2 Tim. 3:11 - BAIBEL (BSI)

¹¹ ishi kighimekeu eno akijipusa keu ino kishi kutuulu keno noye ithi ani. Ikemu tipaqo kumtsulo Ampeu no ixapheluveke.

Sümi Tiqhelimi Bible

¹¹ I no khijehi pishi-puju eno aghimeqo sholu, eno Antioch, Iconium eno Lystra lo I lau kiu shive eno I no pishi-puju sholu kelo kutuuluve keu nono ithi anike. Tishimu Ampeu no tipaqo kümtsü lono I xaphe tsüke.

Sumi Naga CL (Re-edited) Bible (BSI)

¹¹ Antioch, Iconium, eno Lystra lo I shikighime keu eno I ghime kümtsü, I no kishi ghichheghime puqhe eno Ampeu no ti kümtsü lono I xaphe keno nono ithi ani.

2 Tim. 3:11 Mawu Ofanana

BOTHUBO 48:16

Kungumi khipauno akijiksa kumtsu lono ixaphelukeno, pa pelo apuf pama kumghatsu peniu. Ije lono eno ipuasu Abraham ngo Isak je lono panongu ku chepeniu, Eno ayeghilo panongu pelo anoghi kutsasa shi ikowolu peniu.”

SAMUEL AKINIU 22:1

Kughou AMPEU no Saul ngo pa ghumi kutamiqo launo David susholuve keno, David no ale hipau AMPEU shipilie:

SAMUEL AKINIU 22:49

eno ighumiqo launo ixapheluve. O AMPEU, nono ighumi shou tokulu itsuke eno xesuxenimi launo ishokhaluve.

LESHELE 34:19

Timi kivimiye shiluksa kutomo lono aghime shicheni, ikemu AMPEU no tipaqo kumtsu launo pa xaphelu cheni;

LESHELE 37:40

AMPEU no panoqo kuphu eno xaphelu cheni, pano kixikilami launo panoqo xalu cheni, kughengu pa pelo susholupeniye panonguno pukhuke.

LESHELE 91:14

Alhou no pi, “Ino ikimiyechekemi xalu nani, eno khunono niye AMPEU kepi ithiani keno tipaqo susholuve nani.

ISAIAH 41:10

Ino osasu anike musa kevilo! niye oLhou ke kiu pelomu oshikichi pekevilo! Ino opelo mutotoilupe nani eno kuphu nani; ino osusholu nani eno oxalu nani.

ISAIAH 41:14

AMPEU no pi, “Musakevilo, kitila eno miqemileyi keu, Jakob, Israil timiqo; ino okuphu nanike. Ni, Israil Lhou akimtheu, ino oxalu chenike.

ISAIAH 43:2

Kughou nono azu kutho kathasu wuni keno ino ogholo anani; owu shiluksa pelo okuzupholuve pemo nani. Kughou nono ami kathasu wuni keno opitiqhimo nani; akijikusa pejukeu ighikeulo oghuzamo nani.

JEREMIYA 1:19

Panonguye otheqhi mla nani kughengu ino osusho nike ogholo ani. Ni, AMPEU no piqhi ani.”

DANIEL 6:27

Paye xakuluu eno ikhiphekuluu, pano kungughalo ghi eno ayeghi loghi akumzapu, akichiqhiyi kepu shilu acheni. Pano abongushu kichi lono Danel xapheluke.”

Apostolmi 13:14

Pamaye Perga qhiveno Pisidia ghakhulo Antiok lo ighi, eno Sabat tsala lono Sinagog lo iqae.

Apostolmi 13:45

Ikemu kughou Judamiqono timi kumzapu akeu ithulu keno panonguye anhekushuno chhive. Panonguno Paul no pikeu tsa lae eno pa thaigha.

Apostolmi 14:8

Lustra lo timi lakhi ache, ike pa pukhuye ala chemla. paye aza polono apukhu lho vimokemi eno khilemu ala chejumokemi.

Apostolmi 20:19

Judamino ipithive nikeu shike ghenguno anhezu kipiji eno pishipujukeu ishou ikughi pulaghi mutsha-ivu ghi Ampeu qeu shi achenie.

Apostolmi 23:10

Muto-mushukeu mugha kithe ikuveno timiqono Paul kughapesu suthapiniyi venosakeu zahtsuuno msave. Ikehu ghushimiqo vilo iqino timiqo launo angukamu vesuno Paul sasu ghushimino ngochekeu bocholo saghivelo pi ahza tsu.

Apostolmi 26:17

Israilmi eno Judakumomi launo ino oxaphelu nani, tipaqo lau ino opuwu anike.

Apostolmi 26:22

Niye ishi tsala kutolo Alhou launo ighikeu kukuphu lono hile puthughono kijemi vilo eno kitilami kumtsu lau ishepe tsulu ani. Ino pi akeuye tungkupmi eno Muse no shini pi piqhipuakeu shikupu anike.

Apostolmi 9:16

Ighenguno paye kishi ime mayesakeno kumtsu ni ampino pa piye nani.”

Rommi 15:31

Judia yeghilo kupulukumomiqo launo ixapheluve penike eno Jerusalem lo kupulumiqo pelo ino tilau kiu mlanikeno ikhikulupu shipenike inikhu tsulo,

2 Kor. 1:5

Ike ninguno Khristo ghichhe ghime kusajeke hutoi Khristo vechewo alokughuno tsukeu ghi ninguno kusaje cheni.

2 Kor. 1:7

Ikehu nongu shou ninguno lajuakeuye ithamono mutotoi ani, kughengu ninguno ithi akeuno nonguno ni shilukusa kusaje kehu toi, ni lokughuno ghi nonguno kusaje nani.

2 Kor. 12:10

Tishikehu Khristo ghenguno tomo chhimokeu, phimo gihumokeu, ghichhe ghime, akijipusakeu eno amlo kighishi sholu kelo niye amlo qiqhiyi cheni; kughengu kughou ino tomo chhimono ani keno tilehino ino mutotoilu cheni.

2 Tim. 4:7

Niye aghukishi akivishi shivae, niye akupolo ashetovae, niye akupulu pewotovae.

2 Peter 2:9

Tishiaye Ampeu no pa lau amlo tsukemi shilukusa sasu kupughu akeu lono xaphe lunikeu ithi ani eno amikucho kumomiqo pesu Kughakuthapu Tsala ghenguno aghimeshi pu anikeu ithi ani,