ACHINE 4:21 - BAIBEL (BSI)

²¹ Tipathiu pano amshitsu kumo pesu aqono ngochekeu ghazu khalau wuno pitilo, tiye pa likhi pa xine ghenguno amshitsu mllakeu pano pitikeu toi shilo. Hiye aqoaho xine ikhisuwu veni ke akumllagho shikeuke.

Sumi Naga CL (Re-edited) Bible (BSI)

²¹ Amshitsü kumo ye pesü aghazü khalau ipeve no amshitsü atüghüu pitike ghola lono tilauno pitiveni; hi no aqoaho ghenguno axine kümllagho ke.

ACHINE 4:21 Mawu Ofanana

EZRA 8:35

Tipa ghulokilo khunoqono hakughutsu keu lono ideighi keno piti kumlla kepu pe Israil Lhou tsu. Israilmi kumtsu ghenguno amshitsu chighi kini, bheri lhotoku tsugho, bheriti lhotsuni tsuni pesu mllae, anetsu chighikini pesu panoqono pano shikimthe keu shipesu mllae. Hi lhoxu kumtsu Alhou lau agha shikeu shi pitipe mllae.

IPEKULU 29:14

Ikemu amshitsu shi ngo ayiko eno kighinoliye akubalau no pitilo. Hipauno achinemi xine ikhive tsuni keu kumllaghoke.

EZEKEL 45:22

Tipau pinye atughiu tsalalo akukapuuno pa xine eno timi kumtsu xine ghenguno amshitsu lakhi aghashi mllakeu tsulo.

ACHINE 16:15

Tipathiuno pano timiqo ghenguno axine kumllagho shikepu shi anetsu hu heqhilo eno tipau jih pesu Shishe Akimthe-a lo iloghilo eno pano amshitsu jih pesu shike tho lono Puloshoqhi Bohu kunha shou eno tipau gizuu kuzutelo.

ACHINE 16:21

Pano pau kinikujo pesu ane kutsulo inape puzu Israilmi lhoksa, axineqo eno hekibide kumtsu tipau shou piphepukulo eno tipaqoye ane kutsu shou pimi pukuvetsu anike. Tishieno timi lakhi kutope puakeu pelo ane hasasu asayeqhalo hapupove pelo.

ACHINE 16:27

Axine kumllagholo peithakeu amshitsu ngo anetsu, khipaqo jihno axine ikhisuwuvenike Shishe Akimthe-a lo suloghikeno, tipaqo kumoye ngocheke qha khalau xapu ipelo eno pitivelo. Ayiko, ashicho eno kighinoli kumtsu pitivelo.

ACHINE 4:13

Tsala Israilmi aqoahono mtha puzu axine shiveni eno AMPEU no ahza tsukeu gholo lakhi hexavekeu ngusu shive aye,

ACHINE 4:20

Pano axine kumllagho ghenguno amshitsu pesu kishi shivekeno tipaphi lono hipau mishitsu ghi tishi shilo eno hipa ghola lono pano timiqo xine ghenguno agha shikeu shilo eno panongu xineye peivetsu nanike.

ACHINE 6:11

Tishieno pa phimini kilive puzu ayevu pesu ngochekeu ghazu nguno khalau chini kimthe puakeu-alo pewulo.

ACHINE 6:23

Athi kumllagho achineuno pesu tsuvekeu kitila pinamu chukepu kumoe; tipau kumtsu pitive masake.

ACHINE 8:17

Pano amshitsu yiko ngo ashi, akighiqo kumtsu pesu ngochekeu ghazu bocho khalauno pitive, tiye AMPEU no ahza tsukeu toi shike.

AKIKIHI 15:24

tipau shimove keuye aqoahono mthave keu lono tishive aghi aye panonguye amshitsu lakhi pesu AMPEU mlo kiqi xo tsungqui keu shi akipti gho lakhi mllalo, achipi lono athi kumllagho ngo atsaiji kumllagho gholono tsulo. Tinguno alaughi panonguye anetsu lakhi pesu axine gha shikeu mllalo.

MATTHEW 20:28

Timi Nu thotsu kutami pelono pa qepeniye ighike kumoe, ikemu kutami qeniye ighike eno timi kutomo xaphelu nike pa kuxu tsuniye ighie.”

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

IBRIMI 13:11

Judami chinetouno lhoxujih pesu axine ghenguno aghashikeu kumllagho tsunike shishe Akimthe-alo sailoghi cheni; ikemu lhoxu kumoye kughunachekeu-a nguno khalauno pitive cheni.