1 Tim. 5:10 - BAIBEL (BSI)

¹⁰ eno akumla kivi shichekeu ghenguno ajepipi cheghikemi, atianuli akivishi saputhu puaghikemi, inami sasukinimi, Alhou qemi pukhu qhutsuchekemi, shilukusami kuphu chekemi eno thwokhalo akumla kivi shichekemi shiaghi masae.

Sümi Tiqhelimi Bible

¹⁰ eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

Sumi Naga CL (Re-edited) Bible (BSI)

¹⁰ li ye akümla kivi hitoike ghenguno ajuaje kivi aghi masa: atianuli akivishi saputhu kemi, inami sasü kinimi, Alhou qemi pukhu qhutsü kemi, shiluküsami kuphu kemi, eno thokha lo akümla kivi shi kemi.

1 Tim. 5:10 Mawu Ofanana

BOTHUBO 18:4

Azu sughino nongu pukhu qhuvetsu pelo eno asubo kicheqholo akulho qhi aghilo.

BOTHUBO 19:2

no pi: “Akijeu nokujo, niye nokujo huthunike hile anie, idewo ikilo iloghi tsulo eno nokujo pukhu qhulo eno puthoye hila ngovelo. Inaqheno ithuno khilau wucheni kela wukepushi.” Ikemu pamano khochile pi, “Moe, ikujoye putholo alaghilalo ngonie.”

BOTHUBO 24:32

Ikehu pano timi tipau sasu akilo ighino Laban no kemel qo kho liqhivetsu puzu aghijini ngo achuqupu ishitsu. Tishieno Abraham qeu ngo pa gholo chekeqo pelo apukhu qhupeniye azu sughitsue.

BOTHUBO 43:24

Aqeu no Josef kilo panongu saghino apukhu qhu peniye azutsue. Pano panongu wu gadahaqo ghi kughulhutsu.

LESHELE 119:4

AMPEU nono oyezah pesu nitsuke eno amlo kupushi tipau gholulo pike.

ISAIAH 1:17

achipiu shini keu shikalulo. Achipi lono xathakeu phulo, nedaqoda vekemiqo xaqhelo, mighimghaqo saphulo eno chimemi susholo.”

ACHINE 25:35

Israilmi akusami lakhi okupunulo achekeuye kumlhomi eno pa likhi papo qemlano aghi aye nono aqe kiqemi tsuke toi pa ghenguno kutope qhitsu masake tishianguno paye okupunu ghi xualu nanike.

MATTHEW 25:17

Tihutoi, ghuka 2000 ithulukeu ghi tipaqo pesu ghuka 2000 alau kimijeluve.

MATTHEW 5:16

Titoi timi zulo nongu kuvu yevuqai masae, tishianguno panonguno nongu kumla kivi ithulu no nongu paPuh kungughalo akeu akishe tsu nani.

Luke 7:38

eno Jisu thiu puthugho, pa pukhu philo qa ghi eno li nhezuno Jisu pukhu putsaghi ae. Tishieno akutsusa pesu pa pukhu isuputhotsu; axokutsungu lepukuno nutsue.

Luke 7:44

Tithiu pano atotiu kidiu tsughu ighino Simon vilo pi: “Noye totimi hipau ithulu anima? Ino okilo iloghikelo noye ipukhu kuqhupu ghenguno azu itsu moe, ikemu liye li nhezu pesu ipukhu qhuvetsua eno li sa pesu hipaqo isuvetsua.

Apostolmi 10:22

“Keptein Kornelia no ningu puwue. Paye timi kivimi, Alhou sumsachekemi eno Judami kumtsuno gihu achekemi lakhi. Alhou wu kungumi kimthe lakhino pa kichepiye keuno opelo pa kilo ighikepushi eno nono kiu pikepushi aghini keno inikepushi no kupuwulo pike.”

Apostolmi 22:12

“Anania ipikeu, Ayezah kiqi lono achineyeh kudau amlo tsuqhiyi, eno Judami kumtsuno pipivi chekemi lakhi tipa phughilo ache.

Apostolmi 6:3

Tishiaye, athikuzumiqo nongu gholono timi akivimi khunoqo Aghungu Kimthe eno alokutsu chhitoi ani keno mitsuni kishephelo, eno ninguno panoqo pelo hipa kumlapu saje peithaluve penike.

Apostolmi 9:36

Jopa lo akukutsu papeluvekemi totimi lakhi ae, lije ye Tabitha. (Grik tsalo li jeye Dorka, tipau kiqiye “Ashe”). Lino akivi kumla eno kumlhomi kimiye-kinilo no ado peveche.

Apostolmi 9:39

Ike Pitor no kuto puzu pama sasu wue. Pano ighikelo pa sasu aki jolha kunguulo saiku. Chimemi kumtsu li phivilono mlo-qah eno Dorka no panoqo gholo achekelo mlakeu aphimini pa piye.

Rommi 12:13

Nonguno aghikeu pesu kupulumi vehupu shi aghi keulo qhasutsulo; eno nonguye inami sasukinimi shilo.

Ephesiami 2:10

Ninguye Alhou ghenguno mlakuqha chekeqoke, eno Khristo Jisu gholono akumla kivi shipeniye pano ningu lhoqhike, ningu pelo tipaqo shipeniye Alhou no puzuuno kutope qhiveke.

Kolosiami 1:10

Tishino nonguye Ampeu pulou lono ame kua kuxu xulu, pa lokiqipu shilu, akumla kivi kumtsulo athi pithilu eno Alhou kighithi alau shilu ishi nanike.

1 Tim. 2:10

ikemu Alhou lau amlo tsuqhiyi chekemi totimi ghenguno akuzupushi akeuye akumla kivi pepukepue.

1 Tim. 3:2

Kughengu akukuholo sakiphemi lakhiye akipimi kuhakemi shimasae. Paye anipu lakhi likhi akemi shimasa, tsukhuyikemi alikhi aghasulukemi eno aghola kithikiyikemi shimasa. Paye inami sasuthikemi eno shikathikemi shimasa.

1 Tim. 3:7

Pa ye akukuho kumomiqo gholo ghi pa ghili kivi pikemi aghimasae, tishianguno pa pipusamo nani eno Tughami lichhelo ilomo nani.

1 Tim. 5:16

Ikemu totimi kupulumi lakhi shiaghi puzu lino kibolo chimemi aghiaye, liye tipaqo tucho heju masae eno akukuhou pelo tipau amakho pupekevilo, tishianguno akukuhou pelo kuchouno chimemi shiaghikeqo tuchomujolu pekepue.

1 Tim. 5:25

Tihutoi akumla kivi ghi mutsuqheyive cheni, eno mutsuqheyimono aghi namu kusuvemla nani.

1 Tim. 6:18

Kinimiqo vilo akivipu shilopilo eno akumla kivi nibonilei shilopilo, kutami sasu kupukunoshi kusajeni keu kutope alo pilo.

2 Tim. 1:5

Nono mutsumishei keu kupulu akeu ino kumsulu acheni, tiye opuza Lois ngo oza Eunis pama kupulu achekeu toi noghi tipau aghi nani kepi ino pulu ani.

2 Tim. 2:21

Timi khunono alhoksa inapugha keu launo mithelu nikeno avehu akhotopulo pa peithalu nani, kughengu paye akumla kivipulo peitha kulupushi pa Mpeu lau ikhipetsuve keu shi kutope anike.

2 Tim. 3:15

nono itimi shiaphi lono Kuchoyesu ithichekeu huno akupulu vechewo Khristo Jisu lau xachilekulupu kudau osawukepu lokutsu tsulu nanike.

2 Tim. 3:17

tishianguno Alhou qeu shiakemi pelo akumla kivipu kumtsu shitsashilu eno kupukulayilu peniyeke.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

Titus 2:7

No ampino thwokhalo akumla akughutha kivi shipuzu timi pelo oju pesu xupelo. Okukutsulo mutsumisheyi shilo eno mishisheyi shilo,

Titus 3:1

Now timiqo vilo ayehkipemi ngo kukami qhoqhu eno panoqo ghokulu shilo pilo eno akumla kivi kumtsu shinikeu kutolulo pilo.

Titus 3:14

Nitimiqoye akumla kivipu lono ado peve nikeu ithi pelo eno kuchouno kuhakemi kuphukepu shipelo; eno panonguye avehu kuhakeu kuxu xukepu kumoe.

Titus 3:8

Hiye kuchou tsa lakhike. Niye opelo hipaqo pikichichi apenishike, tishianguno khunoqono Alhou pululuve akeno tipaqo pelo akumla kivilo amlo tsuqhiyi shipeniyeke. Hipaqoye timi ghenguno akivi eno avehupuke.

IBRIMI 10:24

Ninguye kisheno kimiyekileni eno akumla kivi shinikeno lakhino lakhi hakuthonike alokumsu shini nolo.

IBRIMI 13:2

Nongu kilo inami sasuthi nikeu kughucho kevilo, kughengu tishikeu lono muthapuzu kungumi sasu puaghiluvi.

IBRIMI 13:21

pa pelo thwokha kivi jeli pesu nongu tsupuzu pa pulou shilupeniu, eno pano Jisu Khristo vechewo pa lokiqipushi nilolo shilupeniu; alhokupuju lono alhokupuju ghenguno pa lau akimthejekipi achepelo! Amen.

1 Peter 2:12

Alhou mthakemi gholo ghushoghili akivi shilo, tishianguno panonguno nongu vilo kusakugha kumlami kepi nguku aghinamu pano ighike Tsalalo panonguno nongu kumla kivi ithulu puzu Alhou akishe tsupe nike.

1 Peter 4:9

Nhenheshimono nongu kilo lakhino lakhi sasu kilelo.

3 John 1:12

Timi kumtsuno Demetria ye akivikepi picheni; Kuchou hughi paye akivike picheni. Nighi pa shepe shiani, eno ino ashepe shitsukeuye kuchou kepi nonguno ithiani.