1 Tim. 5:5 - BAIBEL (BSI)

⁵ Khuuno kuchouno chimemi keno eno li tucho hejukemi kuhakeno liye Alhou shou lajupu bepeauvae eno putho pucho Alhou pelo kuphutsupenike akighinishi khu acheni.

Sümi Tiqhelimi Bible

⁵ Chimemi khuu no ighono aveküsa shi no li likhiveni keno li ye Alhou lau liw lajupu qhicheni eno putho-pucho kümtsü akighini shi no Alhou lau akukuphu khu cheni.

Sumi Naga CL (Re-edited) Bible (BSI)

⁵ Khuu no kuchou no chimemi shive akeno, li ye liw lajupu Alhou shou bepe auvae eno putho pucho tamono qhüiniju inikhu acheni.

1 Tim. 5:5 Mawu Ofanana

LESHELE 91:4

Pano pa chishibo pesu onhaluve nani; noye pano tucho hejupe qhive nani; pa pukhukulu huno osholuve eno oputukhaluve nani.

ISAIAH 12:2

Alhou ye ixakuluu; niye pa pukhuni eno musaichivemo nani AMPEU no akuka eno akumto itsuke; paye ixakuluu

ISAIAH 3:26

Aphughi kuptu kikhano mloqa ighamuku nani eno aphughi huye totimi lakhi aphimini xavetsu puzu ayeghilo iqa akeu toive nani.

ISAIAH 49:21

Tileno nonguno nolikhi novilo ishi pinani, ‘khuuno nighenguno atianuli hijejehi lhotsu kya? Niye itianuli haukhaveke eno tinguno kutau lhomla kepu shiveke. Niye hapiye pighiveke - khuuno ati anuli hipaqo saghitsu kya? Niye ilikhiveke, atianuli hipaqoye khilauno ighikha kya?’ ”

ISAIAH 50:10

Nongu khunoqono AMPEU gihu cheni eno pa qeu tsa aghokulu shicheni keno, nonguno pula chekeu laghiye kuchouno zumoi aghiluvi, ikemu AMPEU pululo eno no Lhou shou mumubepe alo.

ISAIAH 54:1

Jerusalem, noye totimi anu hami lakhi toi acheke, ikemu itehi noye alokivi launo ighamuku alephelu nani. Noye totimi akimino khilemu phe mokeu nguno alaushi itehiye atianuli shilu nani!

AKUMLO 1:13

“Pano kunguuno ami puwuke, tipau mino ilolo pitiqhi. Pano ighenguno alichhe piqepe qhi ke eno ayeghi kudau isunheqhive. Tishi puzu pano iqhiveno ipelo atsala kupujulo sukutu auvepe.

Luke 18:1

Tileno Jisu no hipau holetsa panongu vilo pi, tiye panongu pelo pulhapuju akighini shi eno khilemu aghuthisu pemonikepu panongu shikani kehue.

Luke 18:7

Tishiaye Alhou ye paw timi kishekiphemi khunoqono putho pucho pa lau ighamuku akeu saphumoni kesha? Paye panongu kuphunikeu munu auve nani kesha?

Luke 2:37

no chimekeu ampe lhotache bidi shia. Liye achineki phemono putho pucho akukhu akighini shi Alhou mlla ache.

Apostolmi 26:7

Ike tipau piqhi puakeu ithulu kepushi ni shiayeh chighikinino amlo tsuqhiyi putho pucho Alhou mlla achenike. Hipau lakuju ghenguno Judamiqono inguku anie, o Akukau!

Apostolmi 6:1

Tishiwo kusho kumolo, apapemi alau shi ikowove kehu Grik tsa kipimi Judami ngo Ibri tsa kipimi Judami dolo mutomushukeu ipeghive. Grik tsa kipimi Judamiqono pikeuno atsala atsalalo achuqupu kijetsu chekeulo panonguw chimemiqoye kughuchovetsu cheniepi pike.

Apostolmi 9:39

Ike Pitor no kuto puzu pama sasu wue. Pano ighikelo pa sasu aki jolha kunguulo saiku. Chimemi kumtsu li phivilono mlo-qah eno Dorka no panoqo gholo achekelo mlakeu aphimini pa piye.

Apostolmi 9:41

Pitor no pa-u chhopuwuno li sunhe puthuve. Pano li puxupe kupulumi ngo chimemi tsue.

Rommi 1:12

Ike tiye akupulu lono ningu lakhino lakhi shikumtokile ani.

Rommi 1:5

Pa vechewo Alhou no ningu pesu apostolmi shitsuke.

1 Kor. 7:32

Niye nongu pelo kumsukimgheyi apenishi moe. Kulamo kemiye kishi puzu Ampeu pulou shiluni kelapi Ampeu kumlapu sajelo kumsukimgheyi acheni;

1 Kor. 7:34

ikehu pa kukumsu supho-kijeve ani. Kulamokemi totimi lakhiye eno ililhotheye Ampeu kumlapu saje ghenguno kumsukimgheyikeu acheni, kughengu aphi-mpi ngo angugha pesu Alhou lau akimthe shianishike; ikemu kulavekemi totimiye ayeghiqhalo kumlapu saje ghenguno kumsukimgheyi pesu acheni, kughengu liye likimi pulou shitsunishike.

Ephesiami 6:18

Ado aghuloki kumtsulo Aghungu no sapiyekeu lono Alhou vilo qhuiniju ghi pulhapuju inikhu chelo. Tipau kimji lono tsukhuyi shialo eno khilemu kughucho kevilo; Alhou wu timiqo ghenguno khuini tsualo.

FILIPIAMI 4:6

Kiu lonomu amlokutakihi kevilo, ikemu nongu kighini kumtsulo nonguno kiu avehupu shinikeno Alhou vilo khulo, pulhapuju shikimthikeu mlo pu puzu nonguno khuinilo.

1 Tim. 2:1

Tishiaye thwokha kumtsu nguno akhotoushi ino hakite akeuye timi kumtsu ghenguno Alhou vilo khulo, akighini shilo, qhuiniju lo eno shikimthikeu tsulo;

1 Tim. 5:16

Ikemu totimi kupulumi lakhi shiaghi puzu lino kibolo chimemi aghiaye, liye tipaqo tucho heju masae eno akukuhou pelo tipau amakho pupekevilo, tishianguno akukuhou pelo kuchouno chimemi shiaghikeqo tuchomujolu pekepue.

1 Tim. 5:3

Khunono kuchouno chimemi keno tipanoqo lau kuphu gihulo.

2 Tim. 1:3

Ipunoqo toi imlo mutsumisheyi shipuzu ino qechekeu Alhou shikimthi ani kughou ino akighini shinikeno tamono okumsulu ghi pa shikimthi acheni.

1 Peter 3:5

Kughengu khaghi akimthemi totimi khunono Alhou lau panoqo lajupu bechekeno tipaqoye pano kimi qhoqhukeu pesu pano jukivipushi pepucheke.

RUTH 2:12

Nono mulavekeu lo AMPEU pelo olochile peni. Eno Israilmi MPEU Alhou chishibo qholo oshokhalu penike ghengu ighini keulo ojume tsupeni!”