ACHINE 1:13 - BAIBEL (BSI)

¹³ Timi huno kighinoli ngo aluko qhuvemasa eno heqhi mllakeu tipau achineuno pesu AMPEU tsulo eno tipau leqhi kumtsu akiptia lono pitilo. Achuqupu kumllagho hipauye AMPEU lopu shi cheni.

Sumi Naga CL (Re-edited) Bible (BSI)

¹³ ikemu kighinoli eno apukhuqo ye pa no azü lono qhuveni. Tishino achineu no tipaqo kuchopu ikhipe pitiveni; Ampeu lopu mülüi keu xo hino akipti kümllagho ke.”

ACHINE 1:13 Mawu Ofanana

BOTHUBO 8:21

Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae.

YEKIKITHI AKINIU 4:6

Pano tipa phivilo chithakhu chighi mla, punguno ajeu eno punguno piyiu qhi. Kughengu tileno ghikiqhi pitikumllaqo qhunike ghengunoke ikemu ti azu azukikhe akijeulo akeuye achinemi pelo kuchhu peniyeke.

EZEKEL 40:38

Akikhala khalaulo khagho laghi alou sasu kime ghi abo lakhi ahuu kudau ae. Tipauye akikhala kudau sholukeu chebolo ipeghi ake eno tilehino panonguno lhoxu akuchopu pitinikeu kumo qhucheke.

ACHINE 1:9

Timi huno kighinoli ngo aluko qhuvemasa eno peitha akeu achineuno heqhi mllakeu kuchopu akiptia lono pitilo. Achuqupu kumllagho xo hipauye AMPEU lopu shi cheni.

ACHINE 2:11

Nonguno AMPEU lau athi jeli pesu akumllagho shikeu kiu kiulo pinamu kholaqhi sukeuno shikepu kumoe; achuqupu pesu AMPEU mllakeulo nonguye khilemu kholaqhi momu akhingozu peitha kepu kumoe.

ACHINE 2:2

Aron laghami achineu lau sughilo. Peitha keu achineuno asho mukhu ngo teli au kie lakhi eno tsungquikeu zu kumtsu pewo akiptia shouno pitilo tiye kumsumamo keu michi lakhi shi kumtsu pesu AMPEU mllavekeu kumlho shinia ke. Achuqupu kumllagho xo hipauye AMPEU lopu shicheni.

ACHINE 3:5

Achinemi no hipaqo kumtsu pesu akiptialo piti kumllagho gholono pitilo. Achuqupu kumllagho xo hipauye AMPEU lopu shicheni.

ACHINE 4:31

Tipathiu pano tipau tha kumtsu ikhiluvelo, tiye kuposhukulu kumllagho ghenguno lhoxu heqhikeu lono atha ikhilu keu toi shilo eno pano tipau pesu akiptia lono pitilo tishianguno tipau xono AMPEU lopushipenike. Hipa ghola lono achineuno timi tipau xine ghenguno agha shikeu pesu mllalo eno timi tipau xineye peivetsu nanike.

ACHINE 6:14

Athi kumllagho yezahye hipaqoke. Aron laghami achineuno athi kumllagho pesu akiptia gizu lono AMPEU lau qhitsu lo.

AKIKIHI 15:3

Amshitsu lakhi, bheritsu lakhi, bheri lakhi momu ane lakhi pesu AMPEU lau tsuluvi, tiye hitoikeu kumllagho shi tsuluvi, piti mllakeu gho momu ashoqhi shikupu keu ghakishi momu puloniqhiyi keu kumllagho momu thosulo nongu chine kishilo tsu chekeu ghoshighi tsuluvike; achuqupu kumllagho hipaqo xo kutsunguye AMPEU lau alokivipu shilu chenike.

AKIKIHI 15:4

Khuu khumu bheri lakhi momu ane lakhi pesu AMPEU lau akiptigho shi tsuni keno paye lhoxu lakhikhi gholo asho kukubo kilogram lakhi pesu oliv teli liter lakhilo kununo atsaiji liter lakhi gholono athi kumllagho shi sughilo.

AKIKIHI 28:11

Aqhi bothulo AMPEU lau akiptigho lakhi tsulo: amshitsu alhothe kini, bheriti atsu ampe lakhikhi shive keu tsuni, hipaqo kumtsu tukutiye kuhakeu shipelo.

AKIKIHI 28:8

Avelau ghi inaqheno mllake ghola lono bheriti akiniupe mllalo, tipau gholo ghi atsaiji kumllagho sukuqhalo. Highi achuqupu kumllagho lakhi, AMPEU lopu shichekeu xo lakhike.

ZAKINIU 12:27

Aghashi keu AMPEU akiptia lono qhoi piti kepu shi akeu pesu tilauno mllalo. Itaghi aghashi keu khipaqo nonguno ashi chu eno akiptialo ahji peleqhi cheni keno tilauno pesu mllalo.