1 Tim. 5:22 - BAIBEL (BSI)

²² Ampeu kumla shipenike ghenguno tsaqutsaleyimo keloye khuu shoumu a-u betsu kevilo. Kutami xinelo kuloji kevilo, olikhi okughape muqhamiqhiyi shipualo.

Sümi Tiqhelimi Bible

²² Akukuho lo aghinimi shipe nikeu ghenguno tsaqütsaleimo kelo ye anguagha betsü kevilo, eno kütami xinéqo gholo küsaje kevilo. O likhi o pesü akimthe shi qhilo.

Sumi Naga CL (Re-edited) Bible (BSI)

²² Mighimghai sakiphemi kishephepe au betsü kevilo, eno kütami xine lo kuloji kevilo; o küghape mqhamqhiyi lo.

1 Tim. 5:22 Mawu Ofanana

Ephesiami 5:11

Akuzulo athi pithimokemi kumlaqolo chhosu kevilo, tishinike zuqhulo tipaqo pesu akuvulo saipeghilo.

1 Tim. 3:10

Panongu ghi kiutoi anikeno pu-ju paghi kepu eno panongu pujukelo achipishi aghikethiuno panongu pelo akukuholo akukuphumi kumla shipe kepue.

1 Tim. 3:6

Anileshi Khristo chineyeh lukemi timi shiaghikepu kumoe, tikumoaye pa ye aqhekuza launo kumobeyive puzu Tughami paphi shighi kughakuthapulo iloveno sake.

1 Tim. 4:14

Alhou wu tungkupmino pikeu eno kichimino okisheluno oshou a-u betsu kelono ololo Alhou launo ighikeu gho otsukeu hu kughuchove kevilo.

Apostolmi 6:6

Timiqono sawo apostolmi zulo qhi, eno panonguno panoqo shou a-u beno inikhu tsue.

2 John 1:11

Kughengu khunono timi tipau sasu petha shikile nikeno pa kumla lhoksalo kusaje auvae.

2 Tim. 1:6

Tighenguno ino oshou kukumgha betsu kelono Alhou no agho otsukeu hu iquipeghi penike opiputo ani.

IBRIMI 6:2

baptiz shilu keu, a-u kukumgha betsukeu, kithimi xuputhukeu eno lhokta kutolo kughatha bevekeu vehu ishi pesu itaghi aboqha qhakithe akepu kumoe.

2 Tim. 2:2

Thopimi kutomo kua lono ino pikulhache keu tsaqo nono chilupua keu hu ikhilulo, eno tipau pesu nono pulubekulumi, khunoqono kutami kutsupiyelu nani keno tipaqo lau pichebetsulo.

1 Tim. 4:12

Timi khuu pelomu noye lhothemi kepi ojukunatha pekevilo, ikemu atsapilo, ghushoghililo, kikimiye piyekeulo, akupululo eno mutsumishei keu kuxulo xulo.

Apostolmi 13:3

Panonguno kumvu akighini shi eno a-u chhope pama shou kukumgha betsuno puwuve.

Piyeküsü 18:4

Tileno kungugha lono asutsa kutau lakhi ishi pikeu ino chilu: “Iwu timiqo, li launo ipeghivelo, nonguye li xineqolo chhosu kevilo. Nonguye li ghimeqhikeulo kusaje kevilo!

Apostolmi 20:26

Ikehu ino akumtoshi ishi tsala lono nongu vilo pi ani, ike nongu gholo khuu khumu puhavekeuye imakho kumoe.

Apostolmi 18:6

Kughou Judami no pa hakha eno pa piputhauve keno Paul no pa makho kumoe pikeu shi-ghi pa phimini kuthopiye puzu panoqo vilo ishi pi, “Nongu kithiye nongu shouke! Tiye imakho kumoe! Hinguno hilau niye Judakumomi, lau wuniae.”

JOSHUA 9:14

Israilmi no panongu chuqupu hami ikhilu, ikemu tipau ghili AMPEU sasu kusutsajumove.

LESHELE 50:18

Nonguno kupkami khije ithuluni keno tipaqo sasu shou-pau shiwuveke; eno nonguno kusalhami sasu kuloji wuveke.

1 Tim. 3:2

Kughengu akukuholo sakiphemi lakhiye akipimi kuhakemi shimasae. Paye anipu lakhi likhi akemi shimasa, tsukhuyikemi alikhi aghasulukemi eno aghola kithikiyikemi shimasa. Paye inami sasuthikemi eno shikathikemi shimasa.