1 Tim. 5:6 - BAIBEL (BSI)

⁶ Ikemu chimemi khuno li kuxu kilhekulhu xuni keno liye xu anamu kithimi shiauvae.

Sümi Tiqhelimi Bible

⁶ Ikemu chimemi khuu no ashi lo ghakiqipu ghenguno xü acheni keno li ye xü aphi lono thive keu paphi ke.

Sumi Naga CL (Re-edited) Bible (BSI)

⁶ Ikemu chimemi khuu no li küxü kilhekulhu xüni keno, li ye xü aphi lono kithimi shivae.

1 Tim. 5:6 Mawu Ofanana

BOTHUBO 2:17

ikemu akivi eno alhoksa ithilupe chekeu subo xathi noye chukevilo. Kughengu tipau chukeu tsala nino noye thini putsae.”

AHOLE 29:21

Aqeuno itimi shiaphi lono pano lunishikeu thwokha pa tsu che aye ghulo lakhiye nono pighiakeu kumtsu pano luve nani.

ISAIAH 22:13

Tishinike zuqhu nongu ye nuauve eno ahukulu lokivi shiauve. Nonguno chuniaye bheri ngo amshi heqhi eno nonguno aji sho auve. Nonguno ishi pike, “Ninguye chu sho ani nolo kughengu thiniake.”

ISAIAH 47:1

AMPEU no piani, “Babilon, okuka lakhu lono iqighivelo, eno ayeghi mukhulo iqalo. Ghuthu lakhi noye ilimi toike, le mlakeu phughike, ikemu itehi noye mutshaminhei eno muduniyi keu kumovae! Noye itehiye aquaxemi lakhi ake!

JEREMIYA 6:2

Zion phughiye jukivike ikemu tiye kutsaleve nani;

AKUMLO 4:5

Timi khunoqo achuqupu kivi chuche keno itehiye alaghilalo akhuavano thiani; Nibonilei peitha no saputhu pua keqo huye xine xigha pekile alo achuqupu lheju anike.

MATTHEW 8:22

Ikemu Jisu no pa vilo pi, “Noye ipapelo, eno kithimi pelo pano wu kithimi jupithi apelo.”

Luke 12:19

ino ilikhi ivilo ishi pini: Ingulho, angukivi kutsasae! Noye anhemgha kivi kutomo pekutsuvae, ililai alo, chu-sho eno alovi alo.’

Luke 15:13

Anu ayitiuye atsala hami thiu amheghi pa saje thaqhuye jekutsu, eno pisa pesu pano yeghi qhiveno wuve. Paye ayeghi kushuwalo wuve eno tilau lahilazakeu kuxu lono pisa kumtsu kilhekulhu puwokhave.

Luke 15:24

Kughengu inu hipauye thiveke ikemu itehiye pa akuxu auvae; paye puhave ikemu itehiye pa phuluvae.’ Tishino aghulhu shia.”

Luke 15:32

Ikemu ninguye aghulhu lakhi shino alokivi shikepu shive, kughengu othikuzuuye thive ikemu paye xuaghie, paye puhave, ikemu itehiye pa phuluvae.’ ”

Luke 16:19

“Ghuthu lakhi kinimi lakhi shishe amekusho phimini pepu eno tsalakipe nibonile keulo xu ache.

Luke 7:25

Maye, nonguye kiu juniye wu kya? Timi lakhi muduni keu phi mini ukeu keo? Julo, khunono titoikeu phimini uni eno nibonile xu ani keno akighekilo aghi cheni.

Ephesiami 2:1

Nonguye axine eno pimikeulo acheke lono pano nongu puxu tsuke.

Ephesiami 2:5

ninguno pimichekeulo thi acheke lono Khristo gholo akuxupu akeu kudau pano ningu sasu ighiluke, Alhou wu kupukinino nongu xaluveake.

Ephesiami 5:14

eno kiu kiu namu ithuluvepe aye akuvu shiluve cheni. Tighenguno ishi pipuanike, “Ithuvelo, O zuakeu Kithimi gholono ithughivelo, Eno Khristo no oshou yepuvu tsu nani.”

ZAKINIU 28:54

Akuxu xuthivekemi kijemi kibo lono punukemi pinamu khasupe le akelo shishe avekusa shive no pa tianuli khami heqhi chunani kughengu paye achuqupu kutau kuha kehu. Eno paye atianuli tipau shi pa thikuzuu momu pano kimiyeche keu nipu momu pa tianuli kutami aghikeqo pinamu tsumono pano chuve nani.

ZAKINIU 28:56

Akuxu xuthivekemi kijemi kibo lono punukemi totimi shianamu, liye akinino kutsasa kehu khilaumu ala chesu wuchemo kemu lighi tipaphi shive nani. Aghumino li phughi khasupe leluve kelo, liye achuqupu ghenguno shishe avekusa shive puzu linga kughunu akitheshi punukeu eno tipau kuzukeu nha ghi kusuuno chuve nani. Liye pano kimiye chekeu akimi mu tipau kusajemo nani momu li tianuli khuumu sasu kusaje chumo nani.

Kolosiami 2:13

Nongu xine ghenguno ngo Judakumomi aphighu yiko ghamokeqoye Alhou kudauye thi acheke, ikemu itehiye Alhou no Khristo gholono nongu puxuvetsuae. Alhou no ninguno hekibide xine shivekeu kumtsu pevetsuae.

2 Tim. 3:6

Hitoi shikemi gholo khamiye muqumgha shi puzu timi kilo ilono tomochhimokemi totimi alikhi axineno qaqhipesu achekeqo eno thwokha mine-migheyi achekeqo,

James 5:5

Nonguye ayeghilo nibonileyi eno aghakiqipu lono xu acheni; ghiqhikepu tsala ghenguno nonguye atha pubeyiluvae.

Piyeküsü 18:7

Lino ajekipi eno nibonileyi pepimheke hutoi Aghime eno amlo kusapu tijehi li tsulo. Kughengu lino li likhi li vilo ishi piche; ‘Akukaliu lakhi shighi ino hile iqa ani! Niye chimemi lakhi kumoe, Niye khilemu amlo kusa shimo nani!’

Piyeküsü 3:1

“Sardia akukuhoulo kungumi akeu lau yelu ani: “Hipauye Alhou kimthe ghahwu tsuni eno ayepu tsuni peakeu tsapeke. Ino okumlaqo ithiani; noye akithi kemu akuxu kua je puani.

SAMUEL ATUGHIU 15:32

Samuel no ahza tsu, “Akukau Agag ilau saghilo.” Agag no pa lau ighi, akumsano thuthushi, pa likhi pa mlo kutono hishi kumsughi ighi, “Thiveni keuye kiutoi kukhu kimjikelae!”

SAMUEL ATUGHIU 25:6

Nonguno petha pa tsughi ishi pilo: “Kumghakeu olau, nokilo eno nono kiu anikeno tipaqo kumtsu shou alupelo.