2 Tim. 4:8 - BAIBEL (BSI)

⁸ Hinguno hilauye ighenguno tokulu saxu amikucho kutsukuqho ani, tiye achipi lono xathakutsuu Ampeu no tipa Tsala lono itsunikeushi anike, eno ilikhi kumoe ikemu pa ikighi kimiye chekeqo ghi tipau tsu nanike.

Sümi Tiqhelimi Bible

⁸ Itehi I ghenguno achipiumikucho kütsükuqho khikhi qhipüani keno achipiu Xaküthau Ampeu no tipau tsalà lono qesaxu I tsü nani. Eno I likhi kumo ikemu pa ikighi khekulhoshi akemiqo ghí kümtsü tsü nani.

Sumi Naga CL (Re-edited) Bible (BSI)

⁸ Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

2 Tim. 4:8 Mawu Ofanana

BOTHUBO 18:25

Tikithipu shinikeu tiye olauno putosu ape kepue: amikuchomi pesu alhoksami paphi shikeuye olauno putosu apekepue. Ayeghi kumtsu shou kughakuthauye achipiu shimoni kesha?”

LESHELE 31:19

Osumsa chekemi ghenguno thime kivi nono kikepuakeu huye kiutoi akumzapu kya? Opelo susholupekemi ghenguye nono akivipu shitsukeu timiqo gizulo ithulupe cheni.

LESHELE 7:11

Alhou ye achipiu lono kughatha chekeu, alhokupujulo alhoksa shou axuidechekeu Lhou ke.

AHOLE 4:9

Lino akutsu kuqho kivi shitsu nani.

MALAKI 3:17

“Panonguye iwu timiqo shi nani,” ipi Aqokitikhi MPEU no pike. “Ino shiniye kuto akeu shike tsalalo panonguye iwu shive nani. Niye panoqo shou imlo ighiqhiyi nani, tiye anu lakhino papuh qechekeulo apuhno pa kimiyeqhiyi keu toi nani.

MATTHEW 24:36

“Ikemu tipa tsala eno tipa tuqhudoye khunomu mthae, kungumi thotsu mthae, anu ghi mthae, ikemu Apuh likhino ithi anie.

MATTHEW 7:22

Kughou tipa Tsala ighini keno timi kutomono ivilo ishi pinani, ‘Ampeu! Ampeu! ninguye oje lono Alhou no pilo pikeu piche, oje lono tughami kutomo hapheche eno oje lono akumzapu kumla kutomo shicheke kumokesha!’

Luke 10:12

Ino nongu vilo piani, atsakukugha tsalalo tipau phughi nguno Sodom noghami lau Alhou no kimiyeqhiyi keu alau piye nani.

Rommi 2:5

Ikemu noye amlo kumka likhi thono amlo-ighikeu kuhae.Ike Alhou ghakighide eno Pano achipi lono kughatsukeu pephepiye nike tsalalo noye olikhi oghengu aghime kitikhi ithulu kepu pekike auvae.

Rommi 8:23

Eno lhoqhipuakeu yeghiqha likhi kumono, ningu khunoqono Alhou no kumsagho amsu shi tsukeu Ghungu ani keno Alhou no ningu pesu chikamujolukeu nuliqo shipenike kheakelo ni-mpi kuchopu xachilelupe nike nilolo sukuchokiyi su acheni.

1 Kor. 2:9

Ikemu kuchoyesulo ishi yepuani, “Timi khunomu ithumla aphikeu, momu chimla aphikeu thime, momu timi mlolo kumsuphemla aphikeu thime, khunoqono Alhou kimiyecheni keno tipanoqo ghenguno Alhou no kutope puani.”

1 Kor. 3:13

Timi lakhikhi kumla asachu kemokeno piyeni aphi, tiye Khristo ipeghikeu Tsalanino tipau pephepiye nani, kughengu tipa Tsalaniye ami gholono ipeghi nani eno milakhi khino kiutoikeu kumla mla puaghi nikeno asachu kemokeno amino ghu puzu kimchitsu nani.

1 Kor. 9:25

Pepushumo nikeu kutsukuqho ithulu nike thotsu kuxukelo ilokemi lakhi khino thwokhalo alikhi ampi kusuqhiluve cheni aye ninguno tishi shiakeuye shipusamlakeu saxu ithulu niyeke.

2 Kor. 5:2

Eno kungughalo nikungoki akeulo avenishi kelauno itehi ninguye amlo ghuju ghugha shi acheni;

FILIPIAMI 3:11

tishino ino laju akeuye akithi lono ixuputhutsu peniyeke.

Kolosiami 1:5

tiye laju apenike ghenguno kungughalo kikepesu anike. Hipau lajupuye atsakiviu sutsa kuchou nongu lau ighi tughi lono nonguno chiluvae.

1 Thes. 1:10

itehiye pa Nu kungugha lono ighikeu nonguno huqhekheani, pa Nu Jisu khuu akithi lono xuputhuve eno pano Alhou loghu ighiniye akeu lono ningu xapheluke.

1 Thes. 5:4

Ikemu athikuzumiqo nonguye akuzulo amoe eno Atsala huye kupukami toi nongu kichiqhi ighi pekepu kumoe.

2 Thes. 2:8

Tileno Alhoksau hu pephe ipeghi nani, ikemu Ampeu Jisu no akimthejukuvu lono pephe ipeghi kelo atuthu kisheno Alhoksau hu pithive nani eno kutsapiniyive nani.

1 Tim. 6:19

Hitoi shikeu lono panonguno pano sala pekutsu pesu akini khuki pualu nani eno tipauno ighinikeu tsala ghenguno aboqha kumto shilu nani, eno khipauno kuchou kuxu keno tipau kuxu tsuqulu nani.

2 Tim. 1:10

ikemu niXakuluu Khristo Jisu ipeghikeu vechewo itehiye ningu lau tipau pephepiyevae. Kughengu Khristo no akithi kuka kishekhave tsuke eno Atsakiviu vechewo akuxupu eno tsu-mavemla keu kuvu sughitsuke.

2 Tim. 1:12

eno highenguno hishi aghime shianie. Ikemu niye kujo-mza chemoe, kughengu ino khuu pulube chenikeno ino ithi ani, eno ino pulu akeuno Atsala hu tomoke kutolo pano ilau kiu pichebe puanikeno tipau paye khe kulupu shi ananike.

2 Tim. 1:18

Tipa tsalani pa pelo kikimiye ithulu penike Ampeu no kumghatsu apeniu! Efesia lo akelo pano ighenguno akumla kivi mlakeu hu noye akivi shi ithianie.

2 Tim. 2:5

Pokuxu kelo ilokemi lakhiye ayeh papelumo aye asaxu qemlae.

2 Tim. 4:1

Alhou eno kuxumi ngo kithimi shou Kughakuthau Khristo Jisu zulono eno Khristo pephepiye nikeu ngo pa kukaqha ghenguno ino tsaquyi ohakite anike:

Titus 2:13

tiye nilokivipu Tsala, niLhou akijeu eno Xakuluu Jisu Khristo no akimthejukuvu lono ipeghi nike kutolo laju ghi kheakeuke.

IBRIMI 12:11

Sakiyi qoputhu akeu tuqhudoloye khilemu aloviqhiyi chemoe ikemu aghimepu shi cheni. Tishiepimu khunoqomi aghimeshi puzu sakiyi qoputhuluve nikeno tipaqoye iquighayi keu mikucho lothi pithilu cheni.

IBRIMI 9:28

Tihutoi Khristo ghi timi kutomo xine puluvetsu nike ghuthu khavino pa likhi pa ikhiphetsuve. Paye ghuthu akiniu ipeghi nani, tiye axine ikhive tsunike ghenguno kumoe ikemu pa huqhekhe aghikemiqo xaluniyeke.

James 1:12

Ghujukelo puqhekulumi lokivipue; kughengu pa pejukeulo puthugholu kemiye Alhou no khunono pa kimiye chenikeno tipano tsuniepi puakeu kuxu saxu pa tsu nani.

1 Peter 1:4

eno puhavemla keu, shipusamla keu, thibuyimo keu mheghi nongu ghenguno kungughalo qhipuanike.

1 Peter 5:4

Kughou Akheu atou ipeghini keno nonguye khilemu ajuidimokeu ajekipipu kutsukuqho ithulu nani.

Piyeküsü 1:7

Julo, paye khungkusu shouno cheni. Timi kumtsuno pa ithulu nani, pa qhuqhi pithikemi ghi; eno ayeghilo timi jeli akemi kumtsuno pa shou amlo ghime shi nani. Tishi peniu! Amen.

Piyeküsü 19:11

Tileno kungugha khaqhikeu ino ithulu eno tilehi khurshi akimiye lakhi ae. Tipau shou iku puzu chekeu pesu Pukhukulu eno Kuchou ipi kutsue; pano achipiu xakutha pesu kughatha eno aghu shiche.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.

Piyeküsü 22:20

Hipau kumtsulo khuno pa shepe tsuani keno pano piani “Mutsuqheyino tishike! Niye itheno cheni!” Tishilo,Ighilo, Ampeu Jisu!

Piyeküsü 4:10

muchomi mukubidi huno ti akuka lakhulo iqa akeu, alhokupujulo xuachekeu zulo itsaiqi puzu pa mllae. Panonguno alepheghi akuka lakhu zulo panoqo kutsukuqho lhaqhino ishipi,

Piyeküsü 4:4

Alakhu kutau muku bidino akuka lakhu veho pesu ae eno tipaqo shou muchomi muku bidino aphi kimiye pepu eno shunayino shikeu kutsukuqho pepuno alakhu tipaqo shou iqa ae.