1 Tim. 4:6 - BAIBEL (BSI)

⁶ Nono akukutsutsa hipaqo pesu athikuzumiqo lau tsuluaye noye Khristo Jisu qemi kivi lakhi ake, eno akupulu tsa ngo kuchou kukutsu nono pulhapuju pepimhe chekeu huno no ampi lojiputhulu nani.

Sümi Tiqhelimi Bible

⁶ Nono athiküzümi eno achelimiqo lau thime hipaqo kiche tsülu aye, no ye Khristo Jisü qeu kivi lakhi shi nani. Eno nono aküpülü kuchou tsaqo eno akükütsü kivi pape chekeu hu no O lojiputhulu nani.

Sumi Naga CL (Re-edited) Bible (BSI)

⁶ Nono akükütsü hipaqo pesü athiküzümi lau tsülu aye, no ye Khristo Jisü qemi kivi lakhie, ti ye aküpülü tsa ngo akülü kuchou, nono pepimhe chekeu huno o qophe püakeu lono ke.

1 Tim. 4:6 Mawu Ofanana

LESHELE 19:7

AMPEU yezah ye kupukulayike, tino aghuthi puxutsu cheni. AMPEU no shilo pikeu yezah ye achipi, alokutsu kuhakemi pelo tsukhuilu chenipe.

AHOLE 4:2

Ino nongu shikapiye akeuye akivike, ike hi kumtsu kumsupululo.

JEREMIYA 15:16

Nono iputsake, eno ino atsa lothi kumtsu initsu chenike. Niye owuke O AMPEU, Akughushu Lhou, ikehu otsano imlolo alokivi chhitoi ani eno alokivi anike.

MATTHEW 13:52

Ikelo pano panoqo vilo ishi pi: “Tighenguno Kungugha yehkipe qholo Ayetsa kukutsumi khije qopheluvekemi keno panoqoye aki pighichekemi lakhino pa bi-ale lono thime-kithe ngo thime-aqah ngo ishi khalau ikhiphekeu hutoike.”

Luke 1:3

Tishikehu, Thiofilos, hipaqo kumtsu abothu lono ino tsaqui phukide kudajuve ake ghenguno osala, apasu shi yeh nikeu kumsuluvae.

Apostolmi 1:15

Tishiwo kushuwa kumolo, kupulumiqo kuho kelauye kumtsu kuqhakelo 120 kumqolue, tile Pitor no puthughono pi,

Apostolmi 20:31

Tighenguno jukuto alo, ino anhezu thotsu piji ampe kuthu kutolo tamono putho pucho nongu lakhikhi shika chekeu kumsulualo.

Apostolmi 20:35

Ino pulhapuju nongu shipiye chekeuno, shishe aghimeshi mlapuzu tomo-chhimokeqo kuphumasa, eno Ampeu Jisu ampino hitoi pipuakeu tsa kumsulu kepue, ‘Tsukeuno lukeu nguno akumghapue.’ ”

Rommi 15:15

Ikemu yesu hipaulo tsatsayi nongu loputsu kithekeu shi avehu akhoto hami ghenguye amlo kumto suno nongu lau yevae. Ino amlo kumto shiakeuye kutau ghenguno kumono

1 Kor. 4:17

Hipau ghenguno niye nongu lau Timothi puwu ani. Ampeu gholo xukuqha pesu akeulo paye ino pukhubekulu eno ino kimiye chekeu nuke. Khristo gholo xukuqhape akeulo ino pepimhechekeu, khipaqo pesu ino aqha kukuhou kumtsu lau shika cheni keno pano tipaqo pesu nongu vilo pithikithe tsu nani.

2 Kor. 11:23

Panonguye Khristo ghinikishimi kesha? Niye panongu nguno aghinimi akiviuke! (Niye izuphokicheyive kemi lakhi toi pianike.) Panongu nguno ino alau aghichhe ghime shipuani, ghuthu kutomo akughu shipuani, pikhamla kepushi timino iheqhipuani eno ghuthu kutomo thiveke kumlho shipuani.

2 Kor. 3:6

kughengu pano ningu pelo puloshoqhi akitheu huthukemi shilupeke, tiye yepuakeu-yeh lakhi ke kumoe ikemu Aghungu lonoke. Yepe puakeu yezah no akithi sughi cheni ikemu Aghungu no akuxupu tsu cheni.

2 Kor. 6:4

Tishinike zuqhulo, ninguye Alhou qemiqo kehu alaghi thwokhalo ningu likhi ningu jukutokughoyi acheni; tiye akupuna puqhepekeulo eno akijikusalo kheakulushi cheni.

Ephesiami 6:21

Itehiye nongu ghi niye kiutoi ani eno kiu shianikeno ithinishi aghi nanike, kimiyechekeu nithikuzuu eno Ampeu kumlalo pukhubekulu shi mlachekeu Tukhika no thwokha nongu vilo pitsu nani.

FILIPIAMI 2:20

Nonguye kiutoi anikelapi kumsukimgheyi tsunikemi igholo pa toi kutami kuhae.

FILIPIAMI 2:22

Ikemu Timothi ye amekuapu kiu ani keno nonguno ithi ani; anuno apu sasu mla akeshi atsakiviu ghenguno pano azukinishi isasu mla acheni.

FILIPIAMI 3:16

Tishiaghie pimu, ninguno kiu toluveakeno tipau yeh qhemi pesuno ninguye azuu hasu wuni nolo.

Kolosiami 2:19

Timi tipaqoye Khristo, khuno akutsu keno pa tsuqupe chemovae. Khristo launo atuqhu ngo anhuqo vechewo aphimpi kuchopu kutshukimepe eno aphilo kudapu shilu cheni eno Alhou no thuwupe nishi kehutoi thuwulu cheni.

Kolosiami 3:16

Khristo tsa pelo nongu lolo kinikulushi achepelo. Alokutsu kighithi kumtsu pesu lakhino lakhi kutsupiyekile eno aloshiputsukilelo. Nongu mlolo Alhou shikimthi keu xapusu leshele, akishele eno aghungulo le phelo.

Kolosiami 4:7

Ninguno kimiyechekeu athikuzuu Tukhika no niye kiu toi anikeno kumtsu pesu nongu vilo pi nani. Ni thikuzuuye Ampeu kumla shikeulo nikusami pichebekulumi lakhi ke.

1 Thes. 3:2

eno Ampeu Jisu Khristo lono ningu kumtsa Alhou kumla shichekeu nithikuzuu Timothi pelo nongu shikumto eno nongu kupululo kuphupeniye puwu ani,

1 Tim. 1:10

salha-shupukemi, kiptimino kiptimi sasu kughupakemi, timi kughasawo jekemi, akimkimi, akimki shepe shikemi momu kuchou kukutsu nguno bidelau kiukiumu shikeu ghenguno ayezah mlape puacheni,

1 Tim. 4:16

Olikhi ojukuto eno okukutsu jukutolo. Phekevino pukaputsalo, kughengu nono hipaqo shiaye olikhi oxalu eno otsa chilukemi xakulupu shi nani.

1 Tim. 6:3

khunono akukutsu kutau kutsupiye eno niMpeu Jisu Khristo tsa kuchoulo kuqhamoni keno eno kuchou chineyeh kukutsulo kuqhamoni keno,

2 Tim. 1:6

Tighenguno ino oshou kukumgha betsu kelono Alhou no agho otsukeu hu iquipeghi penike opiputo ani.

2 Tim. 3:10

Ikemu noye ino kutsuche keu, iwu ghushoghili eno ikuxulo kiu mijipesu chenikeno papelue. Noye ikupulu, ino kheakulushi chekeu, ino kimiyechekeu kumtsu ithi ani. Antiok, Ikonia eno Lustra lo

2 Tim. 4:3

Kughengu timino kuchou kukutsu lumonike ghuloki ighi nani, ikemu muthomuzayi keu kini xapu panongu gho-apulou shipenishi kelauno panonguno ininishi akeu likhi pitsupenikemi akukutsumi sawo qhi nani.

Titus 2:1

Ikemu noye kuchou kukutsulo kiu shilopi puanikeno tipautho pesu kutsupiyelo.

1 Peter 2:2

Anga kughununo akichhizu yenishike toi nongu ghi akimthe anguaghapu kichhizu yenishilo, tishianguno nongu ghi thuikulu puzu xakulupu shilu nani.

2 John 1:9

Timi khuu khumu Khristo kukutsulo checheghimo keuye Alhou pa gholo kuhae. Khunono akukutsu tipaulo checheghini keno paye Apu, Anu kinikujo ani.

Jude 1:5

Nonguye puzuuno ithive akemu ino itaghi hipau piputo kithenishi ani, ike Ampeu no Israilmiqo Ijip yeghi lono xapheluve kemu athikhau khunoqono pulumo keno tipaqoye pithiveke.