1 Tim. 3:16 - BAIBEL (BSI)

¹⁶ Ningu chineyeh tuqhouye kiutoi kije keno khunomu moe pimlakeu ke! Pano timi phi-ashi shi ighike, Achipi kepi Aghungu no piyeve. Paye kungumino ithulupuani, Judakumomi gholo pa pesu pikulhave. Ayeghiqha kumtsulo pa puluwove, Akimthejukuvu lono pa sasu ikuve.

Sümi Tiqhelimi Bible

¹⁶ Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

Sumi Naga CL (Re-edited) Bible (BSI)

¹⁶ Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

1 Tim. 3:16 Mawu Ofanana

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

MATTHEW 1:23

“Julo, ilimi huno mishiluve nani, eno anu lakhi punu nani, eno paje Immanu-el kutsu nani” (tipau kiqiye, “Alhou no ningu sasu ani”).

MATTHEW 13:11

“Kungugha yehkipe tuqhouqo ithipe nike nongu lau tsuvae, ikemu panoqo lauye tsu puamoe.

MATTHEW 28:2

Tile zuleno ayeghi kughutha kije lakhi ighi, tiye Ampeuw kungumi lakhi kungugha lono iqighi puzu atulupha hu tukuluveno tipau shou iqa-a.

MATTHEW 3:16

Jisu no baptiz shilukelo pano azu lono ithughi kemtsa kungugha khaqhitsu eno Alhou Ghungu no miqhedu lakhi toi iqighino pa shou ngove keu pano ithulu,

MATTHEW 4:11

Tileno Ghukujuuno pa qhive, eno kungumi ighino pa huthu auve.

Mark 1:13

Paye timi kughunamoke-alo atsala lhobidi Satan no pa ghujuae. Tughashi ghi tile ae, ikemu kungumino ighieno pa tucho-heju ae.

Mark 16:19

Ike Ampeu Jisu no panoqo putsatave kethiu, paye kungugha lo sakuve, eno Alhou-u ajeu iqave.

Mark 16:5

Akumoki alou iloghi kelo apumi lakhi metsughoyikeu phimini chijeboyipepu puzu ajeu iqa aghike panonguno ithulu, ike panonguye thughuyive.

Luke 2:32

Akuvu lakhi hi Judakumomi pephepiye anike, Eno ajukuvu owu Israilmi tsunike.”

Luke 20:44

Tishiaye David ghi pa vilo ‘Ampeu’ ipi kue. Kishi puzu Mesiya ye David tikughuko shi aghini kya?”

Luke 22:43

Kungugha lono kungumi lakhi pa lau ipeghi eno pa shikumtoe.

Luke 24:4

Panonguno highenguno avehu izu akelono paikhavi lono timi kini yevuqai keu phi upuzu panongu phivilo puthughoe.

Luke 24:51

Pano panongu kumghatsu aphi lono, paye panongu launo kututa shive eno kungughalo sakuve.

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 13:3

Apuh no akuka kumtsu Jisu ulo suvetsukeu Jisu no ithi ae eno paye Alhou launo ighi eno Alhou lau wuveni cheni kepi pano ithi ae.

John 15:26

“Ikemu Shikumtokutsuu kuchou Ghungu, Apu kudauno ipekighiu hu, Apu launo ino nongu lau puwu nani. Kughou pano ighini keno, pano ishepe shitsu nani.

John 16:28

Niye Apu launo ighike eno ayeghilo ighivae; eno itaghi ayeghiqha qhiveno Apuh lau wuveni cheni.”

John 17:5

Apuo! ayeghiqha lhophe mphilo ino ogholo achekeu jekipi hu pesu itehino ogholono ijepipi tsulo.

John 20:12

ikelauye kungumi kini metsughoyikeu phimini pepu puzu Jisu sukumo qhikeu-alo lakhino akutsu kudau eno lakhino apukhu kudau iqa aghikeu ithulu.

John 6:62

Tishiaye, Timi Nu no puzuu pano khile achekeno tile ikuchekeu nonguno ithuluaye nonguye kishi nani kya?

Apostolmi 1:19

Jerusalem lo kughuna kuami kumtsuno tipau chiluvae, ikehu panoqo tsauno alu tipau Akaldama kuvetsu, tipau kiqiye ,”Ahjilu.”)

Apostolmi 10:34

Pitor no ishi pithu: “Kuchouno ino jupililu akeuno Alhou ye timi kumtsu aphi-phi lono peitha cheni.

Apostolmi 14:27

Panonguno Antiok lo ighi kelo akukuhomi kuhokumqo, eno tipaqo vilo Alhou no kishi panongu peitha keno kishekulu lhe, Judakumomi pelo pululu penike ghenguno Alhou no alaghi kishi kophe tsu anikeno pie.

Apostolmi 20:28

Nongu likhi nongu jukutsukiyi lo eno Aghungu Kimthe no nongu pelo jukidekuda peniaye qhipuatsukeu loji hu jukutsu-kiyi tsulo. Alhou kukuhou kheu shilo, tiye pa Nu kithi vechewo pawu shilupe puanike.

Rommi 10:12

Hiye kumtsu kihi ani, kughengu Judami ngo Judakumomi dolo kutuqukeu kumu kuhae, Ampeu hipauye kumtsu Mpeu ke eno pa phu ighi kemi kumtsu shou kupukunoshi kumghatsu cheni.

Rommi 10:18

Ikemu ino hi iniju ani, panonguye kuchouno asutsa chimlave kesha? Panonguye chiluvea thono, kughengu kuchoyesulo ishi pivae. “Panongu ghughaye ayeghi kumtsu shou wuvae, eno panongu tsaye ayeghi shekha kutolo tovae.”

Rommi 16:25

Itehiye ino Atsakiviu eno Jisu Khristo ghili pikulhache keu kiqi lono nongu shikumtolu chekeu lau eno mzamghaleyi pephepiyekeu khikhi tiqheli kushuwa kutolo kusupe acheke,

Rommi 16:26

ikemu itehiye lhapheveake, eno Alhou launo tungkuptsa yepuakeqo vechewo ashiayeh kumtsu lau pithiveake, ti lhokta Lhou no ahzakutsu shikeu kiqi lono, akupulu shi aghokulushi ighi penikeu ghili,

Rommi 3:4

Khilemu tishimo nani! Timi kumtsuno kimkimi shive namu Alhou ye kuchou shi ani putsae. Kuchoyesulo ishi pipuakeu toi: “Kughou nono atsa pini keno noye achipie pi piye masae, Kughou oshou kughathabeni keno noye tipaulo tolu masae.”

Rommi 8:3

Timi lhoaye no tomo chhimo keghenguno Ayezah no shimlano achekeu hu, Alhou no shivetsuae. Axine shipuhavenike ghenguno Alhou no paNu kuchou, timi xine lhoaye kimihi lono pa puwu puzu timi lhoaye gholono axine kilevetsu.

Rommi 9:5

Panonguye apu-asuqo polokughukomi, eno Khristo ghi timi shi-ghi ighikeu kiqiloye panongu shiayeh ke. Kumtsu shou Alhou no ampi ke pulhapuju pa sheqhe akepue! Amen.

1 Kor. 15:47

Timi atughiuye ayeghimukhuno lhoke; timi akiniuye kungugha launo ighike.

1 Kor. 2:7

Ino piakeu suqekighithiye Alhou tuqhou suqekighithike, tiye timi launo kusupe puachekeu ke, ayeghiqha lhomphi lono Alhou no ningu kimthe jukuvupu shitsunike kughuqhikeuke.

2 Kor. 1:19

Kughengu Alhou Nu Jisu Khristo pesu nongu gholo Sila, Timothi eno isheshu huye “Iye” “Moe” ipikeu tsa kumoe, ikemu Alhou no “Iye” ipikeuye pake.

Galatiami 2:8

Kughengu Alhou no Pitor pelo Judami lau apostolmi shilupeke toi, Alhou no ipelo ghi Judakumomi lau apostolmi shilupeke.

Galatiami 4:4

Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe,

Ephesiami 1:9

pa pulou muzamughaleyi kusupe achekeu ningu lau kighithivepeke, tiye pano Khristo gholo shikupuniye akimji shipe puachekeuke.

Ephesiami 6:19

Ighenguno ghi inikhu tsualo, tishianguno ino pikepu shikelo Alhou no pikulupu itsupe nike eno ipelo musa ighumono tuqhou tsakiviu pesu asheshulupe nike.

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

Kolosiami 1:27

Kughengu Alhou kukughuye hike: pawu tuqhou pesu timiqo pithiniyeke, ike tiye Judakumomi kumtsu ghenguno kinikulupu eno akimthe jukuvupu shi tuqhou pano puakeu huke. Tuqhouye hike: Khristo ye nongu lolo ani, eno tipau kiqiye Alhou kimthe jukuvu kusaje nikeu lajupu anie.

Kolosiami 1:6

Nonguno Alhou wu kupukini hu kuchou kepi chilu eno ithi kuthuluke tsala lono nongu gholo athi pithilu eno thuwulu akehutoi, ayeghiqha kumtsu atsakiviuye athi pithilu eno thuwulu ani.

Kolosiami 2:2

Tishianguno panongu mlo kuloghi shilupe, kimiyekinilo ghokumqolu eno ithikutolu keu lono sughiche keu kinikulu kumtsu alupeniyeke. Tishikeu lono panonguno Alhou wu tuqhou ti Khristo ithilu nani.

2 Thes. 1:10

Tiye Ampeu no pawu timiqo zulono ajekipi luke tsalalo eno pa pulu chekemi gholo pa gihuke tsala lono tishi nani. Nongu ghi kupulumiqo gholo sulu nani kughengu ninguno pikeu tsapehu nonguno pulubeluvae.

2 Thes. 2:7

Kughengu muzamghalei keu kixikilau huye itehighi tuqhouno akumla shiauvae; ikemu pa hakha pesu akeuno kuhave kethiuno kiu shiniye anikeno tipau shilu nani.

1 Tim. 3:9

eno kivikusa-mlo tsughukhuyi xapusu pepiyevekeu kupulu tsuqupesu amayesa.

IBRIMI 1:3

Paye Alhou kimthejukuvu wu mulapuyi yebidekeuke, paye Alhou lhoaye sasu aphiphishi kimihi anike eno tsutsu yeghi thwokha kumtsu pa tsalo akuka akeu huno sukimepe anie. Timiqoye axine lono shikimthe kulupushi pano shivetsu kethiuye, paye kungughalo Akughushu Lhou uajeu iqae.

IBRIMI 12:2

Ningu kupulu hukuthuu eno kishekhau Jisu lau anhe-sukuqumono juni nolo. Pa zulo alokivipu qhipuatsukeu jupesu paye kros lo thinikeu kujo-mzakepu kepi kumsumoe eno itehiye Alhou wu akuka lakhu ajeu iqa ani.

IBRIMI 7:7

Tishiaye, kukumgha tsuakeu timi huye kukumgha ithulu akeu timi nguno akijeu kepi ithithaivae.

IBRIMI 8:1

Ti pi ighivekeulo atsa akhoto huye hike: ninguye achinetou hukithipu anie, kungughalo Akughushuu kuka lakhu ajeu iqa chekeuke;

1 Peter 1:12

Alhou no tungkupmi lau piyesukeuno panonguno mla akeuye panoqo vehupu ghenguno kumono hi nongu ghengunoke; tihu itehiye nongu lau kuchou pikulhavekeu vehuke. Tiye Atsakiviu pikulha chekemino Aghungu Kimthe, kungugha lono puwukeu vechewo nongu vilo pikulhavae. Hipaqo vehuye kungumi ghi junishikutu cheke.

1 Peter 1:20

Ayeghiqha ghomphi lono paye kishephepe puaveke ikemu nongu ghenguno hi kishekhakeu tsala lono pephepiyevae.

1 Peter 1:21

Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

1 Peter 3:18

Kughengu Khristo ghi axine ghenguno ghuthu khavilo kumtsu ghenguno thiveke, amikuchouno amikuchokumomi ghenguno thive, tishianguno Alhou lau ningu saghiniyeke, eno aphimpi lono pa pithive ikemu angu-aghapu kuxulo pa xuputhuve;

1 Peter 3:22

Paye kungughalo wuvae eno Alhou u-ajeu ani eno kungumi kumtsu eno kungughalo ayehkipe jeli eno akuka jeli kumtsu pa qholo anike.

1 John 1:2

Kughono akuxupu hu pephetsu keno nino tipau ithulu eno tipau shepe shike eno Apu gholo lhokta kuxupu ache puzu nilau pephetsu keu hu tipau pesu nongu lau asheshu ani.

1 John 3:5

Nonguno ithianike Khristo no ipeghikeuye axine ikhisuwuve niyeke, eno pa lolo axine kiumu kuha.

1 John 3:8

Khunono axine shi cheni keno panoye Tughami laumike; kughengu Tughami ye abothu lono axine shiveake. Alhou Nuno ipeghikeu kiqiye Tughami no mulapuakeu shipusave tsu niyeke.

Piyeküsü 17:5

Li kishelo tuqhou kiqi lono aje lakhi yepe pua: “Babilon akijeu, salhashupumi eno ayeghilo aphikumqhupumi kumtsu paza.”

Piyeküsü 17:7

Ikemu kungumi huno ivilo ishipi, “Noye kushiye akumza ani kya? Totimi hipau kiqi tuqhou akeu eno tughashi akutsu tsuni akibo chighi pupuzu li xapuchekeu kiqi tuqhou akeu ino ovilo pi nanike.

Piyeküsü 7:9

Hipathiu ino jukeloye khunomu kihikhamla kepushi timi aqokitikhi tile aghi. Panonguye timi ajeli kututa, ashiayeh kututa, aju kututa, atsa kututa lono ighikemi eno panonguye akimiye phimini pepu eno panongu ulo aghumhibo loka pepuzu akuka lakhulo eno Bheriti zulo puthugho.