1 Tim. 2:5 - BAIBEL (BSI)

⁵ Kughengu Alhou ye lakhike eno Alhou ngo timi dolo alashikutsuuye lakhi, tiye timi Khristo Jisu ke.

Sümi Tiqhelimi Bible

⁵ Kughengu Alhou lakhi likhi ani eno Alhou ngò timi dolo alakipiu lakhi ani, tiye Khristo Jisü timi hu ke.

Sumi Naga CL (Re-edited) Bible (BSI)

⁵ Kughengu Alhou ye lakhi likhi eno Alhou ngo timi dolo alakishiu lakhi ani ke, ti ye timi, Khristo Jisü ke,

1 Tim. 2:5 Mawu Ofanana

JOB 9:33

Alhou ikujo dolo sukhotsukemi aghipenishie! Ikujo dolo pa-u betha penicheke!

ISAIAH 44:6

AMPEU, Israil shou ayehkipeu eno sushokuluu, Akughushu MPEU no hipau pianike: “Niye atughiu, ashekhau, ilikhino Alhou; inguno kutau Alhou kiumu kuhae.

MATTHEW 1:1

Jisu Khristo puasu kaku. Paye David eno Abraham laghami lakhi.

MATTHEW 1:23

“Julo, ilimi huno mishiluve nani, eno anu lakhi punu nani, eno paje Immanu-el kutsu nani” (tipau kiqiye, “Alhou no ningu sasu ani”).

Luke 14:22

Tishiwo kushokumolo aqeuno pi, ‘Akijeu, owu ahza kutsu shikupuvae ikemu itaghi a-a aphie!’

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

Apostolmi 4:12

Xakulupuye palikhi vechewo ithulu nani, kughengu ayeghiqha kumtsulo ni-xakulupu aje hinguno kutau Alhou no timi tsupe puamoe.”

Rommi 1:3

Hiye paNu niMpeu Jisu Khristo ghili ke: Timi lhoaye kiqiloye paye David polo kughulomi lakhi,

Rommi 10:12

Hiye kumtsu kihi ani, kughengu Judami ngo Judakumomi dolo kutuqukeu kumu kuhae, Ampeu hipauye kumtsu Mpeu ke eno pa phu ighi kemi kumtsu shou kupukunoshi kumghatsu cheni.

1 Kor. 8:4

Tishiaye, Alhou nguno ajulho kutau mllavekeu chuqupu chukeu ninguno ithi akeuno Alhou nguno ajulho kutau shipe qhikeqo hu kuchouno achenike kumoke, Alhou ye lakhi likhi kethono kutau kuhae.

1 Kor. 8:6

tishimu ningu ghenguye Alhou lakhi likhi ani, paye Apu ke, thwokha pa launo ighi eno pa ghenguno ninguye xuaghiluke; eno Ampeu lakhi likhi akeuye Jisu Khristo ke, pa vechewo thwokha ighi eno pa ghenguno ninguye xuaghiluke.

Galatiami 3:20

Ikemu khileno ampino shini keno lachemi avehupu kuhae, kughengu Alhou ye lakhie.

Ephesiami 4:6

Alhou lakhino ningu kumtsu pa Puh ke, pano kumtsu shou Ampeu, kumtsu lau mla ani eno kumtsulo ani.

ZAKINIU 6:4

“Israil, hipau kumsululo! AMPEU ningu Lhou likhino Alhou ke!

1 Tim. 6:13

Thwokha kumtsu kuxu tsukeu Lhou zulono eno Pontio Pilat zulo pikiphe akivishi shikeu Khristo Jisu zulono ino ahza hipau otsu ani:

IBRIMI 12:24

Nongu Puloshoqhi Akitheu kimekutsuu Jisu lau eno Abel jih nguno kupuqhiyi pipuakeu kuzutepuku keu jih lau ighi ani.

IBRIMI 7:25

Ikehu, khunono pa vechesu Alhou lau ighini keno, paye tipaqo itehi ghi eno pulhapujulo xakulupu shilu anie, kughengu panoqo ghenguno Alhou vilo qhuiniju tsunike paye alhokupuju xu acheni.

IBRIMI 8:6

Ikemu Jisu no Alhou ngo timi dolo puloshoqhi shipe qhitsukeuye akiviuke, tiye thime kivi piqhipuakeqo shou bepuzu shike ghenguno; tihutoi, achine kumla shipeniye pa tsupuakeu ghi achine kumla shichekeu aqau nguno shishe akiqheuke.

IBRIMI 9:15

Highenguno Khristo no Puloshoqhi Akitheu pekime kutsuuke, tishianguno Alhou no kuluvekemi pelo lhokta mheghi piqhipuakeu ithulupe niyeke, kughengu akithi lakhi thipe puakeu huno timino puloshoqhi atughiu qholo akelo pimipuakeu launo panongu xachile phelu anike.

1 John 2:1

Itianuliqo,ino hipau nongu lau yepuwu ani, tishianguno nongu pelo axine shipemo niyeke, ikemu nongu gholo khualano axine shiaye, Apu vilo nizuqhushi qhuinijutsu nikemi milakhi ani, pa ye amikuchou Jisu Khristo ke.

Piyeküsü 1:13

eno tipaqo mutalo timi toike lakhi aghi, eno apukhu kutolo chijebobo-phikuzu u-ae, eno shunayino shikeu pokha pesu pa chita khapu ae.