ACHINE 24:4 - BAIBEL (BSI)

⁴ Akulu kibepu shunayi kutsughuno shikeu shou akulu akeqo Aron no tuchomujolo eno tipaqoye AMPEU no achekeu-alo ado kumtsulo iqu apenike jumasake.

Sumi Naga CL (Re-edited) Bible (BSI)

⁴ Ampeu zülo ameshoyi akiviu kulu kibepu lo akulubo akeqo pa no jukutoni.

ACHINE 24:4 Mawu Ofanana

KUKAMI ATUGHIU 7:49

akulu kibepu chighi, punguno ajeu punguno piyiu ishi pesu Shishe Akimthe-a kuchou kulaghilo qhi; axamunu, akulu eno amibalu tsumtsa

YEKIKITHI ATUGHIU 28:15

akulu lakhi khi eno akulu kibepu,

YEKIKITHI AKINIU 29:7

Panonguno Achineki hukikha khave, akulu inhevepe eno tsungqui ta ngo piti mlla keu gho pesu Israil Lhou Achine ki lo pitimove ke.

IPEKULU 31:8

akibepu eno tipau shou bepuakeqo,muqhamiqhi keu shunano shikeu akulu kibepu eno tipaulo peitha chekeqo, tsungquikeu mukhu pitichekeu kiptia,

IPEKULU 39:37

shuna tsughukhuyi keuno shikeu akulu kibepu, tipaulo akuluqo,

JEREMIYA 52:19

Panonguno shunayi momu tsandiyino shikeu jeli kumtsu pewu khavetsu: akhu aghuloloqo, amibalu pewu chekeu khuqo, lhoxu heqhikelo aji suchekeu khu, ayevu suchekeu bohu, akulu kibepu, tsungquikeu ta ghenguno peitha chekeu khu eno atsayiji leqhini kelo peitha chekeu khuqo.

ACHINE 24:3

Kijili atsu-tsu Aron no tipaqo kuqulo eno inaqhe kutolo iqu akepu shilo, khile AMPEU phikilo Puloshoqhi Bohu Shishe Akimthe-a tipau zulo nhaqhiphi nguno khalau kudauno shilo. Pekithiyeh hipauye ighinikeu ghuloki kumtsulo shiche masae.

AKIKIHI 3:31

Panonguye Puloshoqhi Bohu kibe lipa, akulu kibepu, akumlla kiptia, achinemino pechekeu akhu ajukhu eno Akimthe-a ikulo lalo nhaqhiphi hekutsuni kemike. Panonguye hipaqo peitha kepu kumlapu saje kumtsu jukutsuni keuke.

AKIKIHI 4:9

Panonguye tsulakibe phi ikhiluno akulukibe a kuzupe qhinike zah shi, akulu gholo amikutsapu alazakhu eno oliv telibo qhinike zah shi.

AKIKIHI 8:2

“Aron vilo pano akulu tsuni pesu akulu kibepu alo bekelo agizuu yekulupu shi qhilo pilo.”

IBRIMI 9:2

Khalau bocho phiki shipe qhipuakeu pesu Akimthe-A ipi piche, eno tipau alou akulu ghopeqhikeu ngo akibepulo Alhou mllakeu shopa ngo ishi ache.

Piyeküsü 1:20

Ayepu tsuni i-u ajeu akeu nono ithulukeu eno shunayino shikeu akulu kibepu tsuni wu kuthokuzu kiqiye hike: ayepu tsuni huye akukuhou tsuni wu kungumiqo ke eno akulukibepu tsuni huye akukuhou tsuni huke.”

Piyeküsü 11:4

Ashepemi hipamaye olivsubo kini eno akulu kibepu kini ayeghi Mpeu zulo puthugho achekeu huke.

Piyeküsü 2:5

Tishiaye, noye kiutoi veqhive akeno kumsululo. Xaideighilo, eno nono atughulo kiu shichekeno tipau shilo. Nono xaideghimo napiaye ino olau ighi puzu owu akulukibepu tipa alono ikhive nani.