1 Tim. 5:21 - BAIBEL (BSI)

²¹ Alhou zulono eno Khristo Jisu zulono eno kungumi kishe kipheqo zulono opelo akukutsu tsa hipaqo pape penike ino ohakite ani. Khilemu kumsukutoju mono kughathabe kevilo eno agi jumono shilo.

Sümi Tiqhelimi Bible

²¹ Alhou, Khristo Jisü eno kungumi kishè kipheqo zülo no agikuju shimo no shikakütsü hipaqo pape pe nikeu, eno agikuju lono kiumu shipemo nike I no O pichetsü ani.

Sumi Naga CL (Re-edited) Bible (BSI)

²¹ Alhou ngo Khristo Jisü eno kungumi kishekiphe zülono o pelo akükütsü tsa hipaqo pape penike I no o hakite ani. Khilemu kümsükuto mono küghathabe kevilo, agi jumono shilo.

1 Tim. 5:21 Mawu Ofanana

LESHELE 107:43

Khunoqo alokutsumi keno hipaqo vehu kumsukutoju apelo; panongu pelo AMPEU wu iqemokeu kikimiye hu kumsukithe apelo.

LESHELE 119:34

Oyezah chixechileyi ivilo pilo eno ino tipau gholunike; imlo kuchopu pesu tipau pechenike.

AHOLE 18:5

Pimivekemi saphuveno pimimokemi pelo kuchou xakutha ithumlave pekeuye achipi kumoe.

ACHINE 14:42

Tishieno atu ikhive keqo alo atu kutau peithalo eno akijibolo nuda kepu kutau peithalo.

ACHINE 19:15

“Atsakugha kepulo kughono xakutha tsunikeno amikucho eno achipiu shilo; kumlhomi lau xadakevilo momu kinimi musave kevilo.

MALAKI 2:9

Tighenguno ino Israilmi pelo nongu jumithi pe nani kughengu nonguno ipulou ghobideke eno kughou nonguno iw timiqo kutsupiye keno nonguye kumtsu aphiphishi peithamoke.”

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

MATTHEW 25:41

Tileno pano pa-u piyiu akeqo vilo ishipi nani,”Ilauno chevelo, nongu Alhou no musuinivekeqo! Tughami ngo pawu kungumiqo ghenguno alhomi kutope puakelo ilovelo!

MATTHEW 28:20

eno ino nongu lau ahza tsuvekeu kumtsu panoqo pelo pelupe nike kutsu tsulo. Eno julo! ayeghi kishekhake kutolo niye pulhapuju nongu sasu ache nani.”

Luke 20:21

Tuqhouno agho chuve keqo huno Jisu vilo pi: “Kutsuchekeu, nono kiu pi eno kutsu cheni keno tiye achipiepi nino ithi anie. Noye agi juchemo, ikemu Alhou laghi kuchou kutsu chenie.

Luke 9:26

Kughengu khunono ni eno itsape shinikeulo kujoveni keno, Timi Nu ghi pa jukuvu, Apu jukuvu eno akimthe kungumiqo jukuvu lono ighikelo pano tipano je piphetsumove nani.

2 Kor. 5:16

Tighenguno ninguye timi kuxu ghola qhemi pesu khuu shou mu xatha chemoe. Ghuthu lakhiye ninguno timi kuxu ghola qhemi pesu Khristo shou xathaju che kemu itehiye khilemu tishimovae.

ZAKINIU 1:7

Aghazu xavelo eno iqe wuvelo. Amarimi naghuto qhalo eno tokujo kumtsulo wulo-Jodan khilalo, naghutoqha kudau eno Mediteriya Zughi sukumxalo wulo. Kanan yeghilo eno Libanon naghutoqo hechesu aghoki kije Eufrati kutolo wulo.

ZAKINIU 33:9

Panonguye kumzapu oqhoqhu keu piye, tiye apuaza, athikuzumi momu atianuli nguno alaushi. Panonguno nono ahza tsukeu gholu eno owu puloshoqhi lau amikucho shie.

1 Thes. 5:27

Ampeu jelono ino nongu piputo anike, athikuzumi kumtsu lau yesu hipau phisulo.

1 Tim. 6:13

Thwokha kumtsu kuxu tsukeu Lhou zulono eno Pontio Pilat zulo pikiphe akivishi shikeu Khristo Jisu zulono ino ahza hipau otsu ani:

2 Tim. 2:14

Nowu timiqo vilo hipau pesu piputolo, Alhou zulono panoqo vilo atsa kusuxa kevilopi tsaquyi kutughulo. Tiye akivipu kiumu shimlake ikemu iniakemi shipusa nikeu likhike.

2 Tim. 4:1

Alhou eno kuxumi ngo kithimi shou Kughakuthau Khristo Jisu zulono eno Khristo pephepiye nikeu ngo pa kukaqha ghenguno ino tsaquyi ohakite anike:

James 3:17

Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

2 Peter 2:4

Kughengu kungumi axine shivekemiqoye Alhou no khilemu qhichemoe, ikemu inhemokeu milo vesuve cheni eno Kughakutha Tsala kheakelo akuzulo tshupe puave cheni.

Jude 1:6

Kungumi khipaqono panono akepualo ngomoveno tipa-a kacheve nikeno , panonguye aqhou zumoikeulo lhokta yikichhe pesu tshuve cheni, eno kughakutha Tsala akijeu ighimoke kutolo qhipua cheni.

Piyeküsü 14:10

timi tipauye Alhou loghu ji lekitemokeu pa jukhulo lesuno shope nani. Timi tipauye kungumi akimthemi zulono eno Bheriti zulono ami ngo amichu pesu pitipuzaqhi nani.