2 Tim. 1:16 - BAIBEL (BSI)

¹⁶ Ampeu no Onesifora no kibolomi kimiyeqhiyi tsupeniu, kughengu ghuthu kutomolo pano ilopivitsu cheke. Paye ino akughu yikichhelo akeu jupesu kujo-mzamoe;

Sümi Tiqhelimi Bible

¹⁶ Ampeu pelo Onesiphorus kibolomi shou kimiyekini pìye tsü peniu, kughengu ado kutomo lono pa no I lopivi tsüke eno I no akughu shi akeu ghenguno kujo keu shimo ke.

Sumi Naga CL (Re-edited) Bible (BSI)

¹⁶ Ampeu no Onesiphorus kibolomi shou küpükini tsü peniu, kughengu ghuthu kutomo lo pa no I ghüthi püxütsü eno I no akughu yikichhe lo akeu jupe kujomzave moe;

2 Tim. 1:16 Mawu Ofanana

SAMUEL AKINIU 2:6

Itehi ghi AMPEU no nongu lau kupu eno pukhube kulu alupeni. Nongu kumla kivi ghenguno nighi akivishi nongu heju nani.

NEHEMIA 13:14

Ino Ochineki eno tipaulo mlla kepu ghenguno hipaqo kumtsu shikeu ghenguno ikumsulu tsulo, O iLhou.

NEHEMIA 13:22

Ino Levimi vilo pano likhi pano shikimtheveno wupuzu khaghoqo kheluvelo pi ahza tsuke tiye Sabat akimtheshi pinyi peniyeke. O Alhou highenguno ghi ikumsulu tsulo eno okikimiye kije ghenguno ipukhape qhitsulo.

NEHEMIA 13:31

akumllagho pitikepu shi ado achipi lono asu sughipe nike eno timiqo pelo panonguno athi amsu-u lukeu eno axathi xolu tughiu akumllagho shi sughi penike ino kishekulushi kutovetsu. Hipaqo kumtsu kumsulu tsulo, O Alhou eno tipaqo ghenguno ikivipu shitsulo.

NEHEMIA 5:19

Ino ovilo khu anike, O Alhou, timi hipaqo ghenguno kiu mlatsu keno ti kumsulu tsulo.

LESHELE 18:25

Pukhubekulumi lau noye pukhu bekulu shicheni, O AMPEU; Akumzumi lau noye akumzu shicheni;

LESHELE 37:26

Paye alhokuthu kumsano tsuaghi cheni eno kutami punatsu cheni, eno pa tianuliye kumghapu shilu cheni.

JEREMIYA 39:17

Ikemu ni, AMPEU no osusho nani eno noye nono musa akeu timi ulo suvetsumo nanike.

MATTHEW 25:17

Tihutoi, ghuka 2000 ithulukeu ghi tipaqo pesu ghuka 2000 alau kimijeluve.

MATTHEW 5:7

“Kutami gholo amlo saqhiyikeu kuqhakemi kumghae, kughengu Alhou no panongu shou amlosaqhiyi tsu nani!

Apostolmi 21:33

Tileno ighi puzu Paul kughaluve eno ayikichhe kighi kini pesu pa tshulopi ahza tsu. Zahtsuuno paye khuu eno pano kiu shive keno iniju thu.

Apostolmi 28:20

Hipau vehu ghenguno nongu sasu kusho eno nongu putsanike ino iniju, kughengu ayikichhe hipauno itshupe akeu huye, Israilmino khuu laju akeno tipau pa ghenguno niye ishi anike.”

1 Kor. 16:18

kughengu panonguno nongu ghuthi puxu tsucheke toi ighuthi puxu tsuke. Timi hitoikeqo gihu kuzupuke.

Ephesiami 6:20

Kughengu hi ghenguno niye akughu shianamu lashikamike. Niye pimayesa putsake ghenguno ipelo musa ighumono pilupenike inikhu tsulo.

2 Tim. 1:12

eno highenguno hishi aghime shianie. Ikemu niye kujo-mza chemoe, kughengu ino khuu pulube chenikeno ino ithi ani, eno ino pulu akeuno Atsala hu tomoke kutolo pano ilau kiu pichebe puanikeno tipau paye khe kulupu shi ananike.

2 Tim. 1:17

ikemu kughou pano Rom lo ighikeno paye khekulho shi iphusu ighino isasu kusholuke.

2 Tim. 1:18

Tipa tsalani pa pelo kikimiye ithulu penike Ampeu no kumghatsu apeniu! Efesia lo akelo pano ighenguno akumla kivi mlakeu hu noye akivi shi ithianie.

2 Tim. 1:8

Tishiaye, niMpeu shepe shinikeu ghenguno kujo-mza kevilo momu pa ghenguno ino akughushia keu jupesu kujo-mza kevilo. Ikemu Atsakiviu ghenguno aghime shikeulo Alhou kuka kumto lono osaje lulo.

2 Tim. 4:19

Priskila ngo Akuila eno Onesifora kibolomi lau petha tsuani.

Philemon 1:20

Ike athikuzuu tipau kumsujutsulo, Ampeu jelono niye olauno alokepu hami lunishi anike; Khristo gholauno imlo vepiqitsulo!

Philemon 1:7

Ithikuzuo, ovechewo Alhou timiqo mulo vepiqi tsu achenike ghenguno, okikimiyeno ilau alokivi kije eno alokughunopu shishe sughitsu cheni.

IBRIMI 10:34

Nonguno akughumi sasu imekuqhae eno kughono nongu wu tinhemgha kumtsu sukisheluvetsu keno nongu mlo hauvemono kutuuluveke, kughengu nonguye kuakini akiviu khikhino alhokupuju ache nani keno tipau achephikepi nonguno ithi akehue.

IBRIMI 6:10

Alhou ye amikuchoke ghenguno nonguno mla akeu pa jelono pawu timiqo lau kikimiye pephepiye puakeu eno itehi kutolo titoi shiakeu paye kumsumavemo nani.

RUTH 1:8

Ikemu Naomi no amukishiu pama vilo pi, “ Nokujo ye idewovelo, eno pututa puaza kilo wovelo. Nokujo no akithiunoqo heju eno iheju ke hutoi AMPEU pelo nokujo hejupeni.