ACHINE 26:12 - BAIBEL (BSI)

¹² Ino nongu gholo anani, niye nongu Lhou shi nanike eno nonguye iwu timi shi nanike.

Sumi Naga CL (Re-edited) Bible (BSI)

¹² I no nongu gholo anani eno nongu Lhou shinani, nongu no Iw timi shinani.

ACHINE 26:12 Mawu Ofanana

BOTHUBO 17:7

I-u puloshoqhi lakhi nikujo dolo eno opolo kughuko chekemi tiqhelino tiqheli kutolo shini tiye ipelo olhou shipeni eno panoqo Lhou shipeni keu puloshoqhi ke.

BOTHUBO 17:8

Nono itehiye inami shi ghi akeu yeghi hu ino no eno othiu otianuliqo tsunie. Kanan yeghi qha kuchopu pulhapuju sala shi nongu wu shive nani, eno ino panongu Lhou shive nani.”

BOTHUBO 3:8

Tipani avelau, AMPEU Alhou no aghutulo chechekeu sutsa pamano chilu, eno Adam ngo pa nipu pamano aghutulo asubo qholo AMPEU Alhou zu itshuwuve.

BOTHUBO 5:22

Tipathiu Enok ye Alhou sasu kuposhughi ampe 300 xue eno ati anuli kutami kutomo lhoe

BOTHUBO 5:24

Enok ye Alhou sasu kuposhughi xuche kehu, pa juthumlave, kughengu Alhou no pa sawuveke.

BOTHUBO 6:9

Hipaqono Noha laghaqo: Pano anu kuthu shie, Shem ngo Ham eno Jafet. Noha ye pano tiqhelimi gholo pa likhino amikuchou eno kikhikighiue, paye Alhou sasu kuposhughi xu ache.

SAMUEL AKINIU 7:7

Niye Israilmi sasu izuche kedolo ino sakiphemi khuu vilomu kedar taktano shikeu chineki shitsulopi iniju mphie.’

LESHELE 50:7

“Inilo, iwu timiqo, ino pinike, O Israilmi, nono achipishi achemokeu pini: Niye Alhou, nongu Lhou ke.

IPEKULU 29:45

Ino Israilmi gholo ache nani eno niye panoqo Lhou shive nani.

IPEKULU 29:46

Niye panoqo Lhou AMPEU, Ijip lono panoqo saipeghi keu kepi panonguno ithi nani ikehu niye panoqo gholo ache kepu shilu nani. Niye panoqo Lhou AMPEU ke.

IPEKULU 3:6

Niye nopu asuqo Lhou ke; Abraham, Isak eno Jakob Lhou ke.” Ikehu Muse no pagi nhaluve kughengu paye Alhou lau jupukunikeu msaveke.

IPEKULU 6:7

Ino nongu pesu iwu timi shini eno niye nongu Lhou shini. Ijip lo nonguno aqemi shi akeulo kughono ino nongu kuqho pheveni keno tileno niye nongu Lhou AMPEU kepi nonguno ithi nani.

ISAIAH 12:2

Alhou ye ixakuluu; niye pa pukhuni eno musaichivemo nani AMPEU no akuka eno akumto itsuke; paye ixakuluu

ISAIAH 41:10

Ino osasu anike musa kevilo! niye oLhou ke kiu pelomu oshikichi pekevilo! Ino opelo mutotoilupe nani eno kuphu nani; ino osusholu nani eno oxalu nani.

JEREMIYA 11:4

Tiye ino panoqo puasu sasu puloshoqhi shi keu tsake; panoqo puasu ghenguno amiphokilo ami iqu akeu toikeu yeghi Ijip lono ino panoqo sasu ipeghi kelono puloshoqhi shipuakeu huke. Ino panoqo vilo igholu eno ino ahza tsukeu kumtsu shilo pike. Ino pikeuno panonguno aghokulu shiaye iwu timi shi nani eno ino panoqo Lhou shinikeu pike.

JEREMIYA 30:22

Panonguye iwu timi shive nani eno ino panoqo Lhou shive nani. Ni, AMPEU no piqhive ake.”

JEREMIYA 31:33

Puloshoqhi akitheu ino Israil lo timiqo sasu shinikeu huye hike: Ino iyezah pesu panoqo lolo suvetsu nani eno panoqo mlolo yepuku nani. Ino panongu Lhou shive nani eno panonguye iwu timi shive nani.

JEREMIYA 32:38

Tithiuye panonguno iwu timi shive nani eno ino panoqo Lhou shive nani.

JEREMIYA 7:23

Ikemu ino ahza tsukeuye igholulo pike, tishianguno niye panoqo Lhou shi eno panonguye iwu timi shipeniyeke. Ino panongu vilo pikeuno ino ahza tsukeu pesu xulo pike tishianguno panoqo ghenguno thwokha akivishi achepe niyeke.

EZEKEL 11:20

Tithiu panonguye iyezah pelu nani eno ino ahza tsukeu kumtsu pichebekulu shi agholu nani. Panonguye iwu timi shive nani eno niye panoqo Lhou shive nani.

EZEKEL 36:38

Aphughi itehi ixapinyi akeqo tithiuye timi chhitoive nani, tiye khaghi Jerusalem lo tiqhetini ghulokilo bheri heqhipe mllakeulo bheri kumzapu achekeu toi nani. Tithiu panonguno niye AMPEU kepi ithi nani.”

JOYIL 2:27

Tithiuno, Israil, niye nongu gholo anikepi ithi nani, eno ni, AMPEU no nongu Lhou eno kutau Lhou kuhake. Iwu timiqo khilemu jukunatha kithe pemo nani.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

AKIKIHI 5:3

kiptimina totimi namu aghazu khalau haphevelo; tipaqoye aghazu khilehi ino iwu timiqo gholo ngo anikeno tipau shipixi pemonike ahza tsulo.”

MATTHEW 22:32

‘Niye Abraham Lhou, Isak Lhou eno Jakob Lhou ke.’ Paye kuxumi lhou kethono kithimi Lhou kumoe.”

2 Kor. 6:16

Alhou chineki ngo asu-atu ajulho pama kiu lono pulokile kepu ani kya? Kughengu ninguye xuakeu Lhou chineki ke, Alhou no ishi piveke toi: “Ino panoqo lolo xuni eno panoqo gholo acheuveni; Ino panoqo Lhou shini eno panonguye iwu timi shiveni.”

ZAKINIU 23:14

Nowu aphiki ghazu achinepulo akimthe shi qhilo kughengu AMPEU nongu Lhou ye nophiki ghazulo ngopuzu noghumiqo launo nongu susholuni eno tokulu nongu tsuniye ke. AMPEU no nongu lau azupo tsughu tsuve kepu niqhunighulai keu ghusho ghili kiumu shikevilo.

ZAKINIU 23:15

“Aqemi lakhino pa mpiu launo pove puzu susholu penike olau ighi aye pa pelo idechile wope kevilo.

IBRIMI 11:16

Tishinike zuqhulo, panonguye ayeghi akiviu, ti kungughalo akeu kumsukutu cheke. Tighenguno panonguno Alhou ye pano Lhou kepi pikeulo Alhou ye kujomzavemoe kughengu panoqo ghenguno pano aphughi lakhi kutopuanike.

Piyeküsü 2:1

“Efesia kukuhoulo kungumi akeu lau yelu ani: “Atsape hipauye khuu-u ajeu ayepu tsuni pe ani keno eno khuno shunayino shikeu akulu kibepu tsuni mtalo ani keno tipau launoke.

Piyeküsü 21:7

Khunono theqhikulushi tolunikeno paye ilauno hipau ithulu nani: Ino pa Lhou shiluve nani eno paye inu shiluve nani.