2 Peter 1:4 - BAIBEL (BSI)

⁴ Hitoi shipuzu pano piqhive keu amekusho eno akughupu kumsagho pesu ningu tsuvae, tishianguno kumsagho hipaqo peitha puzu ayeghiqhalo ngosukumla no shikupsa akeu launo nonguye puluvepe niyeke, eno Alhou lhoayeh kusajelupe niyeke.

Sümi Tiqhelimi Bible

⁴ Hipaqo vechewo pa no paw ighono kijè eno akughupu pikiqhi ningu tsüvae, tishi keu lono tipaqo vechewo nongu pelo ayeghiqha shikuchubeve chekeu küsakügha shinishiqhiyi chekeqo lono pokajoluve no Alhou lhoaye gholo küsajelu peniye ke.

Sumi Naga CL (Re-edited) Bible (BSI)

⁴ tipau vecheo Pa no Paw akughupu eno pikiqhitsa kije pesü ningu tsüvae, tishianguno tipaqo pesü nongu no ayeghiqha hipau lo pitipüza keu xine jeli ghenguno shiküpsa achekeu launo poluve peniye ke.

2 Peter 1:4 Mawu Ofanana

Rommi 9:4

Panonguye Alhou no kisheluvekemi Israilmi ke. Pano panoqo pelo pa nuliqo shilupe, panoqo pelo pa jukuvu kusajepe, panoqo sasu pawu puloshoqhi shi eno Ayezah panoqo tsue. Panongu gholo kuchou shi Alhou mllakeu ani, panonguno Alhou no piqhikeu ithulu.

2 Kor. 1:20

Kughengu Alhou no piqhipuakeu kumtsu pa gholono “Iye” ipikeu anike. Tighenguno pa vechewono Alhou jekipipu shinike ninguno “Amen” ipi cheni.

2 Kor. 3:18

Ningu kumtsuno agi kuzupumono Ampeu kimthe jukuvu yebide achenipe, eno tipau kimthe jukuvu huno pa kimihi kuchoulo akimthe jukuvu alau lono ningu pesu miviu tsu acheni; kughengu hiye Ampeu khuu Aghungu keno pa launo ighikeuke.

2 Kor. 6:17

Ikehu Ampeu no pi: “Nonguye panoqo gholono ipeghivelo eno panongu launo kututa shivelo. Mithekumo kiukeno bukevilo, eno ino nongu ikhilu nani,

Galatiami 3:16

Ikelo, Alhou no Abraham lau eno pa polo kughuko lau ashoqhi shike. Tipaulo, “pa polo kughukomiqo” ipi puamoe, tishikeaye timi kutomo lau shinicheke, ikemu tipaulo. “apolo kughuko” ipi puani, tipau kiqiye timi lakhi pi anike, tiye Khristo ke.

Galatiami 6:8

Timi khunono timi lhoayelo xusuni keno paye tipau launo akithipu xolu nanike; ikemu khunono Aghungu lo xusuni keno paye tipau launo alhokupuju kuxu xolu nani.

Ephesiami 4:13

Tiye ningu kumtsu akupululo tekhoilu, Alhou Nu ithikutolu eno Khristo ye khuu keno pa ghili ithi kupu lumoke kutolo mla apeniyeke.

Kolosiami 3:10

Hiye pa lhokusuu Alhou no pa ghili ithiluve peniye tamono pa ngulho kimihi lono shikithetsu acheni.

IBRIMI 12:10

Kughengu ayeghilo nipunoqoye ado ikhonheyi keu ghenguno pano mlo chipiu shipeniye ningu sakiyi qoputhu cheni, ikemu Alhou ye nikivipu ghenguno shi cheni, tiye ningu pelo pa kimthe kusaje peniyeke.

IBRIMI 9:15

Highenguno Khristo no Puloshoqhi Akitheu pekime kutsuuke, tishianguno Alhou no kuluvekemi pelo lhokta mheghi piqhipuakeu ithulupe niyeke, kughengu akithi lakhi thipe puakeu huno timino puloshoqhi atughiu qholo akelo pimipuakeu launo panongu xachile phelu anike.

James 1:27

Apu Alhou zulo mutsumisheyi keu eno tukutiye kuhakeu chineyehye hike: mighimugha chikamujo keu, chimemino aghimeshi akelo tuchoheju keu eno ayeghilomi pelo pa kitiqeve pemono ngo lukeu huno achineyeh kuchouke.

2 Peter 1:1

Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.

2 Peter 3:13

Ikemu Alhou no piqhivekeu toi ninguye kungugha kithe eno ayeghi kithe khileno amikucho cheni keno tipau kheani.

2 Peter 3:9

Timi khamino kumsukeuno Ampeu ye pano piqhive keulo asheshi auve cheni kughashi kemu paye tishimo nani. Ikemu paye nongu lau kheakulu shi anike, kughengu paye timi khuu pelomu puhavepe nishimoe, ikemu kumtsu pelo axine lono xakide ighivepe nishi ani.

1 John 2:25

Khristo no ningu tsunike piqhipua keu huye lhokta kuxuke.

1 John 3:2

Ino kimiye chekemiqo, itehi ninguye Alhou nuliqoke ikemu ninguye kiu shiuve nani keno pephepiye mphike, ikemu kughou Khristo no ipeghini keno ninguye pa toive nani kepi nino ithi ani, kughengu paye kuchouno kiukeno ninguno ithulu nani.