ACHINE 21:5 - BAIBEL (BSI)

⁵ “Achinemi khuumu pa kutsusa miyevemoni momu pa kichimhi tsave momu pa philo ashi ghale puzu mloqakeu piyekeu shimoni.

Sumi Naga CL (Re-edited) Bible (BSI)

⁵ Achinemi khumu akütsüsa, akichimhi miye moni, momu aphi ghipu moni.

ACHINE 21:5 Mawu Ofanana

ISAIAH 15:2

Dibon lo kuamino chiniche keu alo qa-mloni aye naghutolo iqhoke. Muabmino Nebo ngo Medeba phughi shou amlo kusashi qahke; panonguno amlokusa launo akutsusa ngo akichimhi miyeveke.

ISAIAH 22:12

Tishiaye AMPEU Aqokitikhi Lhou ye nongu pelo qamlo eno anhezu piji penike eno nongu kutsusa miyeveno yeqhiyephi upenike nongu kuanike.

JEREMIYA 16:6

Hipau yeghilo kinimi ghi kumlhomi ghi thive nani, ikemu milakhinomu panoqo kumo shiqho momu panoqo ghenguno qani mlomo nani. Timi khuumu amlo kusa shi akeushi ashi aji ghalekeu momu akutsusa miyevemo nani.

JEREMIYA 48:37

Panoqo kumtsu panoqo kutsusa miyevae eno panoqo kichimhi tsalevae. Panongu kumtsu panoqo ulo kihethale pesu ani eno kumtsu ghano yeqhiye phi uani.

EZEKEL 44:20

“Achinemiqoye pano kutsusa miyemoni momu panoqo sa kushuwa thuwuve pemoni. Panonguye tipau achipiu lono qhini.

EZEKEL 5:1

AMPEU no pi, “Thinikuau timio, azuta tsughaminhei keu lakhi ikhi pesu okichimhi ngo okutsusa miyevelo. Tipathiu asaqo pesu akimighipu lono mighilo eno tipau pesu amqo kuthu shi kijevelo.

ACHINE 10:6

Tile Muse no Aron ngo pa nuli Eleazer eno Ithamar vilo pike, “Nongu sa muthomughoi pekevilo momu amloksa kiqi shi nongu phimini suxu kevilo. Nonguno tishi aye thive nani eno AMPEU no aqoaho kuchopu shou aloghu ideve nani. Ikemu nokusami Israilmi kumtsu AMPEU no ami puwuno akithipu shivekeulo amlo imekuqha penikeu shi pulosutsu anike.

ACHINE 21:4

Kulakupu vechewo khunoqomi pa sasu kutshukime ani keno tipaqo kithi lono pa likhi pa pesu mithemokeu shikepu kumoe.

AMUS 8:10

Ino nowu tiqhetini tsala pesu akumo shiqhokeu eno nongu mlo kiqishi phekeu leqo pesu amlo ghimeshi ighakeu kughulhove tsu nani. Ino nongu pelo nokutsusa miyevepe eno yeqhiye phi upe nani eno nonguye apuaza lakhi nu lakhi likhi akeu thivekelo mloqake toi shipe nani. Tiye ashekha kutolo akukhu kimji tsala shi nani.”

MICAH 1:16

Juda lo akemiqo, nonguno kimiyechekeu tianuliqo ghenguno mlo qakeu michishi nongu kutsusa miyevelo. Aluqu toi nongu kutsusa miyevelo kughengu nongu tianuliye haphe sawuve nani.

ZAKINIU 14:1

“Nonguye AMPEU Alhou wu timiqoke. Tighenguno thivekemi ghenguno nonguno mloqa kevilo, kutamino shicheke toi noshi ghale momu nokutsulo asa agizuu akeu miyele kevilo.