2 Tim. 4:3 - BAIBEL (BSI)

³ Kughengu timino kuchou kukutsu lumonike ghuloki ighi nani, ikemu muthomuzayi keu kini xapu panongu gho-apulou shipenishi kelauno panonguno ininishi akeu likhi pitsupenikemi akukutsumi sawo qhi nani.

Sümi Tiqhelimi Bible

³ Kughengu timiqo no akǜlü kuchou papemoveni keu do ighi nani. Tishini ke züqhulo, panongu no pano likhi pano ghapiqilu nikeu eno panongu kìní muthomüzai akeu no chilu nishi keu gholau no pipe nike ghenguno kükütsümi kutomo panongu sühomxa pe qhi nani.

Sumi Naga CL (Re-edited) Bible (BSI)

³ Kughengu timi no kuchou shiküka lumoni keu ghuloki cheni, ikemu mthomzai keu kini xapu panongu gho-apulou shipenishi kelauno panongu no ini nishi akeu likhi pipeni kemi shikükami sawo qhinani,

2 Tim. 4:3 Mawu Ofanana

KUKAMI ATUGHIU 18:22

Tishino Elija no pi, “AMPEU wu tungkupumi ilikhivae, ikemu Baal tungkupumiye 450 kutolo aphie.

KUKAMI ATUGHIU 22:18

Ahab no Jehosafat vilo pi, “Paye khilemu ighenguno akivi tsa piqhi mphie pi ino ovilo pikekumo shea? Alhokuthu alhoksa likhi pichenike!”

KUKAMI ATUGHIU 22:8

Ahab no khochile, “Milakhi aphie, tiye Imla nu Mikaiya aphie. Ikemu niye paju ilochemoe, kughengu paye khilemu ighenguno akivi tungkuptsa pitsu moe; ikemu alhokuthu alhoksa likhi picheni.” “Noye khilemu tishi pikepu kumoe!” pi Jehosafat no pa khochile.

IPEKULU 32:33

Tileno AMPEU no khochile pi, “Khunoqono ishou axine shikeno tipaqo jeye iwu kaku lono ino ikhive nani.

ISAIAH 28:12

Pano alokughuno eno akulho kiqhipu pesu nongu kumtsu lau tsuke ikemu nonguno pa gholuni keu milive ani.

ISAIAH 30:10

Panonguno tungkupumi vilo inaqhoivelo ipicheni. Panonguno ishi pi, “Nivilo khuno achipiu keno pikevilo nino kiu ininishi keno tipau nivilo pilo. Nipelo kuma kuma akepushi pitsulo.

JEREMIYA 18:18

Tileno timiqono pi, “Jeremiya shou kiuala shiveni nolo! Achinemino pulhapuju ayezah nikutsu nani, alokutsumino kumsukulu nitsu nani eno tungkupmino Alhou tsape pesu asheshu nanike. Ningu pa ghekucho keu tsa pi pukuni nolo eno pano kiu pinikeno lakhimu initsumoni nolo.”

JEREMIYA 27:9

Nowu tungkupumiqo pina momu khuu khumu pano asamouno momu kithimi ghungu kusaghikeu lono momu kuduu lono ighinikeu ghili ashe-azu shi pitsulu nani kepi picheni keno tipaqo tsa ini kevilo. Panongu kumtsuno nongu vilo Babilon kukau qholo ngo kevilo pichenike.

JEREMIYA 29:8

Ni, AMPEU, Israil Lhou no nongu lau kutughuveake nonguye tungkupmi nongu gholo akeqo momu kutami khuu khumu panonguno ighinikeu vehu ashe-azu tsa pilu cheni kepi pichekemiqo pelo nongu pishiqhivepe kevilo. Panonguno asamo pumokeulo amlo tsukevilo.

JEREMIYA 5:31

tungkupumino akimki likhi thono kiumu pi moe; achinemino tungkupumino ahza tsukeu lono ayehpeke; eno iwu timiqono tipaulo kiumu mopikeu kuhae. Ikemu kughono tipaqo kumtsu kuhaveni keno panonguye kishi nani kya? “

MICAH 2:11

“Timi hipaqoye tungkupmi khunoqono akimki ngo pishikiqhino chhitoi xapusu iqho iqi cheni keno tikithipu lunishi cheni. Tungkupuuno ishi picheni, ‘Ino tungkuptsa pitsu anike atsayiji eno akuptsu tsayi jino nongu ghengu qole qolei nani.’ ”

Luke 20:19

Ayezah kutsuchekemi eno achinetomi qono tipa-a lono Jisu kughalu nike pukaputsa, kughengu pano aholetsa hipau pikeuye panongu shou pikepi panonguno ithive, ikemu panonguye timiqo msave.

Luke 6:26

“Kughou timiqono nonguye aloe ipini keno nongu ghenguno ahasapue. Panongu puasuqo ghi tipaphi shi kichile tungkupmiqo vilo picheke.”

John 8:45

Ikemu ino kuchou hu picheni, tishikehu nonguye ipulumoe.

Apostolmi 17:21

Kughengu Athen lo achekemi eno kicheghuzumi tile kughuna achekemi kumtsuno kutau kiumu shimo puzu kiuala akithe sutsa lhenikeu eno ininikeu lono panongu do puwo ache.

1 Kor. 2:1

Athikuzumiqo, kughou ino nongu lau ighikeno, niye atsa pikithi momu asuqe kighithi lono Alhou wu mzamughaleyi keu kuchou pikulha ighike kumoe.

1 Kor. 2:4

eno itsapi ngo ino asheshukeulo zukide kudakeu tsa eno timi suqekighithi peithamoe, ikemu Alhou Ghungu kuka shipe piyekeu ino peithake.

Galatiami 4:16

Ike itehiye ino nongu vilo kuchou tsa pike ghenguno nongu ghumi shiveape kesha?

1 Tim. 1:10

salha-shupukemi, kiptimino kiptimi sasu kughupakemi, timi kughasawo jekemi, akimkimi, akimki shepe shikemi momu kuchou kukutsu nguno bidelau kiukiumu shikeu ghenguno ayezah mlape puacheni,

2 Tim. 1:13

Nono ilauno chilupua keu kuchou tsa ghola hu papechelo, eno Khristo Jisu gholo akupulu eno kikimiye akeulo xuachelo.

Jude 1:18

Panonguno nongu vilo pikeuno, “Ashekha tsalaloye nongu jukunathakemi ipeghi nani, panonguye Alhou sumokeu ngosukumla kuxu papewuve nani.”