1 Tim. 4:1 - BAIBEL (BSI)

¹ Aghungu huno mutsumisheyi pikeuno ashekha ghulokiloye timi khamino akupulu pheve nani; panonguno akimiki ghahwuqo tsa ini eno tughamino shikakeulo amlo tsushewuve nani.

Sümi Tiqhelimi Bible

¹ Ashekha ghuloki lo timi khami ye aküpülü pheve no pishikiqhi ghunguqo eno tüghami no shika keu thimeqo pape wuve nani kepi Alhou Ghungu no mütsümishei pivae.

Sumi Naga CL (Re-edited) Bible (BSI)

¹ Aghungu no mtsüqhei pikeu no hithiu timi khami ye pishikiqhi ghawuqo tsa ini eno tüghami shiküka lo amlo tsüuve keu lono aküpülü pheve nani.

1 Tim. 4:1 Mawu Ofanana

BOTHUBO 3:13

AMPEU Alhou no atotiu vilo iniju, “Noye kishi puzu hitoi shive kya?” Atotiuno khochile pi, “Apighino ipishiqhive puzu niye ti chuvae.”

KUKAMI ATUGHIU 13:18

Tileno amchou tungkupu Bethel lono ighikeu huno pa vilo pi, “Nighi otoi tungkupumi lakhi ke, ikehu AMPEU zah kutsu lono kungumi lakhino ivilo pikeuno osasu akilo ide ighino osasulo pike.” Ikemu ti amchou tungkupu huye miki ake.

ISAIAH 2:2

Ighinikeu tsalaloye AMPEU chineki shipuku puakeu naghutoye naghuto kutau kumtsu nguno akiqheu lakhi shiluve nani, naghuto kumtsu nguno qhemghaive nani. Ashiayeh kutomono hipaulo qokive ilo nani.

JEREMIYA 23:26

Tungkupmi hupaqoye pano likhi panono akimki iqiphekeu pesu ado khitohi iwu timiqo sapimi anani kya?

JEREMIYA 48:47

Ikemu ighinikeu tsalalo AMPEU no Muab pesu itaghi kinikulu shi nani. Hipaqo kumtsu Muab shou shi nani kepi AMPEU no piveake.

JEREMIYA 49:39

Ikemu hithiuno ino Elam lo kuami pesu itaghi kinikulu shitsu nani. Ni, AMPEU no piveake.”

EZEKEL 1:3

Babilon lo Kebar ghoki phivilo AMPEU no iputsakeu ino chilue eno niye pa kuka ithiluke.

EZEKEL 38:16

Pasapagha lakhino ayeghi shou itha ighikeu toi nono iwu timi Israilmi leighi nani. Kughono ado toveni keno, ino opelo iyeghi lewupeniye puwu nani,tiye ashiayehqo pelo niye khuu keno piyeni kehue eno ikimthe piyenike.

DANIEL 10:14

Ino olau ighi akeuye owu timiqo shou kiu ighi nani keno opelo ithive peniyeke. Hipau kungunhetsu nono ithulu keuye ighinikeu ghilike.”

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

MICAH 4:1

Ashekhalau tsalalo naghuto khi- paulo Achineki ani keno tipauye kumtsu nguno akiqheu shi nani, naghuto kutau kumtsu nguno akuchuquu shi nani. Ashiayeh kutomono tipaulo chokive ighi nani eno timi tipaqono ishi pinani,

AKIKIHI 24:14

Balam no Balak vilo pi, “Itehi niye niwu timiqo lau idewove niake ikemu ino wumphi lono Israilmino ighinikeu lo nowu timiqo shou kiu shinani keno ino okutughuve tsunike.”

MATTHEW 18:7

Timi pelo axinelo ghukesawuve pekepu akeu ghenguno ayeghiqhalo ahakusapue! Kughengu ghukesawuve kepu ighimasakeu ani, ikemu timi khuuno vechewo ghukesawuve kepu ighi nikeno timi tipanoye ahakusapu ani!

Luke 17:1

Jisu no pa khopemi vilo pi: “Timi pelo axinelo ikiqi ilovepe chekeu ighini putsa; ikemu khuno vechesuno tipaqo ighi chenipe keno panoye ahakusapue!

John 16:13

Ikemu kughono Kuchou Ghungu ighini keno pano kuchou ghili kumtsulo nongu saphepiye nani, kughengu paye pa likhi pa kutoshi pimo nani ikemu pano kiu chilu keno tipau pi nani eno thime ighiniye akeqo ghili nongu vilo pi nani.

Apostolmi 13:2

Panonguno Ampeu sheqhe mlla eno kumvu ake lono Aghungu Kimthe no panongu vilo pi, “Barnaba ngo Saul pamaye ino kupe puakeu kumla shipenike ghenguno pama kutashi qhivelo.”

Apostolmi 17:18

Epikure kukutsu papekemi eno Stoiks kukutsu papekemi khami ghi ighieno pa sasu kighe. khamino ishi pi, “Tsathipa hipauye kiu piniepi ani kya?” Kutami khamino ishi pi, “Paye kutami shiayeh lhou ghili pi aghikepu toi anike.” Panonguno ishi pikeuye kutau ghenguno kumo puzu Paul no Jisu ghili eno xuchilethughi keu ghili pikeu ghenguno ke.

Apostolmi 21:11

Pano ningu gholo ighi puzu Paul pokha ikhipe pa likhi pa phi-au pheda puzu pi, “Aghungu Kimthe no hishi pi anie, apokha hipau mipeuye Jerusalem lo Judami qono hitoi pheda puzu pa kughape Judakumomi ulo phesuve tsunanie.”

Apostolmi 28:25

Ikehu, panongu dolo kuqhamlano auve kehu, Paul no atsa nhekha lakhi pive kethiuye panonguye ixawove. Paul no hi pike, “Aghungu Kimthe no Isaya tungkupu vechewo nongu puasu vilo pikeu huye kiutoi kuchou kela!

1 Kor. 10:20

Tikutamoe. Ino piakeuye Alhou kumthamino akumllagho shikeuye tughami mlla ani kethono Alhou mlla amoe. Niye nongu pelo tughami sasu kuposhu penishimoe.

1 Kor. 11:19

Kughengu nongu dolo alaxa kututa shi aghi mayesake tishianguno nongu gholo khunoqono achipishi ani keno tipaqo mutsuqheyi michilupeniyeke.

1 Kor. 12:11

Ikemu Aghungu no khuno tsukuzu keno tipano tsu cheni.

1 Kor. 2:10

Ikemu Alhou no pa Ghungu vechewo thime hipaqo ningu lau pephepiyevae. Aghungu no thwokha lhekide kudaju cheni, Alhou kukughu thonheyi kusupuakeu kutolo.

2 Kor. 11:3

Ikemu apighino muqumugha vesu puzu Eva pishiqhive ketoi nongu kukumsu ghi mutsumishei eno tsaqutsaleyi Khristo lau amlo tsuchekeu launo sakughuzuve nike ino msatsu ani.

ZAKINIU 32:29

Panonguye kushiye leluvepe keno tipau ithumla, Panonguye kiu shive keno tipau vethamlae.

ZAKINIU 4:30

Nonguno shilusa akelo eno hupaqo kumtsu nongu lau shitave kethiuno nonguye ashekhashi AMPEU lau ideghi nani eno pa gholu nanike.

Kolosiami 2:18

Timi khamiye alikhi ampi jukuchhube keu eno kungumi mllakeulo amlo tsuqhiyi acheni eno kungunhetsuno akhotou shicheni. Titoi kemiqoye hipa yeghilo timi kukumsu pesu akiqi kiumu kuhamu akuchhoma shi acheni. Timi tipaqo pelo nongu kideqhive pekevilo.

2 Tim. 3:13

ikemu timi lhoksami ngo ghaghumiye kutami pishiqhikeulo eno pano likhi pano pishiqhikeulo vimokithe acheuve nani.

2 Tim. 4:4

Timi tipaqoye kuchou tsa ininikeu lono tsughuve nani eno kughakiche tsalo amlo tsuwuve nani.

James 3:15

Tikithipu lokutsuye kungugha launo ighikeu kumoe; tiye ayeghiqha lowuke, tiye nguka ngugha ke eno tughakusapuke.

1 Peter 1:20

Ayeghiqha ghomphi lono paye kishephepe puaveke ikemu nongu ghenguno hi kishekhakeu tsala lono pephepiyevae.

2 Peter 2:1

Ikemu timiqo gholo kichile tungkupmi ghi ipeghi, ike tihutoi nongu gholo ghi kichile kukutsumi ipeghi nani. Panonguno shikupusapu kuchoukumo kukutsu pesu kusuuno ighi nani eno panoqo xachilelukeu Ampeu milive nani eno pano likhi pano shou shikupusapu zuleno sughi nani.

2 Peter 3:3

Atughishi nonguno hipau ithikututa shimasae, ike ashekha tsalaloye timino alikhi ashi ajino ngosukumla papewuve puzu nongu thaigha nani,

1 John 2:18

Itianuliqo, ashekha tsala kupunuvae. Nongu vilo Khristo Kimthiu ighi nani kepi piche kehu itehiye Khristo Kimthimi kutomo ipeghivae, tighenguno ashekha tsala kupunuvea kepi nino ithie.

1 John 4:6

Ikemu ninguye Alhou laumike. Khunono Alhou ithitoi anikeno nino pikeu ini cheni eno khunono Alhou laumi kumokeno nino pikeu ini chemoe. Kuchou Ghungu eno kichileu ghungu kuma dolo kutuqu akeu hipau lono ninguno ithi cheni.

Jude 1:18

Panonguno nongu vilo pikeuno, “Ashekha tsalaloye nongu jukunathakemi ipeghi nani, panonguye Alhou sumokeu ngosukumla kuxu papewuve nani.”

Jude 1:4

Kughengu khunomu mthano akelono Alhou lau amlo tsuchemokemi khamino tuqhouno ningu gholo iloghivae. Timi hipaqoye niLhou wu kukumgha tsape ghili tuchighi pesu pano shi aji lhoksa puloulo suve ani eno niMpeu ni Kukutsuu ye Jisu Khristo likhike pa hakha anie. Highenguno timi hipaqo Alhou no peve nikeu shi khaghino amichi shipe qhivae.

Piyeküsü 13:14

Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Piyeküsü 16:14

Tipaqoye tughamino amchipu jeli shiluakeu ghahwuqoke, eno hipano kuthuno ayeghiqha kumtsulo kukami akeqo lau wuve, tiye Alhou Akumtou tsala kijelo aghushi nike panoqo hekutsu kumqoniyeke.

Piyeküsü 18:2

Pano asutsa kuloghi lakhi lono ighamuku pi, “Ikiqivae! Babilon akijeu huye ikiqivae! Hiye aghahwu eno tughakusano mithekumo jelino tile acheuvae.

Piyeküsü 18:23

Akulu kuvu ololo khilemu itaghi ithulupemo nani; kulaliu eno kulapuu sutsa chimlave nani. Owu alhikishimiye ayeghiqha kumtsulo shishe akuka kuamike, eno owu kichileu kuduu pesu ayeghilo akemi kumtsu nono pishiqhike!”

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

Piyeküsü 2:11

Khunono akini puani keno Aghunguno akukuhouqo lau piakeu chilupelo! Khunono theqhikulushi toluni keno akithi akiniu pesu ghuzamo nani.”

Piyeküsü 2:17

Khunono akini puani keno, Aghungu no akukuhouqo lau piakeu chilu pelo! Khunono theqhikulushi toluni keno manna kusupe puakeu hami ino tsu nani; eno metsughoikeu tu lakhi ino milakhikhi tsu nani eno tipau shou ajekithe lakhi yepuku puani, atu tipau ithulukemino kumoaye kutami khunomu aje tipau ithimo nani.”

Piyeküsü 2:29

Khunono akini puani keno Aghungu no akukuhouqo lau piakeu chilupelo!”

Piyeküsü 2:7

Khunono akini puanikeno Aghungu no akukuhouqo lau piakeu chilu pelo! Khunono theqhikulushi toluni keno, Alhou wu Aghutu lo akuxupu subo akeu xathi chulupe nani.”

Piyeküsü 20:10

Tileno pano pishiqhichekeu Tughami huye ami eno amichu pitiakeu yizulo vesuve, khipa-alo tughashi ngo kichileu tungkupu vesupe puakeno, eno putho pucho alhokupujulo panonguye tileno pitipuzaqhi nani.

Piyeküsü 20:8

pano ayeghi cheku bidilo ashiayeh akeqo, ti Gog ngo Magog pishiqhinike wuve nani. Satan no aghu shiniaye panoqo kumtsu kumqo sasu ighi nani.

Piyeküsü 3:13

Khunono akini puani keno Aghungu no akukuhouqo lau piakeu chilupelo!”

Piyeküsü 3:22

Khunono akini puani keno Aghungu no akukuhouqo lau piakeu chilupelo!”

Piyeküsü 3:6

Khunono akini puani keno Aghungu no akukuhouqo lau piakeu chilupelo!”

Piyeküsü 9:20

Timi khije pusa hipaqono pithimono achili shiaghikeno tipaqoye panonguno mlape qhichekeu launo xaideghimoe. Panonguye tughami mllachekeu phevemoe, momu shunayi, tsandiyi, alazayi, asu atu julho mllachekeu phevemoe, tipaqoye ithuluchemo, chiluchemo eno alachelu chemoe.