1 Tim. 6:11 - BAIBEL (BSI)

¹¹ Ikemu, no Alhou timi, noye hipaqo kumtsu phevelo. Noye amikuchou, Alhou lau amlo tsukeu, akupulu, kikimiye, kutuukulu eno akumtshano okimiji shilo.

Sümi Tiqhelimi Bible

¹¹ Ikemu no Alhou’w timio, hipaqo kümtsü lono pove lo eno achipiumikuchou, Alhou sükümsa, aküpülü, kikimiye, kutuukulu eno mütshaivü keu phulo.

Sumi Naga CL (Re-edited) Bible (BSI)

¹¹ Ikemu, no Alhou timi, no ye hipaqo lono polulo. No ye amikucho, Alhou sükümsa, aküpülü, kikimiye, ithamokeu, akümtsha püzülo.

1 Tim. 6:11 Mawu Ofanana

KUKAMI ATUGHIU 13:1

AMPEU zah kutsu lono Juda lono tungkupumi lakhi Bethel lo wuve eno Jeroboam no akumlla gho tsu niye puthugho ake lono ighilu.

KUKAMI ATUGHIU 13:26

Kughou amchou tungkupu huno tipau ghili chilukeno pano ishipi, “Tungkupuu tipauye AMPEU zah hebidevekeu ke! Tighenguno AMPEU no abongushu puwuno pa heqhiveke, tiye AMPEU no shi nani pi piqhipuakeu kiqi lono.”

KUKAMI ATUGHIU 17:18

Lino Elija vilo pi, “Alhou wu timi, noye kushiye ilau hi shivetsu kya? Noye hilehi ighino Alhou pelo ixine kumsuchile lukithe peno tipau ghenguno inu pithive tsukesha?”

KUKAMI ATUGHIU 17:24

Lino khochile, “Noye Alhou wu timi ipi ino ithivae eno AMPEU no mutsuqheyi ovechewo pitsu chenie!”

KUKAMI ATUGHIU 20:28

Tungkupumi lakhino akukau Ahab lau wuno pi, “Hiye AMPEU no pi ani: Siriyamino niye atoqo lhou eno aqa lhouye kumoe ipi anike ghenguno, pano wu ghushimi kutomo shou opelo toluvepeni eno tishikeu lono noghi eno iwu timiqo ghi niye AMPEU ke ipi ithilu nani!”

KUKAMI AKINIU 1:13

Itaghi akukauno kijemi lakhi gholo timi lhopungu hapuwu. Pano atolo iqhoghino khonhequ Elija zulo itsaqi eno hitoi inikhuthu, “Alhou wu timio, ikimiyetsulo eno iwu timiqo kuputsulo. Ningu kuxu pukhalu tsulo!

KUKAMI AKINIU 1:9

Tileno pano kijemi lakhi gholo timi lhopungu kuto tsuno Elija saghi lopi pipuwuve. Kuchono akijeu huno Elija ye ato lakhilo iqa aghikeu phuluno ishi pa vilo pi, “Alhou wu timio, akukauno ovilo hilau iqighilopi ahza otsu ani.”

KUKAMI AKINIU 23:17

“Hiye khuu kumo kya?” pi pano iniju. Bethel lo timiqono khochile, “Hiye Juda lono ighikeu tungkupu kumoke, ishi nono kiu shikeno pano khaghino piqhipuakeu ovechewo shikupulu ani.”

KUKAMI AKINIU 5:20

Elisha qeu Gehazi no pa likhi pa putsaghi pi, “Impeu ye Naaman launo kiu nhemgha mu lumono vejoi phepuwove! Paye Siriyami kijemi hipauno agho pa tsukeu luvekepu shiae. Xukuau MPEU jelono niye pa hasu huni eno pa launo thime hami khuluveni.”

YEKIKITHI ATUGHIU 23:14

Ikemu Muse nuliqoye, Alhou timi eno Levimi gholo kihisu kuqhae.)

YEKIKITHI AKINIU 8:14

Papu David no ayeh kithipe qhitsu keu papeghi pano achinemi ngo achinemi kuphu chekemi Levimi kumla kishekulu kithikiyi shitsu ke, tiye ale phekeu lo eno panoqo kumla mla keulo. Alhou wu timi David no ahza tsukeu kiqi lono pano achineki khemiqo pelo ghi amqo amqo shi puzu pututa shelo khagho lakhi khilo tsalakipe kumlapu saje kutotsu ke.

NEHEMIA 12:24

Hashabia, Sherebai, Jeshua, Binui eno Kadmiel no mijetsukeu qholono Levimiye amqoshi kithikithewo. Amqo kinino kivetsughu ghi Alhou sheqhe eno pa shikimthi cheke, tiye akukau David Alhou wu timino kichepiye keu kiqi lono shike.

NEHEMIA 12:36

Pano limi kutamiqono pa papecheke, Shemaia, Azarel, Milalai, Gilalai, Maai, Nethanel, Juda eno Hanani, panoqo kumtsu akukau David, Alhou wu timi huno pechekeu lebo kimihi pecheke. Akighithiu Ezra no hipaqo shekujojo chekeu tughiu shicheke.

LESHELE 34:14

Alhoksa launo tsughuvelo eno akivi mlalo; omlo kuchopu pesu aloino keu pukaputsa phulo.

LESHELE 38:20

Ino achipiu shiniye pukaputsake ghenguno akivi zuqhulo alhoksa tsuchileche kemino ighumi shiani.

AHOLE 15:9

AMPEU ye alhoksami laghi mithike ikemu khunono achipiu shicheni keno tipaqo kimiye cheni.

ISAIAH 51:1

AMPEU no pi, “Nongu xaluve penishikemiqo, itsa inilo, kuphupe nike ilau ighi kemiqo. Atuqu khipau launo nongu ighi keno kumsujulo, khipau tu kuchhuki lono nongu chhuphelu keno kumsujulo.

JEREMIYA 35:4

Achinekilo sawuke. Ino panoqo sasu Igdalia nu tungkupu Hanan khophemiqo chebolo iloke. Achebo tipauye Shalum nu Maseiya, Achinekilo kijemi akhotou shiakeu chebo shouke eno tiye kijemi kutamiqo chebo kupunuloke.

Rommi 14:19

Tishiaye, kiu lono kulashilu eno lakhino lakhi shikumtolu cheni keno tipaqo hajuni nolo.

1 Kor. 10:14

Tighenguno, ino kimiye chekemiqo, alhoaye julho mllakeu phevelo.

1 Kor. 14:1

Tishiaye, kimiyekinino nongu kimji shilo, eno Aghungu no agho tsukeulo akhotono tungkuputsa pi keulo nongu mlo tsuqhiyilo.

1 Kor. 6:18

Kipti toti dolo mithemokeu lono tsughuvelo. Timi lakhino axine kutau kiu shini keno tiye pa phimpi nguno khalauke; ikemu khuuno kipti toti dolo mithemokeu shini keno paye pa phimpi shou axine shipuku ani.

ZAKINIU 16:20

Pulhapuju akivi eno achipiu shilo tishianguno nonguye AMPEU Alhou no nongu tsu akeu yeghilo ngolu nanike eno tilehi xu achelu nanike.

ZAKINIU 33:1

Kukumgha hipaqoye Alhou wu timi Muse no pano thini ke zulono Israilmi shou pipuku tsukeu ke.

1 Tim. 1:14

Jisu Khristo gholo xukimepe akeu vechewo akupulu ngo kikimiye ningu wu khikhi ani keno tipau gholono niMpeu kupukini shishe ishou lepuku tsuke.

1 Tim. 4:12

Timi khuu pelomu noye lhothemi kepi ojukunatha pekevilo, ikemu atsapilo, ghushoghililo, kikimiye piyekeulo, akupululo eno mutsumishei keu kuxulo xulo.

1 Tim. 5:10

eno akumla kivi shichekeu ghenguno ajepipi cheghikemi, atianuli akivishi saputhu puaghikemi, inami sasukinimi, Alhou qemi pukhu qhutsuchekemi, shilukusami kuphu chekemi eno thwokhalo akumla kivi shichekemi shiaghi masae.

1 Tim. 6:20

Timothio, opelo jukutopeniye kiu otsupuani keno khelo Alhou sumokeu tsapi eno timino mtha puzu “Akighithi” kighekile chekeu hu phevelo.

2 Tim. 2:21

Timi khunono alhoksa inapugha keu launo mithelu nikeno avehu akhotopulo pa peithalu nani, kughengu paye akumla kivipulo peitha kulupushi pa Mpeu lau ikhipetsuve keu shi kutope anike.

2 Tim. 2:22

Ikehu lhothemi shiakelo ngosukumla launo povelo eno amlo kimthe shino Ampeu vilo khukemi muqo gholo supuzu amikucho, akupulu, kikimiye eno kuloni kughuvuyi keu shinikeu phulo.

2 Tim. 3:10

Ikemu noye ino kutsuche keu, iwu ghushoghili eno ikuxulo kiu mijipesu chenikeno papelue. Noye ikupulu, ino kheakulushi chekeu, ino kimiyechekeu kumtsu ithi ani. Antiok, Ikonia eno Lustra lo

2 Tim. 3:17

tishianguno Alhou qeu shiakemi pelo akumla kivipu kumtsu shitsashilu eno kupukulayilu peniyeke.

IBRIMI 12:14

Timi kumtsu sasu kulashi anikeu pukaputsalo eno akimtheshi xunikeu pukaputsalo, kughengu tipau kuhakeloye khunomu Ampeu ithumla nani.

1 Peter 3:11

Paye alhoksa launo tsughuveno akivipu shilo; Paye alokiqipu phulo eno tipau puzusu wulo.

SAMUEL ATUGHIU 2:27

Tungkupmi lakhino AMPEU launo ighikeu sutsa hipau pesu Eli lau sughi: “Kughou nongu pasu Aron eno pa laghaqo Ijipmi kukau quaxemi shi achekeno, ino ikutoshino Aron lau pephe piye.

SAMUEL ATUGHIU 9:6

Aqeu huno khochile, “Qele, hipau taunlo akimthemi lakhi ani eno timi kumtsuno pa gihu ikhilu cheni eno pano pikeuye kumtsu kuchou shi achipikalu chenike, paye hile acheni. Tighenguno nikujo pa lau wuni shilo, tishi aye gadahaqoye khile anikeno pano nikujo vilo pitsu lunani.”