ACHINE 11:44 - BAIBEL (BSI)

⁴⁴ Niye nongu Lhou AMPEU ke, eno nonguye akimtheshi ache masa kughengu niye akimtheke.

Sumi Naga CL (Re-edited) Bible (BSI)

⁴⁴ Ni ye Ampeu nongu Lhou ke. Tighenguno nongu kishekimthe pe akimthe shilo, kughengu Ni ye akimthe ke. Ayeghi lo itikiche eno lülüshi keu lhoxü jeli pesü nongu ampi shikuchhube moni.

ACHINE 11:44 Mawu Ofanana

LESHELE 99:5

AMPEU niLhou sheqhelo; pa kuka lakhu zulo mllalo! Paye akimtheke!

LESHELE 99:9

AMPEU niLhou sheqhelo, pa kimthe toghi lono mllalo! AMPEU niLhou ye akimtheke.

IPEKULU 16:12

“Israilmino muchho akeu ino chiluvae. Panoqo vilo pilo ike avelau zughuive kelo panonguye ashi chukepu ithulu nani eno inaqheno panonguno lunishi ake thaqhu asho ithulu nani. Tileno ni AMPEU ye panoqo Lhou kepi panonguno ithi nani.”

IPEKULU 19:10

ikelo AMPEU no pa vilo ishi pi, “Noye timiqo lau wulo, eno panoqo vilo mlla kepushi ishi ngo thoghiu tsala pano likhi panoqo shikimthevelo pilo. Panonguye panoqo phimini ishiveno

IPEKULU 19:6

ilau likhi ikhiphe tsuvekemi eno nonguye achinemi shi iqelu nani.”

IPEKULU 20:2

“Niye AMPEU nongu Lhou ke, Ijip yeghilo nonguno aquaxemi shi achekeu lono ino nongu saipeghike.

IPEKULU 22:30

Nowu amshi ngo bheri piti tughiu atsuye itsulo. Atsu piti tughiu pelo paza gholo atsala tsuni apelo eno akutacheu tsalalo tipau ilau millavelo.

IPEKULU 22:31

“Nonguye iwu timiqoke, ikehu nonguye khetsushi shi khilemu chukevilo; tishinike zuqhulo tiye atsuqo tsuvelo.”

IPEKULU 23:25

Nonguno nongu Lhou, AMPEU mlla aye ino achuqupu ngo azu pesu nongu kumghatsuni eno nowu kusukini kumtsu ikhisuwuve tsu nani.

IPEKULU 6:7

Ino nongu pesu iwu timi shini eno niye nongu Lhou shini. Ijip lo nonguno aqemi shi akeulo kughono ino nongu kuqho pheveni keno tileno niye nongu Lhou AMPEU kepi nonguno ithi nani.

ISAIAH 43:3

Kughengu niye AMPEU oLhou ke, Israil Lhou akimtheu, oxakuluu huke. Niye okhaqhiphe nike Ijip pheve nani; Niye Sudan ngo Seba pheve nani.

ISAIAH 51:15

“Niye nongu Lhou AMPEU ke; Ino azughi xuputhoke eno tipau zufukukuchono igha cheni. Ijeye Aqokitikhi MPEU ke!

ACHINE 10:3

Tile Muse no Aron vilo pi, “‘Khunoqono iqecheni keno panoqoye ikimthe sumsa masake; ino ikimthe jukuvu iwu timiqo lau pephepiye nani’ ipi AMPEU no pikeu hu paye hipatsa vehu piakena!” Ikemu Aron ye inaqhoi auve.

ACHINE 11:43

Hipaqo lakhimu chupuzu nolikhi nongu kitiqe kevilo.

ACHINE 18:2

Israilmi vilo pipenike ishi pi, “Niye nongu MPEU Alhou ke.

ACHINE 19:10

Nongu tsayilulo atsayithi kachesu wuvekeu xolunike momu atsayithi ikiqivekeu kichelunike athiu idewo kevilo; tipaqoye kumlhomi ngo inaghami ghenguno qhitsulo. Niye nongu Lhou AMPEU ke.

ACHINE 19:2

Israilmi aqo aho vilo pipenike pi, “Akimthe shilo kughengu ni, nongu Lhou AMPEU ye akimthe.

ACHINE 19:3

Nonguye ino ahza tsuvekeu toi pututa puaza sumsa masake eno Sabat pine pelumasake. Niye nongu Lhou AMPEU ke.

ACHINE 19:4

“Iqhive puzu ajulho mlla kevilo; ayi pesu alhou julho shipuzu tipaqo mllakevilo. Niye nongu Lhou AMPEU ke.

ACHINE 20:26

Nonguye akimthe shilo eno iwu likhi shilo kughengu niye AMPEU ke eno niye akimtheke. Ino ashiayeh kutamiqo launo nongu kutashi qhi puanike tishianguno nonguye iwu likhi shiche peniyeke.

ACHINE 20:7

Nonguye akimthe shi achelo kughengu niye nongu Lhou AMPEU ke.

ACHINE 21:8

Timiqono achinemiye akimthe kepi kumsuluvelo, kughengu pano achuqupu kumllagho ilau sughi chenike, Niye AMPEU ke; niye akimtheke eno ino iwu timiqo akimthe shitsu chenike.

AMUS 3:3

Pulokilemo keloye timi mikiniye kumtsa chesu wuluni kesha?

AKIKIHI 15:40

Aye photsu huno izahkutsu kumtsu pelupenike nongu loputsu tsu nani eno nonguye qhoi iwu shive nani.

MATTHEW 5:48

Nongu paPuh kungughalo akeuye thwokhalo viwotolue, tighenguno nongu ghi viwotolu masae.”

ZAKINIU 14:2

Nonguye AMPEU nongu Lhou wu timiqoke; ayeghilo timi xuakemi gholono pawu timi shipenike pano nongu kisheluke.

1 Thes. 4:7

Kughengu Alhou ye mithekumolo xupenike ningu kuluke kumoe ikemu akimthepulo xupeniyeke.

JOSHUA 24:19

Joshua no timiqo vilo pi, “Ikemu nonguye AMPEU qelumo nani keni. Paye akimthe Lhou lakhike eno akipimi qhitsumo nanike. Paye pa ghumi lau kutuumo nani,

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

Piyeküsü 22:11

Khunono alhoksa keno tishi alhoksa shilo, eno khunono mithekumo xine keno tishi mithekumo xine shiapelo; khunono akivi keno akivipu shiapelo, eno khunono akimthe keno tishi akimthe shiapelo”

SAMUEL ATUGHIU 2:2

‘Khunomu AMPEU toi akimthe kuhae; khumu pa toikeu kuhae, ningu Lhou toi sushokuluu kuhae.’

SAMUEL ATUGHIU 6:20

Tighenguno Bet Shemes lo kuami no pi, “Khuno AMPEU, hi akimthe Lhou zulo puthugho kulupu kya? Ningu launo putosu apenike ghenguno khilau puwuve kepu kya?”