2 Peter 1:5 - BAIBEL (BSI)

⁵ Highenguno tolukivi thaqhulo akiqheu shipuzu akupulu shou alokepu pesu veqabelo; alokepu shou akighithi pesu veqalo;

Sümi Tiqhelimi Bible

⁵ Hipau kimiji vehu ghenguno, thowkha lo pükapütsa azükini shi püzü nongu küpülü gholo akivipu; eno akivipu gholo akighithi;

Sumi Naga CL (Re-edited) Bible (BSI)

⁵ Hi ghenguno, tolukivi thaqhü pükapütsa no nongu küpülü gholo xükipivi pesü veqabelo, eno xükipivi gholo akighithi pesü veqalo,

2 Peter 1:5 Mawu Ofanana

LESHELE 119:4

AMPEU nono oyezah pesu nitsuke eno amlo kupushi tipau gholulo pike.

AHOLE 4:23

Nono kishi kumsu cheni keno jukutokughoilo; okuxuye akukumsuno ghophe cheni.

ISAIAH 55:2

Kushiye kiumu aghaqimo kepu lono pisa peve cheni kya? kushiye nonguno qelukeu puwo khave keghi muzuthi cheni kya? Itsa inilo eno ino pikeu shilo, eno achuqupu kumtsu nguno akiviu pesu nonguno alopivilu nani.”

ZEKHARIA 6:15

Timi putosuu xuachekemi ighi nani eno AMPEU chineki shikithe puku nike kuphu nani. Kughou tipau shikithe pukuveni keno Aqokitikhi MPEU no nongu lau ipuwu kepi nonguno ithi nani. Nonguno AMPEU nongu Lhou no azah tsukeu qhoyi papelu aye hipau kumtsu shi nani.

Luke 16:26

Tinguno alauno ningu dolo akuthoku thonheike ani kehu khunomu hileno kathasu nongu lau wunikeu shimlae, momu khunomu nono akeu lono hilau kathasu ighimlae.’

Luke 24:21

Ikemu nino laju achekeuye pano Israilmi xachileluni chekeu shiake! Tinguno alauno ti shivekeu ishi kuthu shi ani,

John 6:27

Puhavekepu chuqupu ghenguno ime mla kevilo, ikemu lhokta kuxupu kutolo achekepu chuqupu ghenguno ime mlalo. Achuqupu tiye Timi Nu no nongu tsu nani, kughengu Apu Alhou no pa shou pa ghaqikeu michipu bevae.”

1 Kor. 14:20

Athikuzumiqo, nongu kukumsulo itimi toi shikevilo. Alhoksa shinikeu loye itimi toive masa ikemu akukumsu loye tekhoyi vemasae.

Ephesiami 5:17

Tighenguno mbomuzumi shi akevilo ikemu Ampeu no nongu pelo kiu shipenishi anikeno ithikutolulo.

FILIPIAMI 1:9

Nongu ghenguno ino inikhutsu akeuno nongu wu kimiyekiniye akighithi ngo achipiu xakutha alau thuwulu peni,

FILIPIAMI 2:12

Tishiaye, ino kimiyechekeqo ikualo nonguno pulhapuju aghokulushi ketoi itehiye ino nongu gholo ngomove kelomu alaushi aghokulu shilo, tino alau akhotouke. Nongu xakulupu shikupunike ghenguno musa khokhoshi mla alo;

FILIPIAMI 4:8

Athikuzumiqo, ashekhashi kiuno kuchou, kiuno gihukuzupu, kiuno achipiu, kiuno mutsumisheyi, kiuno alokepu, kiuno kupukinipu keno akivipu eno shekepushi aghiaye tipaqo thime shou kumsupuku alo.

Kolosiami 1:9

Ikehu ninguno tipau chiluke tsala lono ningu ghi tamono nongu ghenguno inikhutsu ani. Alhou pulou kighithi eno tipau ithikuthulu kepushi Aghungu no tsukeu lokutsu pesu nongu lolo sutsupe nike ninguno inikhutsu anike.

Kolosiami 2:3

Khristo gholo Alhou lokutsu eno akighithi khuki kumtsu kusupe puanike.

IBRIMI 11:6

Akupulu kuhakeloye timi khumu Alhou mlo kiqipu shi mlae. Kughengu khunono Alhou lau ighini keno paye Alhou acheni eno pa phusu ighikemiqo pano asaxu tsuchenikepi akupulu aghimasae.

IBRIMI 12:15

Alhou wu kupukini launo xachile idevemo nike kutokupuyilo. Akukhu kimji sutsunibo toi ipeghi puzu tipau tughu huno kutami shipusalu nosake kutokupuyilo.

IBRIMI 6:11

Nino kumsupulo akeuye nongu lakhi khino ashekha kutolo azukinishi apenishi ani, tishianguno nonguno laju achekeu hu kumtsu mutsuqheyi shilupenike.

JOSHUA 7:3

Joshua lau asutsa sughi, “Timi kumtsu Ai lewu kepu avehu kuhae, timi 2000 momu 3000 likhi puwulo. Aghu shipeni ke ghushimi kumtsu puwu kevelo, tiye aphughi kije kumoe.”

1 Peter 3:7

Tihutoi nongu akimiqoye ithikututa shi ghi nongu nipuqo sasu kughunalo, totimiye miqemileyikemi kehu agholauno panoqo sasu xulo, kughengu panoqo ghi nongu gholo Alhou launo akuxupi ithulu kuqhakemike. Hitoi shianguno kiunomu nongu kukhu kighini vekhamo nanike.

2 Peter 1:10

Tighenguno athikuzumiqo, Alhou no nongu kulu eno kishekululo ithamono mutsuqheyi shilupe nike pukaputsa alaushi azukini shialo; titoi shi aye nonguye khilemu akupulu phevemo nanike.

2 Peter 1:11

Hitoi shikeu lono nongu pelo niMpeu eno ni Xakuluu Jisu Khristo wu alhokupuju yehkipelo ilokulupu kuka kumtsu pesu nongu tsu nanike.

2 Peter 3:14

Tighenguno ino kimiyechekemiqo, nonguno tipau Tsala kheakelo, nonguye kiumu tukutiye kuhano mutsumisheyi aghikepushi pukaputsa azukini shilo eno pa lau aloino alo.

2 Peter 3:18

Ikemu niMpeu eno niXakuluu Jisu Khristo kupukini eno pa kighithilo thuwu alo. Itehi eno alhokupujulo pa lau akimthe jekipi shilo! Amen.