

IPEKULU 29:14

Ikemu amshitsu shi ngo ayiko eno kighinoliye akubalau no pitilo. Hipauno achinemi xine ikhive tsuni keu kumllaghoke.

IPEKULU 29:21

Akipti-a lono ahji hami lulo eno nukepu teli hami lulo eno tipau pesu Aron ngo pa phimini eno panuliqo ngo panoqo phiminilo kuzute pukulo. Tithiuye pa eno pa nuliqo eno panoqo phiminiye ilau akimthe shiveniake.

IPEKULU 29:7

Tipathiuno nukepu teli pesu pa kutsulo lesu tsulo eno nuphove tsulo.

IPEKULU 30:10

Ampe lakhilo ghuthu lakhi akiptia tipau shikimthe keu shinike axine ghenguno aghashikeu jih Aron no pesu tipaulo aku bidi akeulo beghi chinilo. Hiye ampe atsu-tsu pulhapuju shimasa. Akiptia hipauye ni AMPEU lau ikhiphe tsuvekeu shi qhoi akimthe shipe masa.”

EZEKEL 40:39

Achebo kije hipaulo bekepu alpa bidi ae, achebo hula kini hilau kini ae. Alpa hipaqo shouno panonguno aghashipe mllanikeu lhoxuqo heqhiche, tiye akuchopu piti mlla kepu shina momu axine ghengu momu lochilekeu kumllagho shikeu namu shiniyeke.

EZEKEL 43:19

Levi laghalo achinemi khunoqono Zadok polo kughukomi keno tipaqo likhino iqenike igizulo ighi kepu shi nani. Ni, Akughushu MPEU no ahza hipau tsu ani. Panoqo pelo axine ghenguno aghashi mlla penike nono amshitsu alhothe lakhi panoqo tsulo.

EZEKEL 44:27

tithiuno achineki khala aloulo ilolo eno pa shikimthe kepushi aghashi mllakeu pesu mllalo, tishianguno paye itaghi Achinekilo qelu kepushi. Ni, Akughushu MPEU no pivae.

ACHINE 1:10

Timi huno pawu bheritsu momu anetsu pesu mlla aye tiye tukutiye kiumu kuhakeu shi masa.

ACHINE 1:3

Pa mishi gholo no pesu piti mllakeu tiye amshitsu tukutiye kiumu kuhakeu shimaye sake. Pano tipau sawo AMPEU no ngochekeu Phiki hukikhalo saghilo tishi anguno AMPEU no pa ikhilukeu shini.

ACHINE 16:11

Kughou Aron no pa kibolomi ngo pa likhi pa xine ghenguno axine kumllagho amshitsu pesu agha shini keno,

ACHINE 16:3

Pano axine kumllagho ghenguno amshitsu alhothe lakhi eno piti kumllagho ghenguno bheritsu lakhi sughi anguno paye Shishe Akimthea lo ilolu nanike.”

ACHINE 16:5

Israilmi aqoahono axine kumllagho ghenguno anetsu kini eno pitikeu kumllagho ghenguno bheritsu lakhi Aron tsulo.

ACHINE 16:6

Pa likhi pa xine eno pa kibolomi xine ikhipeve tsunike pano amshitsu lakhi pesu agha shikeushi mllalo.

ACHINE 4:14

axine shivekeu ithi kemtsa aqoaho ghano mtazu axine kumllagho shikepushi amshitsu alhothe lakhi sughilo. Panonguno AMPEU no ngochekeu Phikilo tipau saighilo,

ACHINE 4:23

pano axine shivekeu ithive kemtsa mtazu anetsu tukutiye kiumu kuhakeu lakhi pesu akumllagho shinike saghilo.

ACHINE 4:28

pano axine shivekeu ithilu ve kemtsa paye mtazu anequ tukutiye kiumu kuhakeu lakhi pesu akumllagho shinike saghilo.

ACHINE 4:5

Tishieno Achinetouno amshitsu jih hami lupuzu Aphiki alou ilolo.

ACHINE 5:6

eno pa xine ghenguno lokepushi paye AMPEU lau bheriqu momu anequ lakhi akumllagho sughimasa. Achineu no timi tipau ghenguno aghashi pesu mllalo.

ACHINE 6:18

Hithiazuu ghulokilo ghi Aron laghalo kiptimi thaqhuno AMPEU lau piti mllakeu lono panoqo saje lupesu chulu che nanike. Kutami khunono achuqupu kumllagho buni keno tipau kimthe kukano pa shipusa nani.

ACHINE 8:12

Pano nukishe kepu teli hami pesu Aron kutsulo lepukutsu puzu pa pesu akimthepulo kishelu.

ACHINE 9:2

Pano Aron vilo pi, “Amshitsu alhothe lakhi eno bheritsu tukutiye kuhakeu lakhi pesu AMPEU mllalo, amshitsu no axine kumllagho eno bheritsuno pitikeu kumllagho shilo.

ACHINE 9:3

Tishieno Israilmi vilo axine kumllagho ghenguno anetsu lakhi eno piti kumllagho ghenguno bheriti lakhi eno amshiti lakhi tukutiye kuhakeu ampe lakhi khi shiakeu,

AKIKIHI 16:22

Ikemu Muse ngo Aron pamano ayeghilo agi pishiqho ghi itsaqiveno pi, “O Alhou noye kumtsu kuxu khuki ke. Timi lakhino axine shive keno noye aqoaho kuchopu shou agha ideni kesha?”

AKIKIHI 8:8

Tithiu panonguno amshitsu lhothe lakhi luno thosulo shichekeu kiqi lono athi sukeu pesu asho kukubo pe oliv teli gholo kitepelo eno nono amshitsu kutau axine kumllagho ghenguno saghilo.

Rommi 8:3

Timi lhoaye no tomo chhimo keghenguno Ayezah no shimlano achekeu hu, Alhou no shivetsuae. Axine shipuhavenike ghenguno Alhou no paNu kuchou, timi xine lhoaye kimihi lono pa puwu puzu timi lhoaye gholono axine kilevetsu.

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

IBRIMI 5:3

Pa ghi tomo-chhimokeu akehu, pa likhi pa xine ghenguno eno timiqo xine ghengu ghi ishi lhoxu heqhipe Alhou lau aghashi masave cheni.

IBRIMI 9:12

Pano ghuthu khavino pulhapuju ghenguno aphiki vechesu Akimthe-A lo ilokelo, paye anetsu ngo anetiqo jih pesu ilomoe ikemu pa likhi pa jih pesu ilopuzu ningu ghenguno lhokta xakulupu phutsuke.