1 Tim. 6:10 - BAIBEL (BSI)

¹⁰ Kughengu pisa kikimiye no alhoksa jeli kumtsu kuhu aghuke. Hipau kimine lono timi khamiye akupulu lono igho susu wuvae eno amlo ghimepu kumzapuno pano mlo vephopiniyivae.

Sümi Tiqhelimi Bible

¹⁰ Kughengu pisa kimiye keu ye küsakügha jeli kümtsü kuhu-aghü ke. Timi khami ye pisa kimiye kelau no aküpülü lono igho süsü wuvae eno amlokighishi kutomo no pano mlo vephopinivae.

Sumi Naga CL (Re-edited) Bible (BSI)

¹⁰ Kughengu pisa kikimiye no alhoksa jeli kümtsü kuhu-aghü ke. Hipau kimne lono timi khami ye aküpülü lono itsüsü wuvae eno amlo ghuju jeli no panongu jiqhi anie.

1 Tim. 6:10 Mawu Ofanana

BOTHUBO 29:14

Laban no pavilo pi, “Kuchouno noye nishi niyehke.” Ike Jakob no pa gholo aqhi lakhi kupuju ngove.

BOTHUBO 29:26

Laban no khochile pi, “Hila ni ghakhu loye ayitiuno akichiu zuwuno kulauni keu akhu ayeh lo kuhae.

BOTHUBO 34:27

Jakob nuliqono ighieno pighiaghikeqo heqhie eno aphulo akulupu thaqhu luvetsu, kughengu panongu chepu shikuchhubeve tsukehu.

BOTHUBO 38:16

Pano ala phelo li lau tsughu ighi no pi, “Hila ighilo, ino osasu zunie.” Kughengu liye pa mukishiu kepi paye mtha. Tile lino mopi, “Noye kiu itsuni keno isasu zuniepi ani kya?”.

KUKAMI ATUGHIU 2:40

Pano pawu gadaha shou ikuno Gat lo akukau Akis lau paqemi pama phusu ighi. Pano pama phuluno sachile su pa kilo saighilu.

KUKAMI AKINIU 5:27

Tighenguno Naaman kusu huno oshou ikughiniae eno tiye no eno olaghaqo lau alhokuthu acheuvenia!” Kuchono Gehazi no cheve kemtsa paye apugha kusu hu ithuluve, pa yikono murasu kimiyetoive.

LESHELE 32:10

Alhoksamiye shilusa nani, ikemu khunono AMPEU pukhu cheni keno pawu iqemokeu kikimiyeno susholu cheni.

LESHELE 62:10

Anguka vesuchekeu kuxu shou pukhu be kevilo, suxaluve chekeu lo ala shilu nani kepi kumsu kevilo. Okuakini alaushive namu tipaqo pukhube kevilo.

AHOLE 1:19

Suxakulumiye suxakulu lono thive cheni, khunono heqhibuqhi cheni keno hikithipu shive cheni.

AHOLE 1:31

Tishiaye, nonguno kiu ithulu kuzupu keno tipau ithulu nani eno nolikhi nokumlano nongu ngaqhi nani.

AHOLE 15:27

Amikuchokumo lono kighisheluniye pukaputsa aye noye akibolomi sasu akupunalo ilove nani. Kulugho tsukeu lukevilo eno noye axushu nanike.

YETSAPIU 2:19

eno khuno ithi ani kya? Paye alokutsumi shiaghiluvi momu anikhami shiaghiluvike. Ikeghi ino mlaqhikeu kumtsu eno ayeghi hipaulo ilokutsuno ipelo qelupekeu thwokha pawu shive nanike. Hi kumtsu adouke.

ISAIAH 1:23

Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

ISAIAH 56:11

Panonguye atsu alakimineno khilemu lukumkha shimokeu toike. Sakiphemi hipaqoye ithikuta shikeu kuhake. Panoqo milakhi khino pano pulokeu shicheni eno pa kivipu likhi phucheni ke.

EZEKEL 13:19

Nonguno barli thi au kie lakhia kinia eno ashopa lakhia kinia ithuluni aye iwu timiqo gizu lono iphimo gihumo chenie. Nonguno timi thive kuzupu kumomi pithive cheni eno timi thive kuzupu timiqo puxupe qhive cheni. Ike nonguno iwu timiqo vilo akimki tsa picheni eno panonguye nongu pulu acheni.”

EZEKEL 16:33

Kusalhamiye ame tsuchenike ikemu noye olojipumi kumtsu lau nono agho tsuke eno osasu zupeniaye aqha kumtsu lono ighipe nike nono tuqhou gho tsuchenike.

EZEKEL 22:12

Nowu timi khamiye atha ajume ithuluniye timi ghiqhi cheni; khamiye pano kusami Israilmi lau punakeulo akighishe khulu cheni eno tipaqo shou akumo akukuhau shikeu lono kinikulu shiluve cheni. Panonguye ikumsumaveke.” Akughushu MPEU no piveake.

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

MALAKI 1:10

Aqokitikhi MPEU no pi, “Nongu gholo khuala pelono achineki hukikha khave penishi anie, tishianguno nongu pelo imllakeu khachelo avehu kuhakeu mi kuyiqu pemo nike. Niye nongu jupe imlo qi amoe. Niye nonguno akumllagho ilau sughikeu ikhilutsumo nani.

MATTHEW 13:22

Asahu gholo apiti vesulukeu huye khunoqono asutsa chilu ikemu hipa kuxu ghili kumsu eno akini kupu keuno asutsa hu ghusuvepe ishi kemiqo, eno panonguye athi pithimove cheni.

MATTHEW 23:13

“Nongu Ayezah kukutsumi ngo Farisimi ghenguno ahakusapue! Nongu kuhakughaqo! Nonguno timiqo launo Kungugha yehkipe hukikha khavetsu; nonguno iloke kumo puzu tipaulo iloniye pukaputsa akeqo pelo ilopemoe.”

MATTHEW 6:19

“Ayeghi hipaulo apila ngo ayisano tsapuhavetsu eno kupkamino hepho-piniyi ilo pukapewuve keu-alo nongu likhi nongu sala akini pekutsu kevilo.

Mark 4:19

ikemu ayeghilo kuxu kumsupe kutakihikeu eno akini ju aghichipokeu eno kutau thwokha minekeuno iloghive puzu Atsa hu ghusuve cheni eno athi pithipemove cheni.

ZAKINIU 16:19

Panonguye kughatha keulo amikuchokumo momu agi kuju shikevilo; panonguye kulugho lukevilo kughengu aghotsu keuno alokutsumi eno amikuchomi nhethi ghi kighichevetsu cheni eno panoqo pelo akumou xakutha tsuve chenipeke.

ZAKINIU 23:18

Tike kumono, hitoi shipuzu pisa qelukeuye shoqhi bekutha shikupukeu lakhi shinike AMPEU nongu Lhou kilo suloghi pekevilo. AMPEU no achinekilo kusalhami jumithi achenike.

Kolosiami 3:5

Tighenguno nongu lolo ayeghilo minechekeu hu pithivelo, hipaqo toike: kiptimi totimi dolo mithekumo, kuchhube kutsula, ngosukumla, aghichikupo eno alakimine (kughengu alakimineye ajulho mllakeu ghola lakhike).

1 Tim. 3:3

Paye shokumzumi shimoni momu anguka vesukemi shimoni ikemu ivunheyi eno iquighai kemi shimasa. Paye pisa kiminemi shimoni.

1 Tim. 6:21

Kughengu khamiye hipau pe panongu wu shi pi cheke eno tileno akupulu laghi puhavae. Alhou wu kupukini nongu gholo apelo.

1 Tim. 6:9

Ikemu khunono kinikulu shinikeu mine cheni keno ghuju pejukeulo ikiqi ilove cheni eno mbomzu ngo ghuzaghugha sholukepu lichhelo ilove cheni, tipaqono puhapighiyi keu ngo hepusa pughayikeulo timi sunhesuve cheni.

2 Tim. 3:2

Kughengu timiqoye hipaqo shiwuve nani: alikhi ampi kikimiye, pisa kimine, aqhekuza, lahilaza, timi phimo-gihumokeu, apu-aza hekibide, shikimthi kukuha, achineyeh kiphikumo;

2 Tim. 4:10

kughengu Dema ye hipa yeghi kimiyeuve puzu iqhivae eno Thesalonia lo wuvae. Kreska no Galatia lo wuvae eno Tito no Dalmatia lo wuvae.

Titus 1:11

Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

James 5:19

Ithikuzumiqo, nongu gholo milakhino kuchou launo alakumolo wuvenikelo kutami lakhino timi tipau sachile saghilu aye

JOSHUA 7:21

Ningu no khathaluve keqo dolo Babilon lo phi aloke lakhi, tsandiyi kilogram kini eno shunamqo kilogram tuxanguno akimshiu ishi ithuluno tipaqo lunishiveno ikhiluveke. Tipaqo ipusho alou chhuqho puani eno tsandiyino aqhoshi qhopuanie.

Jude 1:11

Timi tipaqo ghenguno ahakusapuke! Panonguye Kain no pulakeu laghi pula cheni, eno pisa ghenguno alakimneshi Balaam no kuquvekeu xine lau papewu cheni. Kora no hebide ipeghikeu toi panonguno hebide puzu Kora toi panonguye puhave ani.

Piyeküsü 18:13

Yeghuthi, vekuju mukhu, tsungquikeu, musughuta, axokutsungu teli, aji, teli, asho thi, atsu-aqu, bheri, khurshi khurkulu, aqemi eno timi lhoxu jeli khunomu qhulumoae.