Biblia Todo Logo
Baibulo la pa intaneti

- Zotsatsa -




2 Tim. 2:10 - BAIBEL (BSI)

10 eno Alhou wu kishekiphemiqo ghenguno niye thwokha puqheluvetsu anie, tishianguno panongu ghi Khristo Jisu launo akimthe jekipino xakulupushi akeu ithulupeniyeke.

Onani mutuwo Koperani

Sümi Tiqhelimi Bible

10 Tighenguno ni ye kisheluve kemiqo ghenguno thime kümtsü puqheluve acheni, tishianguno panongu ghí Khristo Jisü lolo xakulu gholo lhokta juküvüpu akeu ithulu peniye ke.

Onani mutuwo Koperani

Sumi Naga CL (Re-edited) Bible (BSI)

10 Tighenguno ni ye Alhouw kishekiphemi ghenguno thokha puqhe luvetsü ani, tishianguno panongu ghi Khristo Jisü launo lhokta juküvü gholo xakulu ithulu peniye ke.

Onani mutuwo Koperani




2 Tim. 2:10
29 Mawu Ofanana  

Khunono iphuluni keno akuxupu phuluvae, eno AMPEU no paju amloqi nani.


Tipa tsalaqo Alhou no kihi kughukhovetsumo keaye timi khumu puxumoni cheke. Ikemu kisheluvekemiqo ghenguno Alhou no tipaqo tsala kihi kughukhove tsuni cheni.


Kughengu kichile Mesiya eno kichile tungkupumi ipeghi nani eno panonguno amchipu ngo akumzapu kumla shipe piye puzu, shikulupu shi aye kisheluvekemi ghi sakughuzu sawuve nikeu shi nani.


Afuko ghugha kije igha nani, pano pawu kungumi ayeghi cheku bidi kutolo puwu nani eno ayeghi shekha halau lono halau kutolo kisheluvekemi panonguno hekutsu nani.


Tishiaye Alhou ye paw timi kishekiphemi khunoqono putho pucho pa lau ighamuku akeu saphumoni kesha? Paye panongu kuphunikeu munu auve nani kesha?


Ikemu Pitor no lah ghi pi:”Totimi ghi,niye pa mtha keno kuu!”


panoqo ghengu likhi kumo ikemu Alhou nuliqo apanagha akeqo kumqo sawo lakhi shinikehue.


Apuo! niye nono khunoqomi itsuve akeno tipaqo pelo niye khile ani keno igholo apenikeu ipulou ani, eno ayeghiqha lhophemphi lono nono ikimiye puzu akimthe jekipi itsukeu panongu pelo ikimthe jekipi ithulupeni shi ani.


Niye panoqo ghenguno inikhu ani; niye ayeghiqha ghenguno inikhu anike kumono nono itsuvekemiqo ghenguno inikhu ani, kughengu panonguye owu ake.


Khunoqono kheakulushi akivi kumla shi puzu sheqhekepu, agigihupu eno thive chemokeu phucheghini keno Alhou no lhokta kuxu tsu nani.


Tiye pano qhuivulayi keu hi ningu shou pa kimthe-jukuvu kinikulushi akeu pephepiye nike ghenguno ajukuvupu shi pano kutope qhie.


Tighenguno Alhou no pa suqekighithi lono ayeghilo timiqo pelo panoqo suqekighithi vechewo Alhou ithikepu shitsumove. Tishinike zuqhulo ninguno mbomzu sutsa pesu asheshu keu vechewo khunoqomino ti pulukeno tipanoqo xalupe nikeuno Alhou pulou shiaghive.


Akupululo tomo chhimokemi gholo niye panoqo lakhi paphi shicheni, tishianguno tomo chhimokemi Khristo lau saghilu niyeke. Niye kishialashi puzu khami likhimu xakulupu shilunimalaye timi kumtsu gholo thwokha kumtsu shi cheni.


Ninguno shilukusa sholu aye tiye nongu lokughunotsu eno nongu xakulupu ghengunoke, ninguno alokughuno sholu aye, nongu lokughuno tsunike ghenguno ghike, tiye nonguno nino shilusa akeu paphi shi shilukusa nonguno sholu kelo kutuuno theqhi khelukeu lono ithi peniyeke.


Ino kiu aghi keno eno ikuxu kumtsu pesu nongu kuxupu ghenguno pevetsuni keuno ilokivi ke. Ino shishe nongu kimiyeke ghenguno nonguye akimkheu shi ikimiyeni kesha?


Hipaqo kumtsu nongu ghenguno ke tishianguno Alhou kupukinino timi lau alau ikowo keshi, Alhou kimthe jukuvupu ghenguno panonguno shikimthikeu alau tsuape niyeke.


Ninguno ghicheghime dolo ikhonhei sholu akeu huye kiunomu pe kimghimlakeu lhokta kimthe jukuvu lakhi saghitsu nani.


Tishiaye, ino nongu ghenguno aghime shiakeulo nonguye amlo kusa shikevilopi nongu qhuiniju ani, hiye nongu vehupu ghenguno ke.


Nongu ghenguno ino aghime sholukeulo niye itehiye alovi ani. Kughengu iphilo aghime sholuakeu vechewo Khristo no pa phimpi, akukuhou ghenguno aghime shikepushi akeu ino shikuputsu anike.


Kughengu Alhou kukughuye hike: pawu tuqhou pesu timiqo pithiniyeke, ike tiye Judakumomi kumtsu ghenguno kinikulupu eno akimthe jukuvupu shi tuqhou pano puakeu huke. Tuqhouye hike: Khristo ye nongu lolo ani, eno tipau kiqiye Alhou kimthe jukuvu kusaje nikeu lajupu anie.


Kughengu Alhou ye pa ngusupu ghenguno aza polono ningu iniveke kumoe, ikemu ningu Mpeu Jisu Khristo vechewo xakulupu alupeniyeke.


Ninguno atsakiviu pesu nongu vilo asheshukeu vechewo Alhou no hipaulo nongu kuluvae, tishianguno nonguye ningu Mpeu Jisu Khristo kimthe jukuvu alupeniyeke.


Khristo Jisu gholo xukimepe akeu lono akuxupu ghili piqhipuakeu pikulhape nike Alhou pulou lono Paul pelo Khristo Jisu wu apostolmi lakhi shilupe.


Tishiaye, inu, Khristo Jisu gholo xukimepe akeu kukupu vechewo mutotoi shilo.


Khristo Jisu ghushimi kivi lakhi toi noye aghime kusaje lulo.


Alhou qeu eno Jisu Khristo wu apostolmi Paul no yeani. Alhou no kishepheluvekemi kupulu shiqhetsupe nike eno saphepiye penike ikishepuwuke.


Ghuthu lakhilo nonguye Alhou timi kumoe; ikemu itehiye pawu timi shivae; ghuthu lakhilo nonguye, Alhou no kimiyeqhiyi keu ithumlano cheke ikemu itehi nonguye pano kimiyeqhiyi keu ithuluvae.


Ado ikhonhei nonguno aghime shive kethiu, Khristo gholo nonguno xukimepe akeu lono lhokta kimthe jukuvulo nongu kuluvekeu Lhou, kukumgha kumtsu akeu Lhou huno pa ampino nongu shikumto, shiqhetsu eno nongu boqha shitsu nani.


Titsatireni:

Zotsatsa


Zotsatsa