2 Tim. 3:8 - BAIBEL (BSI)

⁸ Joana ngo Jambre pamano Muse mujochile ketoi timi hipaqo ghi kuchou mujochile chenie. Timi hipaqoye kusakugha kumsuchekemi eno akupululo chighi chilaikemike.

Sümi Tiqhelimi Bible

⁸ Jannes ngò Jambres pama no Moses lachile ketoi, kükütsümi hipaqo ghí kuchou lachile cheni. Panongu ye shipüsa keu kükümsü xapu chekemi timiqo eno Aküpülü vehu lo kiumu ameküha ke.

Sumi Naga CL (Re-edited) Bible (BSI)

⁸ Jannes ngo Jambres pama no Moses mjochile ketoi, timi hipaqo ghi kuchou mjochile cheni. Timi hipaqo ye amlo lo küsaküghami eno aküpülü lo kihisü mlave kemi ke.

2 Tim. 3:8 Mawu Ofanana

IPEKULU 7:11

Tileno akukauno pawu kighithimi ngo kuduumi kusaghi eno panonguno kuduu shipuzu tipaphi shiluve.

IPEKULU 7:22

Ikelo akukau kuduu miqoghi pano kuduu pesu tipaphi shiluve eno akukauye puzuu tho lono kuthovi auve. AMPEU no pive ketoi akukauye Muse ngo Aron tsa initsumoe.

IPEKULU 8:18

Kuduumiqo ghi pano wu kuduugha lono amthu kughulho phenike puka putsaju ikemu panonguye tomlave. Ikehu aqha kumtsulo amthu no kumzapu shive,

IPEKULU 8:7

Ikemu kuduumiqono kuduu peitha eno panongu ghi achuyiqo pelo ayeghilo ipeghipe ke.

Apostolmi 15:24

Hilau ningu gholo timi khamino wuno panonguno kiu pikeno tipauno nongu punaqhi eno nongu kutakihi aniepikeu ninguno chiluvae, ikemu panonguye tishikepu kiumu nivilo iniju puamoe.

Rommi 1:28

Timiqono Alhou kuchou ghili amlolo supunikeu miliveke ghenguno, pa ghi panongu pesu kusakugha kukumsulo suvetsu, panonguye shimo kepuqo shive cheni.

Rommi 16:18

Kughengu timi tishi chekemiqoye ningu Mpeu Khristo qe amoe, ikemu panongu kive likhi qe ani. Panonguno ghaghu tsa kuju pesu akukumsu ilaleikemiqo pishiqhi cheni.

Ephesiami 4:14

Tishianguno ninguye itimi toi izuichoi pemo eno pishikiqhimi kukutsu jelino ningu fusasu wuvepemo nani, timi hipaqono muqu mugha vesuno kutami ghi akumou lalo sawuve chenike.

1 Tim. 1:19

akupulu tsuqupe eno alokumsu akivi pupuzu aghukishi akivi shilupeniyeke. Timi khamino pano lolo alokumsu akeu pevekeu lono pano kupulu shipusavae.

1 Tim. 4:2

Akukutsu hipaqoye timi pishikiqhimi kimkimi vechewo ighi cheni eno timi tipaqo loloye kivikusa ithichekeu huye ayino pitikushughive keu toivae.

1 Tim. 6:5

akukumsu lhoksami eno kuchou kuhavekeqo launo kighekile anikeu sughi cheni. Panonguno kumsuchekeuye achineyeh luanguno kinikulu shilu nani kepi cheni.

2 Tim. 4:15

Noye pa launo kutokupuyiluve masae kughengu pano tsuyikhomo nitsa mujochile puanike.

Titus 1:10

Kughengu hekibidemi kutomo ani eno adoutsa pipesu kutami pishiqhi acheni, tiye akhotono Judami chineyeh lukemiqoke.

Titus 1:16

Panonguno Alhou ithiakeu tsa picheni, ikemu panongu kumla kughuthano tipau sasu kidimoe. Panonguye aphikumqhupu eno hekibidemike, eno akumla kivi kiumu shilukepu qhemi kumoe.

2 Peter 2:14

Panongu ye kusalhalimi shou likhi jupuku acheni, axine shinishi keulo khilemu aghaqivekeu kuhae. Panonguno tomo chhimokemiqo musuluve cheni. Panongu mloye aghukha shinikeulo qophe puani. Panonguye Alhou no musuinivekeulo ani!

1 John 2:18

Itianuliqo, ashekha tsala kupunuvae. Nongu vilo Khristo Kimthiu ighi nani kepi piche kehu itehiye Khristo Kimthimi kutomo ipeghivae, tighenguno ashekha tsala kupunuvea kepi nino ithie.

1 John 4:1

Kimiyechekemiqo, Aghungu aniepikeu jeli kumtsu pulube kevilo, ikemu tipaqoye Alhou launo ighikeo mokeno miqejulo. Kughengu kichile tungkupmi kutomo ayeghilo ipevae,

Piyeküsü 2:20

Ikemu niye oshou pikepu hi ani: Noye Jezebel atotiu lau kusuqhilukeu anike. Lino li likhi liye tungkupulimi kepi cheni, eno salhashupukeu ngo ajulho shisuno mllakeu chuqupu chupe nike lino shikapiye eno sakughuzuke.

Piyeküsü 2:6

Tishiepimu noye hipau ogholo aphie, noye Nikolaitmi no shichekeu mithi cheni, tipauye nighi mithi achenike.