2 Tim. 3:12 - BAIBEL (BSI)

¹² Khristo gholo xukimepeno Alhou lau amlo tsukeu kuxu xunikemiye shikimighi nani;

Sümi Tiqhelimi Bible

¹² Kuchou lo ye, khukhumu Khristo Jisü vechewo Alhou sümsa keu küxü xü nishi kemi ye pishi-puju nani,

Sumi Naga CL (Re-edited) Bible (BSI)

¹² Kuchou no Khristo gholo xükimepe Alhou sükümsa küxü xünishi kemi kümtsü shikimighi nani;

2 Tim. 3:12 Mawu Ofanana

MATTHEW 16:24

Tisheno Jisu no pa khopemi vilo pi, “Timi khunono ipape nikeno, pa likhi paye khuu keno kumsumave puzu pawu kros xapuno ipapelo:

MATTHEW 23:34

Ike ino nongu vilo pini; ino nongu lau tungkupumi, akighithimi eno kutsuchekemi puwu nani, tipaqo khami nonguno pithivetsu nani, khamiye kros lo yedave nani, eno khamiye nongu Sinagog lono ghiqhi nani, eno taun atsu-tsulo tipaqo hakuqoqhi nani.

Mark 10:30

paye hipa ghulokilo nguno alau kutomo ithulu nani. Paye hipa ghuloki lonomu chepu-cheli apu-aza, ati-anuli, aki-alu aqhe kutolo eno shikighimekeu ithulu nikeno ighi nikeu ghulokilo lhokta kuxu ithulu nani.

John 16:2

Panonguno Sinagog lono nongu hapheve nani. Aghuloki hu cheni kughou timi khunono nongu pithiluni keno paye ti shilukeuno Alhou huthulu ani kepi kumsu nani.

John 16:33

Ino nongu vilo hipau pikeuye isasu kimepe akeu lono nongu pelo alokiqi apeniyeke. Ayeghilomino nongu shikimghi nani, ikemu amlo mutotoi shilo! niye ayeghiqha theqhiluvae!”

John 17:14

Ino otsa panoqo tsuke eno ayeghi laumino panoqo mithi, kughengu ino ayeghi laumi kumo kehu toi panonguye ayeghi laumi kumoe.

Apostolmi 14:22

Eno hipaqo-a kumtsulo kupulumiqo mlo shikumtotsu eno akupulu laghilo vejoi alupenike panongu hakite ghi pi, “Shiluksa kutomo vechewo ninguye Alhou yehkipelo ilomaye sae.”

1 Kor. 15:19

Khristo lono ninguno lajupu achekeuye hipa yeghilo kuxu kivipu ghengu likhino kenapi aye, ninguye timi kumtsu nguno alau ahakusapu shiauvae.

2 Kor. 1:12

Ningu kijivilo chekeuye hike; nilolo kivikusa lokumsuno ashepe nitsu akeuno ayeghi hipaulo nikuxuye Alhou launo ighikeu kimthe eno musumulai xuchekeu ayeghilo suqekighithi lono kumoe ikemu Alhou wu kupukini pesu xucheke, eno tiye akhotono nongu lau tishi kutshupe xucheke.

2 Kor. 4:9

ningu shikighimeqhike ikemu Alhou ye ningu phevemoe; eno ningu hekuluqhike ikemu pithivemoe.

1 Tim. 2:2

kukami ngo ayehkipemi ghenguno inikhu tsulo, tishianguno thwokha lalo Alhou lau amlo tsuqhiyi eno kithikiyikeu ghola lono ningu pelo iquneikeu eno alokughuno kuxu xulupenike.

1 Tim. 3:16

Ningu chineyeh tuqhouye kiutoi kije keno khunomu moe pimlakeu ke! Pano timi phi-ashi shi ighike, Achipi kepi Aghungu no piyeve. Paye kungumino ithulupuani, Judakumomi gholo pa pesu pikulhave. Ayeghiqha kumtsulo pa puluwove, Akimthejukuvu lono pa sasu ikuve.

1 Tim. 6:3

khunono akukutsu kutau kutsupiye eno niMpeu Jisu Khristo tsa kuchoulo kuqhamoni keno eno kuchou chineyeh kukutsulo kuqhamoni keno,

Titus 1:1

Alhou qeu eno Jisu Khristo wu apostolmi Paul no yeani. Alhou no kishepheluvekemi kupulu shiqhetsupe nike eno saphepiye penike ikishepuwuke.

Titus 2:12

Tino ningu vilo Alhou sumokeu kuxu ngo ayeghilomino minechekeu pheveno hipa yeghilo iqu-ighayi keu ngo mutsumisheyi keu eno Alhou lau amlo tsukeu kuxu xulepi ningu kutsupiye cheni,

JOSHUA 17:14

Josef polo kiqi qono Joshua vilo pi, “Noye kushiye ayeghi leqhi lakhi likhi pe niwu shitsu kya? Kughengu ninguye AMPEU no ningu kumghatsuno ninguye kumzapu shivae.”

1 Peter 3:14

Ikemu amikucho shikeu ghenguno nonguye aghime shikepushive namu tiye nongu ghenguno alokivipuke. Tipaqo msaichi akepu kumoe momu amloksa shikepu kumoe.

2 Peter 3:11

Tishiaye hipaqo thime kumtsu hitoi shipuzu puhave nikeu shiani aye, nonguye kiutoikemi shikepu keno ithilo.

Piyeküsü 12:4

Pa shomhi pesu atsutsulo ayepuqo saje akuthuu tsuqupe tipaqo ayeghi shou vepiqive. Dragon ye totimi huno anga punuqhi kemtsa tsuchuveniaye li zulo puthughope ngoae.

Piyeküsü 7:14

“Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.