2 Tim. 4:5 - BAIBEL (BSI)

⁵ Ikemu nouye pulhapuju tsaqutsaleyilo, ghichheghime puqhelulo, tsavipemi kumla shilo eno Alhou qemi kumlapu shikupululo.

Sümi Tiqhelimi Bible

⁵ Ikemu Timothio, no ye atüqhüdo kümtsü lo tsükhutsüvai shilo, aghime lo kutuu lo, tsavipemi lakhi kümlà shi alo, eno O kümlapù pichetsüpüa keu kümtsü shi alo.

Sumi Naga CL (Re-edited) Bible (BSI)

⁵ Ikemu nou ye alhokuthu lo tsaqütsalei lo, aghime puqhelo, tsavipemi kümla shilo, eno Alhou qemi kümlapu shikupu lo.

2 Tim. 4:5 Mawu Ofanana

ISAIAH 62:6

Jerusalem, oliwolo ino aghukhemi qhipuani; panonguye putho pucho khilemu inaqhoi kepu kumoe. Panonguye AMPEU vilo pano piqhi puakeqo pesu pikichichi akepu eno pa pelo khilemu panoqo kumsumavepe kevilo.

JEREMIYA 6:17

Tileno, AMPEU no aghukheu kutope qhi eno afuko lono kutughu keu inipeniyeke. Ikemu panonguno pi, “Ninguye tipau inimoe.”

EZEKEL 3:17

Pano pi, “Thinikuau timio, Israil shiayeh ghenguno ino opelo aghukhemi lakhi shianipeke. Ino kutughukeu tsa otsukeu pesu noye panoqo lau pivetsulo.

EZEKEL 33:2

“Thinikuau timio, ino ayeghi lakhilo aghukishi sughi aye kishive cheni keno nowu timiqo vilo pilo. Tipau ghakhumino pano timi lakhi kishe pesu aghukhemi shicheni peke.

EZEKEL 33:7

“Ikehu thinikuau timi, ino opelo Israil shiayeh ghenguno aghukhemi lakhi shipeni cheni. Noye panoqo vilo ino kutughukeu pesu otsukeu pewo tsulo.

MATTHEW 25:16

Aqemi khipauno ghuka 5000 ithulu keno mtazu wupuzu tipaqo pesu kimije, eno ghuka 5000 no alaushi kimijeluve.

Mark 13:34

Hiye timi lakhino aki qhiveno izuwuveniye akelo toike. Pa qemi pelo pututa shelo pututa kumla jukutsupe eno ahukikha kheu vilo jukutokhealo pi ahza tsukeu paphi.

Mark 13:37

Ino nongu vilo kiu piani keno kutami kumtsu vilo ghi pi ani, jukuto khe alo!”

Luke 12:37

Aqemi khunoqono ampiuno ighikelo zuida ithu tsukhuyi aghikemiqo kumghae. Ino nongu vilo pini, ampiuno chighiche khapu puzu pano panongu kughuqano panongu loji nani.

Apostolmi 21:8

Tishiwo thoghiuye ninguno cheve puzu Kaisaria lo ighi, tilehi ninguno Filip atsakiviu pikulha chekeu kilo wuno pa gholo ngoe. Paye Jerusalem lo mitsuni kishelukeqo gholo lakhike.

Rommi 15:19

Tishikehu Jerusalem lono homuxa susu Ilurikiam qha hokumxa kutolo, niye Khristo tsakiviu pesu hipaqha kuchopulo kutughuvae.

Ephesiami 4:11

Pano kumsagho tsukeuye khamino apostolmi, khamino Tungkupmi, khamino tsavipemi khamino Pastormi, khamino Shikukami shipeniyeke.

Ephesiami 4:12

Tishikeu lono Khristo phimpi shiqhe apeniye Alhou no akumlami sukusu shipe qhitsuke.

Kolosiami 1:25

Nongu kivipu ghenguno Alhou launo ighikeu kumlapu saje hipau shipeniye Alhou no ipelo akukuhou peithakutsumi lakhi shipeke. Hiye Alhou tsa pithikuthu tsupeniyeke,

Kolosiami 4:17

Eno Arkhipa vilo ishi pitsulo: “Khristomi kumlapu saje otsupe puakeu shikhavetsu masakepi ithilo”

1 Thes. 5:6

Tishiaye kutami toi ninguye zuakepu kumoe, ninguye tsukhutsuvayi eno tsaqutsaleyi akepue.

1 Tim. 4:12

Timi khuu pelomu noye lhothemi kepi ojukunatha pekevilo, ikemu atsapilo, ghushoghililo, kikimiye piyekeulo, akupululo eno mutsumishei keu kuxulo xulo.

1 Tim. 4:15

Akumlapu saje hipaqo shijualo eno hipaqolo okuxu kumtsu tsulo, tishianguno kumtsu pelo noye kiutoi thuwulu anikeno ithulupelo.

2 Tim. 1:8

Tishiaye, niMpeu shepe shinikeu ghenguno kujo-mza kevilo momu pa ghenguno ino akughushia keu jupesu kujo-mza kevilo. Ikemu Atsakiviu ghenguno aghime shikeulo Alhou kuka kumto lono osaje lulo.

2 Tim. 2:10

eno Alhou wu kishekiphemiqo ghenguno niye thwokha puqheluvetsu anie, tishianguno panongu ghi Khristo Jisu launo akimthe jekipino xakulupushi akeu ithulupeniyeke.

2 Tim. 2:3

Khristo Jisu ghushimi kivi lakhi toi noye aghime kusaje lulo.

2 Tim. 4:17

Ikemu Ampeu no igholo ake eno Alhou tsape hu pesu Judakumomi kumtsu vilo chixechileyi pikulhalu kepushi ishikumto tsuke; ikehu abongushu baxa lono ixapheluveke.

IBRIMI 13:17

Nongu sakiphemi gholulo eno panoqono pikeu qhoqhulo. Panongu kumla Alhou lau kihikulayi tsu nani kehu panonguye tamo puzu nongu kuxu jukutotsu achenike. Ikehu panongu pelo amlo saqhiyimono aloviqhiyi pano kumla shipelo, kughengu tishimoaye nongu vehupu kiumu shimlave nani.

1 Peter 1:13

Tighenguno nongu kukumsu kutokugho shilulo, tsukhuyilo, nongu wu lajupuye akuchopu Jisu Khristo pephepiye kelo Alhou kukumgha nongu lau tsuniye akeu shou belo.

Piyeküsü 3:2

Idathuvelo, eno noye kiu pe anikeno tipau qhoyi thimphi lono shikumtolulo, kughengu iLhou zulo niye okumla shiwotolupe aghikeu ithumlae.