2 Tim. 4:1 - BAIBEL (BSI)

¹ Alhou eno kuxumi ngo kithimi shou Kughakuthau Khristo Jisu zulono eno Khristo pephepiye nikeu ngo pa kukaqha ghenguno ino tsaquyi ohakite anike:

Sümi Tiqhelimi Bible

¹ Küxümi eno kithimi shou küghathabe niye akeu Lhou eno Khristo Jisü khuu ipeghi niye ani eno pa kükaphu ghenguno I no hipau O pichetsü ani:

Sumi Naga CL (Re-edited) Bible (BSI)

¹ Alhou eno Khristo Jisü khuu no küxümi ngo kithimi shou küghaküthau shinani keno, pama zülono eno Khristo pephe piye keu ngo pa kükaqha zülono, I no o hakite ani:

2 Tim. 4:1 Mawu Ofanana

LESHELE 50:6

Kungughano Alhou ye amikucho kepi asheshu, kughengu pa ampino kughakuthauke!

LESHELE 96:13

tiye kughou AMPEU no ayeghi shou ayehpenike ighini keno. Pano achipiu xakutha ngo aghibiu lono ayeghilo timiqo shou ayehpe nani.

LESHELE 98:9

kughengu pano ayeghi shou ayehpenike cheni. Pano achipiu xakutha eno aghibiu lono ayeghilomi shou ayehpe nani.

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

Luke 19:12

Ike pano pi; “Ajekipishi xuchekemi lakhi no akukau shikepu kuka lunike ayeghi kushuwalo wupuzu ideghi nikeu shiae.

Luke 19:15

“Ajekipishi xuchekemi hu akukau shiluveno ideighi. Pa qemi khipaqo lau shuna muqo tsupuakeno tipaqo khije jehi ala kimjelu akeno ithini kehu mtazu pa zulo ighilo pi ahza tsu.

Luke 23:42

Pano Jisu vilo pi: “Jisu, kughono nono Akukau shi ighinikeno Ikumsululo!”

Apostolmi 10:42

Pano ningu vilo atsakiviu timiqo lau vekuphawolopi ahzatsu, paye kuxumi ngo kithimi shou kughakuthau shipeniye Alhou no kishelukeu hu pa kepi ashepe shilo pie.

Apostolmi 17:31

Kughengu Alhou no timi lakhi kishelu puakeu vechewo ayeghiqha shou amikucho lono kughatha nikeu shi atsala lakhi kihithape puavae.Hi shi nani putsae pikeu pulu penike timi kumtsu lau pano tsuakeu shi-ghi timi tipau hu akithi lono xuputhuvae!

Rommi 2:16

Ino pikulha chekeu tsakiviu kiqiloye, kughou Alhou no Jisu Khristo vechewo timi mlolo tuqhou kukumsu kumtsu shou kughathanikeu tsalalo, hitoi shi nani.

Kolosiami 3:4

Nongu kuxu kuchouye Khristo ke, eno kughou pano ipeghini keno tileno nongu ghi pa gholo ipeghi nani eno pa kimthe jukuvupu kusaje nani!

2 Thes. 2:8

Tileno Alhoksau hu pephe ipeghi nani, ikemu Ampeu Jisu no akimthejukuvu lono pephe ipeghi kelo atuthu kisheno Alhoksau hu pithive nani eno kutsapiniyive nani.

1 Tim. 5:21

Alhou zulono eno Khristo Jisu zulono eno kungumi kishe kipheqo zulono opelo akukutsu tsa hipaqo pape penike ino ohakite ani. Khilemu kumsukutoju mono kughathabe kevilo eno agi jumono shilo.

2 Tim. 1:10

ikemu niXakuluu Khristo Jisu ipeghikeu vechewo itehiye ningu lau tipau pephepiyevae. Kughengu Khristo no akithi kuka kishekhave tsuke eno Atsakiviu vechewo akuxupu eno tsu-mavemla keu kuvu sughitsuke.

2 Tim. 2:14

Nowu timiqo vilo hipau pesu piputolo, Alhou zulono panoqo vilo atsa kusuxa kevilopi tsaquyi kutughulo. Tiye akivipu kiumu shimlake ikemu iniakemi shipusa nikeu likhike.

2 Tim. 4:18

Ampeu no alhoksa jeli kumtsu launo ixaphelu nani eno paw kungugha kukaqhalo isasu ilo nani. Alhokupuju lono alhokupuju kutolo pa lau akimthejukuvupu shilo! Amen.

2 Tim. 4:8

Hinguno hilauye ighenguno tokulu saxu amikucho kutsukuqho ani, tiye achipi lono xathakutsuu Ampeu no tipa Tsala lono itsunikeushi anike, eno ilikhi kumoe ikemu pa ikighi kimiye chekeqo ghi tipau tsu nanike.

Titus 2:13

tiye nilokivipu Tsala, niLhou akijeu eno Xakuluu Jisu Khristo no akimthejukuvu lono ipeghi nike kutolo laju ghi kheakeuke.

1 Peter 1:7

Hitoikeulo akimji anike, tiye nongu kupulu pesu athicho kughulhotsu niyeke. Shunayi ghi shipusaluve cheni kemu ami lono pitiju cheni; tishiaye nongu kupuluye shunayi nguno amekushou kehu puqhelukepushi peju masae, tishianguno Jisu Khristo pephepiyeke Tsalalo nonguno shekiqhe, akimthe jukuvu eno agigihu ithulukepu shi nani.

1 Peter 4:5

Ikemu panonguye kuxumi eno kithimi shou kughatha niye kutope akeu Lhou lau kihikulayi tsu nanike.

1 Peter 5:4

Kughou Akheu atou ipeghini keno nonguye khilemu ajuidimokeu ajekipipu kutsukuqho ithulu nani.

2 Peter 1:11

Hitoi shikeu lono nongu pelo niMpeu eno ni Xakuluu Jisu Khristo wu alhokupuju yehkipelo ilokulupu kuka kumtsu pesu nongu tsu nanike.

2 Peter 1:17

Apu Alhou no agigihu eno akimthe jukuvu pa tsu eno Akimthe jukuvu sutsa pa lau piakelo ninguye tilehi ake, “Hiye iNu iqhuuke, niye pa lau ilokiqi shi acheni.”

1 John 2:28

Iye itianuliqo, pa gholo xukimepe achelo tishianguno kughou pano ipeghini keno ningu mlo kuloghipu shilupenike eno pano ighike Tsalalo ninguye kujo kelauno itshuwuvemo nani.

Piyeküsü 1:7

Julo, paye khungkusu shouno cheni. Timi kumtsuno pa ithulu nani, pa qhuqhi pithikemi ghi; eno ayeghilo timi jeli akemi kumtsuno pa shou amlo ghime shi nani. Tishi peniu! Amen.