2 Tim. 1:8 - BAIBEL (BSI)

⁸ Tishiaye, niMpeu shepe shinikeu ghenguno kujo-mza kevilo momu pa ghenguno ino akughushia keu jupesu kujo-mza kevilo. Ikemu Atsakiviu ghenguno aghime shikeulo Alhou kuka kumto lono osaje lulo.

Sümi Tiqhelimi Bible

⁸ Tighenguno ningu Mpeu momu pa ghenguno I no akughu shikeu ghili ashepe shini keu kujo kevilo. Tishini ke züqhulo, Alhou küká vechewo atsakiviu ghenguno ime nike I gholo kutubo lo.

Sumi Naga CL (Re-edited) Bible (BSI)

⁸ Tishiaye, ni Mpeu shepe shinike ghenguno kujomza kevilo momu pa ghenguno I no akughushi akeu jupe kujomza kevilo, ikemu atsakiviu ghenguno aghime shikeu lo Alhou küka kumto lono asaje lulo,

2 Tim. 1:8 Mawu Ofanana

LESHELE 119:46

Niye kukami vilo ozahkutsu pithiwo nani, eno niye kujovemoke.

LESHELE 19:7

AMPEU yezah ye kupukulayike, tino aghuthi puxutsu cheni. AMPEU no shilo pikeu yezah ye achipi, alokutsu kuhakemi pelo tsukhuilu chenipe.

ISAIAH 51:7

‘Nongu achipiuye kiu keno ithi akeqo, itsa inilo, ikukutsu nongu mlolo ithamono achepe kemiqo! Kughou timino nongu junuqhi eno thaighani keno musa kevilo;

ISAIAH 8:20

Nonguye panoqo vilo ishi khochilelo, “AMPEU no kiu pesu nongu shikapiye keno inilo! Tumumi tsa ini kevilo, panonguno nongu vilo kiu pinikeno tiye akivipu shimlake.”

Mark 8:38

Tishiaye, timi khuno Alhou phimokeu eno kusakugha tiqheli hipaulo paye ilaumike ipinikeu eno itsa pinikeulo kiumu shitsumove aye, ni Timi Nu ghi kughou papu jukuvu lono akimthe kungumi sasu ighikelo timi tipau ghenguno kiumu shitsumove nani.”

Luke 9:26

Kughengu khunono ni eno itsape shinikeulo kujoveni keno, Timi Nu ghi pa jukuvu, Apu jukuvu eno akimthe kungumiqo jukuvu lono ighikelo pano tipano je piphetsumove nani.

John 15:27

Eno nongu ghi ishepe shitsu nani, kughengu nonguye abothu lono igholo acheke.”

John 19:35

Khuno ti ithulu keno pano ashepe hipau tsu ani, eno pa shepeye kuchou, eno paye kuchou tsa picheni kepi pano ithi ani, tishianguno nongu ghi pulu peniyeke.

Apostolmi 5:41

Apostolmino Judami Hoho lono alokivishi cheve, kughengu Jisu je ghenguno shikukujo pekepushi Alhou no panonguye akuzuepi kishelupe kehu.

Rommi 1:16

Kughengu niye atsakiviu pikulha nikeulo kujo moe, hino pulu aghikeqo kumtsu xalunikeu Alhou kukake, atughushi Judami lau eno tithiuno Judakumomi lau ghi ighike.

Rommi 16:25

Itehiye ino Atsakiviu eno Jisu Khristo ghili pikulhache keu kiqi lono nongu shikumtolu chekeu lau eno mzamghaleyi pephepiyekeu khikhi tiqheli kushuwa kutolo kusupe acheke,

Rommi 8:36

Kuchoyesulo pipuakeu toi, “Oghenguno atsala kupuju ningu kukumsu pithive acheni. Bheri ghiqhiniye sawo puakeqo toi ningu peitha acheni.”

Rommi 9:33

ti kuchoyesu lo pikehutoi: “Julo, Zion lo timi pelo pusupukulu penike atuqu lakhi ino qhipuani, tiye panongu pelo kupuxalu kepu tuqu lakhike. Ikemu khunono pa shou akupulu benikeno shikukujomo nani.”

1 Kor. 1:6

tiye Khristo ghili pesu ashepe shikeu nongu gholo mutotoi alupekehuke.

2 Kor. 6:7

kuchou tsape shikeu, eno Alhou kuka ishi akeu lono ninguye Alhou qemi kepi xupiye acheni. Ghiha eno susho kepushi ninguye amikucho zutakihi ani.

Ephesiami 3:1

Akiqi hipau akeu ghenguno, ni Paul ye nongu Judakumomi ghenguno Khristo Jisu kughushi achekemi lakhi ke.

Ephesiami 3:13

Tishiaye, ino nongu ghenguno aghime shiakeulo nonguye amlo kusa shikevilopi nongu qhuiniju ani, hiye nongu vehupu ghenguno ke.

Ephesiami 4:1

Tishiaye, ni Paul, Ampeu ghenguno akughumi shi achekeuno nongu qhuiniju anike, Alhou no kiu qhemilo nongu kuluve akeno tipaulo akuzupushi xulo.

Ephesiami 4:17

Tishiaye, Ampeu je lono ino hipau piani eno hi pikithe ani: nonguye khilemu Alhou kuhakemi toi xukevilo; panongu kukumsu abokumsake,

FILIPIAMI 1:7

Nongu kumtsu ghenguno ino hitoi kumsupu akeuye achipi ke, kughengu nonguye pulhapuju imlolo achenike. Kughengu ino itehi akughu shiakelo ngo ino atsakiviu susho eno iyiqhi kumto chekelo ghi nongu kumtsuno igholo Alhou kupukini kusajejukemike.

FILIPIAMI 3:10

Ino pulo chekeuye Khristo ithini pa xuputhuvekeu kuka ithi, pa ghimeqo kusaje eno pa kithi gholono pa kimihi shiwuniyeke,

FILIPIAMI 4:13

Khristo no ishikumtokeu vechewono niye thwokha shikulupu kuka anie.

Kolosiami 1:11

Pa kimthe jukuvupu kumto launo ighikeu kuka kumto kumtsu pesu nonguno mutotoilu peni, tishianguno nonguye kheakulushi thwokha puqhelu penike.

Kolosiami 1:24

Nongu ghenguno ino aghime sholukeulo niye itehiye alovi ani. Kughengu iphilo aghime sholuakeu vechewo Khristo no pa phimpi, akukuhou ghenguno aghime shikepushi akeu ino shikuputsu anike.

1 Thes. 3:4

Kughou nino nongu sasu achekeno nino ashe-azushi nongu vilo piveake ninguye shikighimekeu sholu niputsake; ike nonguno ithianike tipau hu itehino shi-ighi anie.

1 Tim. 2:6

Timi kumtsu xachilelu nike pano pa ampi tsuveke, ikehu ado achipi lono Alhou no timi xalu nishi akeu shepe shike.

2 Tim. 1:10

ikemu niXakuluu Khristo Jisu ipeghikeu vechewo itehiye ningu lau tipau pephepiyevae. Kughengu Khristo no akithi kuka kishekhave tsuke eno Atsakiviu vechewo akuxupu eno tsu-mavemla keu kuvu sughitsuke.

2 Tim. 1:12

eno highenguno hishi aghime shianie. Ikemu niye kujo-mza chemoe, kughengu ino khuu pulube chenikeno ino ithi ani, eno ino pulu akeuno Atsala hu tomoke kutolo pano ilau kiu pichebe puanikeno tipau paye khe kulupu shi ananike.

2 Tim. 1:16

Ampeu no Onesifora no kibolomi kimiyeqhiyi tsupeniu, kughengu ghuthu kutomolo pano ilopivitsu cheke. Paye ino akughu yikichhelo akeu jupesu kujo-mzamoe;

2 Tim. 2:3

Khristo Jisu ghushimi kivi lakhi toi noye aghime kusaje lulo.

2 Tim. 2:8

Jisu Khristo, akithi lono xuthughive keu eno David polo kughukomi lakhike pa kumsululo. Ino pikulha chekeu Atsakiviuye hike.

2 Tim. 2:9

Highenguno niye heqhi-buqhichekemi lakhi toi aghime shiani eno ayikichheno tshupe anie. Ikemu Alhou tsaye ayikichhe pe tshuve mlae,

2 Tim. 4:17

Ikemu Ampeu no igholo ake eno Alhou tsape hu pesu Judakumomi kumtsu vilo chixechileyi pikulhalu kepushi ishikumto tsuke; ikehu abongushu baxa lono ixapheluveke.

2 Tim. 4:5

Ikemu nouye pulhapuju tsaqutsaleyilo, ghichheghime puqhelulo, tsavipemi kumla shilo eno Alhou qemi kumlapu shikupululo.

1 Peter 1:5

Nongu kupulu vechewo Alhou kukano nongu susho pesu ani eno ashekha ghulokilo pephepiye nike ghenguno xakulupu kutope ani.

1 John 4:14

Nino ithuluvae eno kutami vilo Apu Alhou Nu pelo ayeghiqhalo Xakuluu shipeniye puwu kepi ninguno ashepe shiani.

Jude 1:24

Itehiye, nongu pelo veqhipemono jukutochekeu lau eno pa kimthe jukuvupu kungo-alo alokivishi eno tukutiye shimono nongu saghilu nikeu lau,

Piyeküsü 1:2

Johan no pano ithulukeu kumtsu pesu Alhou tsa eno Jisu Khristo no kuchou piyekeulo ashepe shiani.

Piyeküsü 1:9

Ni Johan ye nongu thikuzuu ke, eno Jisu papemi lakhi kehu Alhou yehkipe laumino kutuughi shilukusa puqhe akeulo nighi nongu sasu kusaje chekemike. Ino Alhou tsape shikeu eno Jisu shepe shikeu ghenguno Patmos zudoyeghilo ikughape qhiveke.

Piyeküsü 12:11

Ni thikuzumi qono Bheriti jih pesu eno panonguno kuchou shepetsa pesu pa shou toluvae; kughengu nithikuzumiqoye thivekepu shike kutolo panongu kuxu tsuvenishike.

Piyeküsü 19:10

Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.