ACHINE 17:5 - BAIBEL (BSI)

⁵ Ahza kutsu hipau kiqiye Israilmi pelo panonguno aluza lono lhoxu heqhikeu pesu AMPEU lau sughi pemoniyeke. Panonguno itehiye Aphiki hukikhalo achineu lau lhoxu tipaqo saghilo eno kuposhukulu kumllagho lakhi shi ghiqhilo.

Sumi Naga CL (Re-edited) Bible (BSI)

⁵ Hi ye Israelmi pelo khalau no aghakishi lhoxü heqhi süghi mono kuposhukulu phiki lo achineu lau süghi no Ampeu lau külakishi kümllagho shipeniye ke.

ACHINE 17:5 Mawu Ofanana

BOTHUBO 21:33

Abraham no Bersheba lo tamarik subo shosue eno AMPEU, shekhaha Lhou je ku-ghi mllae.

BOTHUBO 22:13

Abraham no tsughuwo jukelauye, pa thikhau bheritsu lakhi asuminipho lo akibono kunakufu pesu aghike ithulue. Pano wu puzu bheritsu hu sawo pa nu zuqhulo kuchopu pitikeu-gho lakhi akumllagho mllae.

BOTHUBO 22:2

Alhou no pi, “Nono kimiyeqhiyi chekeu onu Isak, ti likhi akeu sasu Moria ghakhu lo wulo eno naghuto khipau okichetsuni keno tileno pa pesu kuchopu pitikeugho shi ghi akumllagho chhelo.”

BOTHUBO 31:54

Jakob no lhoxu lakhi heqhino aghashikeu kumllagho lakhi atoghi lono shie. Pano abolomiqo kusawo tileno alibe chue. Panonguno chu-a puzu puthotsu tipa toghilo ngove.

KUKAMI ATUGHIU 14:23

Panonguno kichileu lhou ghenguno akumlla-a shisuno tile atu tsukucho shosuno Ashera julho shipukuno atoghi eno asukicheqho kumtsulo mllapeni keu shie.

KUKAMI ATUGHIU 3:2

Akumllaki AMPEU ghenguno shimono achekehu timiqoye apanaghano akumllagho pesu a-a kututa lono tsuche.

KUKAMI ATUGHIU 3:3

Solomon ye AMPEU kimiyeche eno papu David no mije tsukeu papeche, ikemu pa ghi tughashi kutomo heqhino a-a kini kuthu lono akumllagho tsuche.

KUKAMI AKINIU 16:4

Asu-atu kumlla-a atolo, asubo kicheqholo, hipaqo kumtsulo Ahaz no aghakishi eno piti kumnakeu gho tsue.

KUKAMI AKINIU 17:10

Atoghi kumtsu eno asubo kicheqho kumtsulo athigho shosuwo eno alhouliu Ashera julho shisu pesu qhi,

YEKIKITHI AKINIU 28:4

Asu-atu kumllami no atoghilo mlla chekeu-a lo eno asubo kicheqho kumtsulo Ahaz no aghakishi ngo tsungqui ta piti keu pesu mlla ke.

IPEKULU 24:5

Tipathiu pano lhothemiqo puwu eno panonguno AMPEU lau piti pesu agha shikeu tsue eno kuposhukulu gho mllakeu shi amshi tsu pesu aghashi.

EZEKEL 20:28

Ino panoqo tsuniye tushoqhive keu yeghilo ino panoqo saghike. Ikelaye, kughou panonguno atoghi qhemghai keu eno asu minipho ithulu keno panonguno tipaqo kumtsu-alo heqhipe mllaukhave. Panonguno lhoxu heqhipe pitikeu eno akumllagho atsayiji peighikeu huno ipelo aloghu idevepeke.

EZEKEL 22:9

Nowu timi khamiye kutami pithive nike ghenguno panoqo ghili akimkitsa picheni. Nowu timi khamiye asu-atu julho lau heqhi mllavekeu shi chu cheni; khamiye pulhapuju panoqono aghichipo chekeu ghapiqi acheni.

EZEKEL 43:27

Kughono tipau tughakhani toveni keno achinemiqoye akiptialo piti mllakeu gho ngo timiqo wu kuposhukulu shi mllakeu gho ishi pesu mllakeu huthulo. Tileno ino nongu kumtsu lau imlo kiqi shi nanike. Ni, Akughushu MPEU no pivae.”

EZEKEL 44:15

Akughushu MPEU no pike, “Levi laghalomi khunoqono Zadok polo kughukomi keno tipaqoye Israilmi kutamiqono ilauno tsughusu wuve pinamu panonguye amikucho shi Achinekilo iqecheke. Tighenguno itehiye panonguno iqe kepu shi nani eno igizulo ighi puzu aghashi mllakeu atha ngo ahji pesu imlla nani.

ACHINE 17:6

Achineuno Aphiki hukikhalo akiptia akeu jiboqo shou ahji vepuku lo eno AMPEU lopu shipenike axo kumna kepushi atha pitilo.

ZAKINIU 12:2

Nonguno ngoluve niye akeu yeghilo, timiqono khilehino panoqo lhou mlla acheni keno, naghuto kutsuqalo, atoghilo eno asuminipho qholo a-a aghikeu kumtsu kutsalevelo.