1 Tim. 6:9 - BAIBEL (BSI)

⁹ Ikemu khunono kinikulu shinikeu mine cheni keno ghuju pejukeulo ikiqi ilove cheni eno mbomzu ngo ghuzaghugha sholukepu lichhelo ilove cheni, tipaqono puhapighiyi keu ngo hepusa pughayikeulo timi sunhesuve cheni.

Sümi Tiqhelimi Bible

⁹ Khunoqo no kinikulu shinishi cheni keno panongu ye ghukuju, alichhe, nikhanigha jeli eno shiküpüsapu kükümsü khipaqo kütsakungo keu lo timi sailove cheni keno ghukuju tipaqo lo ikiqive cheni.

Sumi Naga CL (Re-edited) Bible (BSI)

⁹ Ikemu khunono kinimi shinikeu mine cheni keno, ghukuju lo ikiqi ilove cheni, akümsapu lichhe lo ikiqive no timi kütsave chekeu mbomzü kükümsü lo sünhe süve cheni

1 Tim. 6:9 Mawu Ofanana

KUKAMI ATUGHIU 21:6

Tileno pano khochile, “Nabot no ivilo pikeu tsa ghengunoke. Ino pa tsailu qhulu tsunipi, momu pano pulo aghiaye tipau thelilo atsailu kutau tsuni pikemu pano ivilo pikeuno niye khilemu tipau lumlae ipie!”

LESHELE 11:6

Kixikilami shou pano amiyi kuiqu ngo amichu ghuqhi puku cheni; Pitipuzakeu mulhu pesu panoqo saje shitsu cheni.

AHOLE 15:27

Amikuchokumo lono kighisheluniye pukaputsa aye noye akibolomi sasu akupunalo ilove nani. Kulugho tsukeu lukevilo eno noye axushu nanike.

AHOLE 20:21

Nono kishi mlaleyi shipuzu okinikulu shiluni keno tiye oghengu akivipu kitila likhi shilu nani.

AHOLE 21:6

Amikucho kumo lono akini ithulukeuye paikhavino hauve cheni tiye akithilo osailo mphi lono tishive cheni.

AHOLE 22:16

Nono kinimi tughotili tsuaye momu kinimi shiniye kumlhomi nedaqoda aye noghi kumlhomi shive nani.

AHOLE 23:4

Kinimi shiniaye okuxu pepuzuveno kulhokugho shimonike alotsulo.

ISAIAH 5:8

Nonguye ahasapuke! nonguno aki alu alau qhukupha eno puzuu akeu gholo pekuqha cheni kushuwa kumo dolono kutami pelo a-a kuhano xusumlavepe cheni eno ayeghilo nongu likhi xuauve cheni.

ZEKHARIA 11:5

Panoqo pighiuno panongu ghiqhi cheni eno ghikiqhimi shou aghime tsumono wuvepe cheni. Panonguno ashi jepuzu ishi picheni; ‘AMPEU shelo! Ninguye kinimi shiluvae!’ Bheriqo kheu ghi bheriqo kimiye qhiyi keu kuhake.”

AKIKIHI 31:8

tipaqo gholo Mediyami kukami pungu ghi pithive tsu: Evi, Rekem, Zur, Hur eno Reba. Panonguno Beor nu Balam ghi pithivetsu.

MATTHEW 13:22

Asahu gholo apiti vesulukeu huye khunoqono asutsa chilu ikemu hipa kuxu ghili kumsu eno akini kupu keuno asutsa hu ghusuvepe ishi kemiqo, eno panonguye athi pithimove cheni.

MATTHEW 19:22

Apumi huno hipau chilukelo pa mlo-kusa shi wove, kughengu pa ye ighono kinimike.

MATTHEW 26:15

eno ishipi, “Ino Jisu kichephepe nongu tsu aye nonguye kiu itsuni kya?” Ikelo panonguno tsandiyi shighi kihi pesu pa tsu.

MATTHEW 6:19

“Ayeghi hipaulo apila ngo ayisano tsapuhavetsu eno kupkamino hepho-piniyi ilo pukapewuve keu-alo nongu likhi nongu sala akini pekutsu kevilo.

Mark 4:19

ikemu ayeghilo kuxu kumsupe kutakihikeu eno akini ju aghichipokeu eno kutau thwokha minekeuno iloghive puzu Atsa hu ghusuve cheni eno athi pithipemove cheni.

Luke 12:21

Kishekhaghi Jisu no pi, “Timi lakhino alikhi asala akini pekutsu lupaghi namu Alhou kudauye kumu kuha aye titoive nani.”

Luke 21:35

Kughengu tiye alichhe shipuakelo toi phayi ayeghi qhalo timi kumtsu shou ighi nani.

Apostolmi 8:20

Ikemu Pitor no pa vilo pi, “Owu pisa ghi ogholono puhavelo, kughengu nono kumsu keuno pisa pesu Alhou no kumsagho tsukeu qhulu nani kughashike.

Ephesiami 4:22

Tighenguno nonguye puzuu kuxu ghola pishikiqhi eno shikupsa lhoayeh aqau qhivelo.

ZAKINIU 7:25

Panoqo su-atu julho pitivetsulo. Panoqo shuna momu tsandi pepu aghikeu jumine kevilo eno nosala tipau lukevilo. Nonguno tishi aye tipauno nongu meluve nani kughengu AMPEU ye ajulho mllakeu mithi chenike.

1 Tim. 1:9

Tishimaye hi ithimasa kepushi ani ike ayezah qoye timi kivimi ghenguno mlape puamoe ikemu ayezah hexakemi, hekibidemi Alhou kumthami, axine shichekemi, achineyeh thachekemi, mithemokemi, apuh ghiqhi kemi,aza ghiqhi kemi, timi heqhi-buqhi kemi,

1 Tim. 3:7

Pa ye akukuho kumomiqo gholo ghi pa ghili kivi pikemi aghimasae, tishianguno pa pipusamo nani eno Tughami lichhelo ilomo nani.

1 Tim. 6:10

Kughengu pisa kikimiye no alhoksa jeli kumtsu kuhu aghuke. Hipau kimine lono timi khamiye akupulu lono igho susu wuvae eno amlo ghimepu kumzapuno pano mlo vephopiniyivae.

1 Tim. 6:17

Ayeghi hipaulo kinimiqo vilo qheza kevilopi pilo momu kiu shiveniala mtha aphikeu kini shou pano lajupu bekevilo pilo ikemu alokiqipu shilupeniye thwokha kupukunoshi ningu tsuchekeu Alhou shou lajupu belo pilo.

2 Tim. 2:26

Tishiluaye panonguno kumsuchilelu nani eno tughami no panoqo mepe qhi puzu pa gho apulou shiape keu lichhe launo polu nanike.

Titus 2:12

Tino ningu vilo Alhou sumokeu kuxu ngo ayeghilomino minechekeu pheveno hipa yeghilo iqu-ighayi keu ngo mutsumisheyi keu eno Alhou lau amlo tsukeu kuxu xulepi ningu kutsupiye cheni,

JOSHUA 7:11

Israilmino pimivae. Ningu dolo ashoqhi zah kutsu hu panonguno hephovae. Panonguno shipsave kepu mhemgha ikhiluvae. Panonguno pukaluveno mikivae eno pano nhemgha gholo qhiluvae.

2 Peter 2:3

Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.

Jude 1:11

Timi tipaqo ghenguno ahakusapuke! Panonguye Kain no pulakeu laghi pula cheni, eno pisa ghenguno alakimneshi Balaam no kuquvekeu xine lau papewu cheni. Kora no hebide ipeghikeu toi panonguno hebide puzu Kora toi panonguye puhave ani.