2 Tim. 3:16 - BAIBEL (BSI)

¹⁶ Kughengu Kuchoyesu kumtsu Alhou no muzuphetsu keuke eno kuchou kutsupiyeni keu, akumou shiaghikelo alomipi nikeu, shipimikeulo shikithe nikeu eno achipishi xupenike akukutsu tsu nikeu, tipaqo kumtsulo peithakulupue,

Sümi Tiqhelimi Bible

¹⁶ Kuchoyesü kümtsü Alhou no müzüsütsü keu ke eno kütsü nikeu, alomipi nikeu, shikithe tsü nikeu eno achipiumikucho lo qophe nikeu ghenguno peithakulupu ke,

Sumi Naga CL (Re-edited) Bible (BSI)

¹⁶ Kuchoyesü kümtsü Alhou no müzüphe tsüe, ti ye kuchou shiküka lo, sakiyi keu lo, shikithekütsü lo eno amikucho qokiphe kümtsü lo peithalu nani,

2 Tim. 3:16 Mawu Ofanana

SAMUEL AKINIU 23:2

AMPEU ghunguno ivechewono pi ani; pa sutsaye imtsulo ani.

NEHEMIA 9:20

Nono akivi ke ghenguno panonguye kiu shikepu keno panongu vilo pitsuke; Nono mana pe panongu loji eno panongu pelo azu yelu peke.

LESHELE 119:11

Ohekibide xine shimonike ino otsa imlolo kusuluvae.

LESHELE 119:130

Okukutsu chixechileyi pikeu lono akuvu tsucheni, mthakemi lau alokutsu sughi cheni.

LESHELE 119:9

Lhothemi lakhiye pa kuxulo kishieno muqhamiqhiyi alu nani kya? Tiye nono ahza tsukeu gholukeu lonoke.

AHOLE 15:10

Nono achipikumou shi aye aghimepu otsu nani; oshikumzupe nikeu nono alepimo aye noye thive nani.

AHOLE 15:31

Kughono oshikumzukeno nono amlo tsuqhiyi shi aye noye alokutsumike.

AHOLE 6:23

Panoqo zahkutsuye yevuqai keu kuvu lakhike; panoqono shikithetsu keuye kishi xuamasa keno oshika nani.

MICAH 2:7

Israil lo akemiqoye musuinikeu lakhilo ani kepi noye kumsu ani kesha? Kuchouno paye tikithipu shini kesha? Khunoqono achipiu shicheni keno paye tipaqo kupuqhiyi putsa chemo kesha?”

ZEFANIA 3:2

Hiye AMPEU tsa ini tsumoe momu shikithe tsukeu ikhilutsumoe. Hiye AMPEU shou pukhukeu kuhae momu pa kukuphu mu khumoe.

MATTHEW 13:52

Ikelo pano panoqo vilo ishi pi: “Tighenguno Kungugha yehkipe qholo Ayetsa kukutsumi khije qopheluvekemi keno panoqoye aki pighichekemi lakhino pa bi-ale lono thime-kithe ngo thime-aqah ngo ishi khalau ikhiphekeu hutoike.”

MATTHEW 21:42

Jisu no panoqo vilo ishipi, “Nonguye kuchoyesulo hipau khilemu phimla kesha? ‘Aki kishimino atu khipau kideqhive keno, tipauno atsu-pukeu tuqu shive aghie, Hiye Ampeu no shivetsuke, eno tiye nizulo akichiqhipue!’ ”

MATTHEW 22:43

Tileno Jisu no ishi iniju, “Tishiaye, kushiye Alhou Ghungu no David kipekulhu puzu pa pelo ‘Ampeu’ ipipe kya? Kughengu David no ishipi.

MATTHEW 26:54

Tishiaye, kuchoyesulo hikithipushi shimasakepi pipuakeu huye kishi puzu shikupuluni kya?”

MATTHEW 26:56

Ikemu tungkupumino kuchoyesulo yepuakeu shikupu nike ghenguno hipaqo kumtsu shi ani.” Tileno akhopemi kumtsuno pa qhiveno pove.

Mark 12:24

Jisu no panoqo vilo pi, “Hi ghenguno nonguye kuqu achenike kumo kesha? Nonguye kuchoyesu mu mtha eno Alhou kuka mu mthae.

Mark 12:36

Aghungu Kimthe no David pelo pilupekeu vechewo pano ishi pipuanie. ‘Ampeu no iMpeu vilo pi, Ino oghumi pesu opukhu qholo qhitsumoke kutolo,i-u ajeu iqalo’

John 10:35

Alhou tsa khunoqo lau ighikeno tipaqo pesu alhouqo kepi ku-puani (eno kuchoyesulo pipuakeuye pevemlake.)

John 3:20

Khunono alhoksa kumla shi cheni keno akuvu mithi eno pa kumla lhoksa ithuluvenosa kelauno akuvu lau ighi chemoe.

Apostolmi 1:16

“Athikuzumi achelimiqo, Jisu kughakulumi la kichekipiyeu Judas huye Aghungu Kimthe no azuuno David vechewo pipuakeu kuchoyesu hu shikupu kepu shiveke.”

Apostolmi 18:25

Timi hipauye Ampeu laghilo akivishi shikaputhupe puakemi, eno paye Johan launo baptiz shilukeu likhi ithiakemu pano azukinishi Jisu ghili mutsumisheyi pesu pikulha eno kutsupiye cheke.

Apostolmi 20:20

Mishi gholomu luthu kilomu nongu kivipu kutsu piye kelo niye kiumu suchilevemoe.

Apostolmi 20:27

Kughengu Alhou kupughu kumtsu pesu nongu vilo pikulha nikeu lono suchilepe puamoe.

Apostolmi 28:25

Ikehu, panongu dolo kuqhamlano auve kehu, Paul no atsa nhekha lakhi pive kethiuye panonguye ixawove. Paul no hi pike, “Aghungu Kimthe no Isaya tungkupu vechewo nongu puasu vilo pikeu huye kiutoi kuchou kela!

Rommi 15:4

Tighenguno puzuu kuchoyesulo khijehi yepuani keno ningu shikapenike yepuani, tishianguno kuchoyesulo kheakulu eno shikumtokile akeu ningu tsukeu vechewo ningu pelo lajupu apeniyeke.

Rommi 2:20

mbomzumi shikithe tsuchekeu, itimiqo kukutsuu, eno Ayezah lo akighithi eno kuchou kumtsu ithi puaniepi picheni aye,

Rommi 3:2

Ala thwokha lono heshekulu ani. Atughiu no, Alhou no pa sutsa pesu Judamiqo lau pichetsue.

Rommi 4:23

Ikemu “Achipikaluve keu shi kihitsue” ipi ke tsa huye pa ghengu likhi kumoe,

1 Kor. 12:7

Aqokivipu ghenguno milakhikhi lau Aghungu akeu pephepiye lupenikeu tsu cheni.

Galatiami 3:8

Ike Alhou no Judakumomi pelo akupulu vechewo pa lau achipikalupe nani kepi kuchoyesuno azunatha ghi ithuluveke. Tighenguno kuchoyesuno azunatha ghi Abraham lau lokivipu sutsa ishi pikulhake: “Ovechewo Alhou no ayeghilo ashiayeh kumtsu kumghatsu nani.”

ZAKINIU 29:29

“AMPEU ningu Lhou no kusupe puakeu thime hami anike; ikemu paye pa yezah pephepiyevae eno ningu eno nipolo kughukomiqoye alhokupujulo tipau gholu masake.”

ZAKINIU 4:36

Pano nongu pelo kungughauno pa sutsa ighikeu chilupeke tishianguno pano nongu kutsupiye niyeke; eno ayeghi hilau nongu pelo pa mi-kimthe ithulupeke eno pano tipau lono nongu putsake.

2 Tim. 2:25

eno pa mujochekemi lau shikithetsu kelo agholauno shimasae. Ishiake Alhou no tipaqo pelo amlo xaidelupeno kuchou ithi peluvi.

2 Tim. 4:2

atsa pesu pikulhalo, ado achipilo na monamu mutazu tipau pialo; mutsuqheyi shilupe, sakiyikepulo sakiyi, shikumto kepulo shikumto eno kheakulushi kutsupiyelo.

IBRIMI 11:1

Akupuluye ninguno laju achekeu mutsuqheyi shilukeuke, ninguno ithumlano achekeu thime aniputsakepi mutsumisheyi shilu keuke.

IBRIMI 3:7

Tighenguno kuchoyesulo pikeu toi: “Ishi tsalalo, nonguno Alhou sutsa chilukeulo,

IBRIMI 4:12

Kughengu Alhou tsaye akuxu eno akuka kuau,putoputo zutakihi nguno akutsughauke. Hino angulho ngo angugha kikimea kutolo eno aquki-anhuki kikime kutolo ghitha ilo cheni. Hino timi mlolo kumsupu akeu ngo shinishi keu jupililu cheni.