ACHINE 20:3 - BAIBEL (BSI)

³ Timi khuuno pa tianuli pesu Molek tsupuzu ikimthe Phiki shipixi eno ije kimthe shiputhani keno, ino pa kutotsu nani eno iwu timiqo gholo pa kihisu move nanike.

Sumi Naga CL (Re-edited) Bible (BSI)

³ Pa no pa tianuli pesü Molekh tsükeu lono I kimthe-a shipixi eno I je kimthe shipütha kehu, I no pa launo I gi kughove nani eno Iw timiqo gholono hapheve nani.

ACHINE 20:3 Mawu Ofanana

IPEKULU 30:33

Khunono hitoi keu kimihi shi mlani momu hipau pesu achinemi nguno kutami shou peitha nikeno paye iw timi gholo kihi sumove nani.’ ”

EZEKEL 20:39

Akughushu MPEU no pi, “Itehiye nongu Israilmiye nolikhi nongu pulou shialo! Pututa su-atu julho qewuvelo! Ikemu ino nongu kutughuve anike tipathiu nonguye igholumasa kepu shi nani eno nowu asu-atu julho lau akumllagho tsukeu lono ije kusapu shichekeu tavekepu shi nani.

EZEKEL 5:11

“Niye xuakeu Lhou ke ghenguno Akughushu MPEU tsaye hike - nonguno alhoksa jeli pesu ichineki kitiqevetsu, aphikumqhupu jeli nono shikeu ghenguno, kimiyemomithe puzu ino omicheveni cheni.

ACHINE 15:31

AMPEU no Muse vilo Israilmiqoye mithemono akeu ghenguno piputo penike pike tishianguno panonguye AMPEU no ngochekeu Phiki shipixi pemoniyeke, aphiki tiye ngochekeu ghazu mtalo ake. Panonguno shipixive aye panongu pithive nanike.

ACHINE 17:10

Israilmi na aqoaholo inaghami xu achekemi namu timi khuuno ashilo ahji a-ghi chuni keno AMPEU no pa junishimove nani eno paye pawu timi kepi kihisumove nani.

ACHINE 18:21

Molek lhou mllakeulo peitha peniye nongu tianuli khilemu tsupuwu kevilo, kughengu tiye shiputhakeu AMPEU Alhou je shou sughive nanike.

ACHINE 19:12

Ije lono ashoqhi shikevilo nono tipau pemla kepushi kumsu aghi aye; tipauye shiputhakeu ishou sughi anike. Niye nongu Lhou AMPEU ke.

ACHINE 20:4

Ikemu aqoahono pano mlakeulo kughuchove no pa pithimo aye,

ACHINE 21:6

Paye akimthe shimasa eno ije shiputha kevilo. Pano achuqupu kumllagho pesu imlla chenike eno paye akimthe shimasake.

ACHINE 7:20

ikemu timi lakhino mithemo puzu tipau chu aye paye tinguno tilauye Alhou wu timiqo gholo lakhi kepi kihisu move masa.

ACHINE 7:21

Itaghi timi lakhino achinepulo mithemokeu kiu kiumu buve puzu akumllagho hipau chu aye timi momu lhoxu kudauno mithemokeu shipuaghi pinamu paye Alhou wu timi gholo lakhi kepi tinguno tilauye kihisumove masake.

AKIKIHI 19:13

Khuu khumu akithikumo dilu puzu pa likhi pa qhukimthemo aye tishi mithemono anani, kughengu qhukimthe kepu zu pa shou lepuku mphike. Paye AMPEU Phiki kitiqeve nanike eno Alhou wu timiqo gholo lakhi kepi kihisumove nani.

AKIKIHI 19:20

Timi khuuno achinepulo mithemoveni eno pa likhi pa qhukimthemove nikeno paye mithemono auvenia kehu qhukimthe keu zu pa shou vepukumoe. Paye AMPEU Phiki kitiqeve ani eno Alhou wu timi lakhi kepi pa kihimove nani.

2 Kor. 6:16

Alhou chineki ngo asu-atu ajulho pama kiu lono pulokile kepu ani kya? Kughengu ninguye xuakeu Lhou chineki ke, Alhou no ishi piveke toi: “Ino panoqo lolo xuni eno panoqo gholo acheuveni; Ino panoqo Lhou shini eno panonguye iwu timi shiveni.”

1 Peter 3:12

Kughengu Ampeu no amikuchomi shou jupuku acheni eno panoqo kighini initsu cheni; ikemu Ampeu no alhoksa shichekemi hakhave cheni.”